التسجيل
استرجاع كلمة السر
أنواع الرجال قصيدة مميزة لأحمد الظبياني
آخر تعليق
أحمد يقول إسم الرجاجيل واحد الاسم واحد والعقول أطوار الإسم واحد والمعاني كثيره مثل المعادن في يد البيطار من له نظر يميز طبوعهم يفهم نوادرهم وما يحتار فيهم كما الفضة وفيهم جواهر وفيهم تنك يبرق على الفخار وفيهم كثير الهرج من غير معنى وسط المجالس واحد ثرثار وفيهم كما الفولاذ لو قل زوله زوله صغير ويرجح المقدار وفيهم كما عود العشر حين صبوته لو تمسكه بيدك يروح اكسار فكر ترى عود العشر ما يجي عصا أيضا ولا يشقى به النجار وفيهم ثقيل الدم علة لصاحبه عكاس وأعماله بدون عيار غصب يجيب الضيق بينك وبينه وليته لزلات الخوي صبار تجنبه قدام لا تبتلي بهوان إن كنت عاقل تدرك الأخبار خله يلاقي لعيب يلاعبه الجد بين الأحمقين عوار واحد يضيف الميتين بساعته وإذا قعد يحمل سداد الثار يغدي طريد والمطارد يطارده ولا له عن ضيم الرجال فرار إمشي مع رجل يحفظ مقامك عقب الجميله يطلب المعذار يا جاهل المعنى عليك بنصيحتي أعمل بقولي وأحفظ الأسرار الفن الأول عالم تقتدي به سلك طريق السادة الأبرار شيخ عليم يتبع العلم بالعمل على رحابه تكثر الزوار والثاني وجه الندى طيب النبا سنه ضحوك ويكرم الخطار تلقاه راضي النفس عجل على القرى عبد الضيوف كبارهم وصغار والثالث قرم يفك المشاكل لا حد ما بين الرجال أخطار رجال فكاك النشب حزة الطلب ما يقبل الرشوة ولا يندار هذاك مثل النور في ليلة الدجى يسرى بنوره والليالي أعكار والرابع اللي ينذكر بالحرايب لا صاح قدام الرجال وغار رجل مقدام يحب الشجاعة يلطم غريمه بأول المشوار قرم رخيص الروح من دون جاره يستاهل البيضا عزيز الجار لو لاش راسه موقفه موقف الكرم إن كان ما هو باللقا غدار إن كان ما يطعن على وضح النقا تغشاه من شكل السواد اثار سوق الشجاعه حقها بالمناحه تنبيه وإستعداد يا اهل الكار والخامس اللي ما يجيب لك فايده يخلط ولا يربط كثير إهزار إن ما عرفت أمره يغرك بقوله يتوهك ويتهوه الحضار والسادس رجال ما يبعد الخطا عايش على القلة كثير اسفار والسابع اللي ضيع العمر بالهوى ترك علوم الطيبيين وسار خسر ثلاث ما يعوض بغيرهن لو عاش حتى تنشف الأبحار الأولى دينه والثانيه شبته والثالثه ما يحصد الأبذار اما رجع لله بتوبة نصوحه صحيفته تصبغ بلون القار والثامن اللي كثر الله ماله وأعطاه ربي كل ما يختار إن كان من أهل البادية يذكرونه والا يعد من أكبر التجار لكن شوره ما يفارق حليلته مهما تديره سرع ما يندار جبان لا يطعن ولا يندرق به عايش ذليل ولا يجلي العار والتاسع اللي بالعرب يزرع النشب شايف لسانه كأنه المنشار رماي ما بين الصديق وصديقه من فتنه تغدي البلاد إدمار والعاشر اللي حط بالحال مركزه دايم وهو في بهذله وشجار يجري على رزقه ولما يحوشه حالا يحول به على الخمار واللي يضيع مربحه بالخساره هذاك من دون الرجال حمار والله لو إن الموت يجي بخاطري لابيع من شكله كثير إنفار لا بيع بألفين والفين مثلهم وأشري بهم واحد بعيد اذكار واحد يساوي الفين والفين مثله والحر ما ينباع بالشنار لكن يا الربع المنايا مقسمه إن المنايا تقصف الاعمار يموت سيد القوم من بعد ميه قلنا خساره والأعمار قصار والنذل لو يقصر بعمره منيته قلنا يعوض تعبة الحفار ذول الرجال اللي شرحنا فنونهم ولنا مع الجنس اللطيف مدار اذمهم بالقول وأمدح أخيارهم لا بد ما في الغانيات خيار لا بد فيهم طيبات العناصر بلسم للقلب الجريح جبار خضر النواصي والادب يلحق النسب ولا جاك من بعد القراح عكار ويوم يذكر بعضهن بخاطري اقل عسى بعض النسا للنار اه...النسا مسكين من يامن النسا لو يضحكن إضحوكهن قمار إن جيتها بالضيق يلقاك دمعها على عوارض خدها مدرار ترضيك من غمزه وتلعب بعقلك وتغديك لعبه في يدين صغار عمرنا منهم ومنهم دمارنا ولا لنا عن ولفهن مطار وعند هذا البيت قصرت قولي وعندي لوصف الغانيات اسرار الغامدي جاب المثل بالتجارب لأن التجارب تحسن الاشعار من دار في الدنيا وعالج دروسها ما يجهل المنصف من المكار أنا الذي قاسيتها ما نسيتها ادروس ما تخفى على الشطار شربت من كاس الهنا في بلادي وبعد الهنا جرعت كاس مرار ومن بعدها فارقت قومي وعزوتي واللي يغير ديرته بديار تجيبه الايام غصب بلا رضا على هواها والفلك دوار ياما ليالي بت اساهر نجومها حتى لحق ضو الصباح نهار شايف نذير الموت خالط عوارضي والشيب عند الغانمين وقار يا الله يا مطلوب تغفر خطيتي إنت العزيز الواحد القهار وأختم كلامي بالصلاة على النبي طه التهامي كامل الأنوار |
اقرأ ايضا |
 أضف تعليق |
|
|
|
|
 التعليقات1 تعليق | |
 immigrant |
(1) 2008/10/26 6:39 ص
|
 عودة الى الموضوع | |