بسم الله وعلى بركة الله نفتتح الجلسة
حي الله بأعضاءنا وضيوفنا الأكارم

اشرف

هو ان حسيت حالي كثرت حكي هالاسبوعين اللي راحو

وعشان هيك قررت اسكت وحطيت صورة (shut up) بس ما زبط الحال ... رجعت حكيت وغيرت انا وسموّها مواضيع المواضيع هههه

شكراً على هـــ اللفته الكريمة منك (^_^)

الصوره ناقصها ركوة القهوه العربيه ............ هههههههههههه

هو اهم شي القهوة .. ويكون هيلها كثير ... ياااا ســـلااااام (^_^)

انا من زمان طلبت من المشرفين .. تفعيل قسم المرأة ... حتى ما نخرب باقي المواضيع ... يعني ليه مو مفعل لهلأ ... زمان كنا نحكي خير الله وما حدا يعترض ... فــ إنو فعلوه وبتخلصو من النق والطبخ والذي منو (^_^)

أعدة بجنن ومن الأخر بس مو خايف عالمكان يدمر .

اسمعوا ترى كل واحد رح ينكتب اسمه ع كرسية ممنوع تبادل المقاعد
1-بنات ثنتين بجنب بعض ممنوع ... ماشي يا زيزو وسموها ممنووووووووع
2-وقت القعدة رح يتجدد تلقائيا يعني اكثر من نص ساعة رح (تنكحش بره) خمس دقايق وترجع بعدين
3-هناك زاوية للمدخنين والاراجيل ممنوعة

طبعا هذا الموضوع وُجد حتى نحافظ على إستقلالية المواضيع
يعني مش منطق ادخل موضوع يحكي عن الذئاب واقرأ اول المشاركات ولا هي تمام أنزل لاخر شيء ولا هي تحكي عن الملوخية بالارانب
الرابط العجيب يا سموك وين ؟؟؟ احكيلي...

فأي تعليق على أي موضوع يكون هون أما المواضيع الأخرى فتحافظ على نضارة فكرتها

مفهوم؟؟؟

كمان قواعد للجلسة

بخصوص الكراسي ... نو بروبليم ... انا خبيرة تواصل عن بعد هههه


وبخصوص الرابط العجيب حكيتلك يا اشرف

الذئاب البشرية مغرمة بالملوخية الأرنبية هههههه

أنا بدي بالوسط مشان أتواصل مع الجميع يعني كرسي الملكة

أو كرسي العرش.

عنانزة حجزت مقعد ... خلص انا موافقة هههههههه

يخليكي زوزو انا بدي ياكي جنبي مشان ادافعي عني

وصاحبة السمو اتجاة التاني .عيساري

صحيح بالمناسبة اليوم ذكرى وفاة رئيس الوزراء السابق والمناضل الشجاع الفذ وصفي التل

الله يرحمهم .

كانت علاقته بــ النّور عميقة ... سألوه مرة شو عجبك فيهم .. جاوب .. نوّر نسميهم ونحن في عين الحقيقة أنور ... الله يرحمه

أبتعرف أشرف حلاوة النقاش بالشوربة الي بتصير خلية عمكان والله احلى .

لية بدك تحبسنا بها الغرفة .

فكرة حلوه كثير حسيتها متل الاستراحه بالدوام عنا .. نص ساعه ومكان مخصص لدخان ههههههه جد حلوه




Jordanian

ما صدقو فيها صبايا الموقع

أشكرك من القلب ع هالديوان يا اشرف

السلام على اهل الاستراحة ،،
اخت اردنية انتي معك صلاحيات في قسم المرأة من زمان ،، شو المشكلة اذاً؟

اصبحنا وأصبح الملك لله
ليش جايبين سيرتي على هالصبح
بعدين زوزو من زمان حكيتلك انه في الك صلاحيات لقسم المرأة
عاد انا بحب اسولف بكل مكان مش بمكان واحد اشرف ما اعرف اقعد بمكان واحد ولا خلص هيني هون

صباح الخير ......... للجميع ............. والجو بجنن داخل الغرفة ايش رايك صاحبة السمو


شعور خيالي .

صباح النور عنانزة
مابحب الأماكن المغلقة بحب اتجول بكل مكان بس شو بدي اعمل حكم القوي

وأنا متلك ما رح أعد رح أتحرك شوي يعني بدي شاغب.

بعدين مش ملاحظة لسا ما ضيفونا شي .

ضيافتك عندي ابشري
اذا اشرف طلبته سندويشة فلافل اول مبارح لسى ماجابها شو بدنا نحكي نضيف حالنا لحالنا

وهيك أشرف فاتحنا غرفة والله غير نموت من الجوع اذا بنا نتكل عأشرف.

هون بالغرفة أخدم نفسك بنفسك خدمة ذاتية.

عنانزه وصاحبه السمو نفسي اشوفكو بتعليقات ما تحكو عن الضيافه والماكولات خلص انا عازمكو على منفس رشوف من الاخر بس جيبو معكو بصل اخضر
الموعد راس السنه والدعوه عامه في موقع بني حميده

ان شالله بنتشرف بس انا عاملة رجيم بدي أكتيفيا اذا سمحت.

موسى منسف رشوف خلي الك مابحبه
شو بدك نحكي لعاد هات افتح موضوع مفيد ...

هيك كسرتي بخاطرة ......... وافئي يختي .

لا لا عنانزة يا إما عزومة محرزة يا خليها اله جاي يضحك علي بشوية عدس ولبن

صباح الخير للجميع



على مين فطورنا اليوم
اكيد ع المستضيف

ولا لأ اشرف هههههه

هوة كريم وإحنا بنستاهل .

بس هاي الأكله عنجد عدس ولبن أول مرة أعرف.

صباح الخير يا هروط شلونك قرابتي

أشرف شكلة هرب الحمل ثقل علية يالله أشرف وينك يا معزب .

اشرف يفكر الناس ما بتحب الاستراحات
مشان هيك فتحها



الله يعينك ع حملك واهلا وسهلا بالجميع ع حساب المعزب

بس وينة شكلة تندم عالغرفة احنا هون طول اليوم عفكرة.

يمكن عنده حصة مش فاضيلكو ... خلص ابشروا انا اضيفكو
الي بده شغلة يطلبها لما يجي اشرف

قدها صاحبة السمو

وهذاى الكلام عنك واللي يصعب عليكي يهون علينا

أشرق النور وبانَ *** مرحباً بمن أتانا


أيها القادم أهلاً *** لك في القلب مكانا

انا اقول كل شخص بيجيب فطورة معاه لاتموتوا من الجوع . انا حاس المعزب ما اله نفس بيفطر حدا. بالنسبه الي فطوري معاي

تسلم تسلم يا هروط الله يخليك
اقول يالحنون معقول تكون بخيل وما تعزمنا نوكل من فطورك

شكل الحنون مصروفو عقدو
هههههههههههههه


سامحنا

هههههههه لا الزعل ممنوع بالاستراحة مش اسمها استراحة

ما إحنا حكينا من مبارح ....... مبين في الصوره المضافه لا فيها دلة قهوة ولا ابريق شاي ...... بالنسبه لي وصيت مناقيش زعتر وهيها جايه بالطريق... ولا شو رأيكو خلوها صيام قبل صلاة الإستسقااء .............. صباح الخير للجميييييييييييييع

أيــــــــــــــــــــه هو صحيح أنا ما حكيتلكم؟؟؟

صدقوني إني اسف جدا

نسيت أحكيلكم إني صايم اليوم
لذلك كل الأستراحة صوم اليوم

لا الله يحييكم جميعا . الفطور وصاحب الفطور على حسابكم.
وغداكم عندي كمان .
الحمد لله الوضع المالي ممتاز كثير يا هروط يعني قدها ان شاء الله

اشرف بما اني بحكي كثير انا رح اشرف على الاستراحة ها وش قلت
نورس لا تنسى الشاي لو سمحت صباح النور

شكلك أشرف رح تصوم طول السنة ازا هيك خلص انت صوم وما عليك ابعتلنا عم ننتظر .

نورس احسب حسابي بمنقوشة وحدة بتكفيني.

الحنون خلصنا من وجبة الفطور النورس اتبرع فيها انت جيب الغدا

لسا ما وصل لفطور يالله شكلي نمت وانتو اكلتو فيئيني عالغدا.

تفضلوا يا جماعه عالميسور ... صحتين وعافيه............... لأني أنا بلشت آكل

شو يالنورس شايفك بتدخن مو بتوكل والا بدك بندخن معاك

يالله عليهم بس لية عم تاكل بسرعة شوي شوي مو ملحئين معك.

شكلك مش متعشي.

عاملين مين حاب يشاركنا نوع الفطور محلي

زيت زيتون زعتر جبنه بلديه خبز شراك بلدي والكميه حسب عد الحضور

شو يا موسى على أساس البنات بس الي تحكي عن الأكل هاي صار بالاستراحة 55 مشاركة مش سامعة غير سيرة الأكل ما تحكو باشي مفيد ههههههههه

خلينا ندخل بموضوع ثقافي أو كل واحد يحكي عن نفسة .شو رايكو

لازم هذا المكان يجمع مشرفوا الاقسام ويتفقد كل منهم قسمه وينسقه حسب الاهميه والضيافه لا غنى عنها انا ابعثها للمجلس وخاصه اني نويت أخذ اجازه من الدوام 3 ايام تبدا من بكره طبعا تلزمنا استراحه كل حياتنا شغل لازم ناخذ اجازه عشان نلقط زيتون
سلام يا صاحبي يا صاحب الجلسه

سلوى طردت سياحا إسرائيليين من مقهاها - خبرني -
حقيقتا انها اشرف من كثير ناس والا شو رأيكم يا شباب

سلوى البرغوثي .... يعطيها العافية وحسب خبرني هي ليست اول حادثة من نوعها

يا سلام عليكي مهو خلص بلشتو بالطبخ والله ما نطلع من هالسيره المحببه لديكم

حلو . شات علي العرض البطيئ

هي مش شات تقدر تعتبرها فضفضة واستراحة مكشوفة

مين عندة نكتة يجماعة صار ملل بالغرفة.

هاتي نكته لاني زهقانة

يالله شوي لحتى فكر.

عنانزة شو تغديتي ؟

لا لسا !!!!!!!!!

طيب شو ناوية تتغدي لازم تفهميني على الطاير ههههههههه

خدي هالنكتة............

واحد وزوجته تخانقو في السياره عدو جنب مزرعه بقر قالها هدول ايش يقربولك قالت اهل زوجي..

والله فية من مبارح منسف وشكلي ما رح أتغدى يعني تسخين.

هههههههه

والله انها ما تستحي //عنانزة قلبي مطفي احكي نكتة تضحك هاي مستعدة اعمللك عليها مشكلة

ههههههههههههه خليه يستاهل زوجها.

ههههههههه
تسخين ومنسف مش مشكلة انا بوكل

والله يالله خلينا نسخن معناتة. بطلع زاكي معك.

ههههههه

ههههههههههههه
سخنيه
وحطيلي فجل وبصل اخضر وجرجير

تكرمي..

والمقدوس انسيتية .

خدي كمان هالنكتة.....

ام طرزان تسوي ورق عنب دخل عليه طرزان معصب يقول ليش تلعبين بسروالي .

هههههههههههههههههههههه
ههههههههههههههههههههههه
هههههههههههههههههههههههه
هاي حلوة عجبتني

يعني حتى النكت برضو عالأزواج يعني الرجال ، طيب خذوا هالنكته بروح رياضيه

يروى أن أحد الفلاسفة الكبار كان جالساً على ضفة بحيرة يصطاد السمك شاهده فتاتان قالت إحداهما لصديقتها إنه الفيلسوف الكبير ( ... ) تعالي نتحدث معه ونسخرمنه فقالت
له : أليس من العيب والعار عليك وأنت الفيلسوف الكبير ... أن تصطاد وتقتلَ
هذه الأسماك البريئة الوديعة لتشبع جشعك وتمارس هوايتك الشيطانيه ؟؟!!!فرد ــ وهو متأمل في الماء ــيابنتي إن ...هذه السمكة تفتح فمها وتغلقه فتعلق في السنارة ويسهل اصطيادها ... كلمه وحكمه ولكنها في النهايه فانتاستيكا .........هههههههه

قوية يا نورس... ياباي بس لو اعرف مرتك ... كان شفنا الروح الرياضة معك كيف

أديمة من عشرييييييييييييييين سنة أيها النورس .


شو شايفة يا صاحبة السمو ضحكتكك وصلت لأدانك الله يبسطك.


هلا النكتة الي بدي احكيها مهدية لنورس.

إضحكو بشلن بس......

واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كتم اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس!

قزم اتخانق مع مراته زعلت منه حطت جزمته فوق التلفزيون وخرجت ...ز

هههههههههههههههه

الله يمسيكم بالخير

مساء النور...

كيفك أختي الفاضلة وكيف كان يومك؟

الحمد لله بخير وبجنن يومي مع هالغرفة .

نونونو

لا تفهموني غلط

اخت اردنية انتي معك صلاحيات في قسم المرأة من زمان ،، شو المشكلة اذاً؟ ...
اقتباس

بعدين زوزو من زمان حكيتلك انه في الك صلاحيات لقسم المرأة .. برضو اقتباس

ما قصدت الاشراف .... بطلته هــ الكار

كان القصد ... بس ... إضافة مواضيع .... نسوانية خاالصة

هو انا ليه الناس بيفهمو كلامي غلط ... وجــــه حـــزيـــن

من خطبة الشيخ سعود الشريم

اللهم أنت الله، لا إله إلا أنت، أنت الغني ونحن الفقراء، أنزل علينا الغيث ولا تجعلنا من القانطين، اللهم أنت الله، لا إله إلا أنت، أنت الغني ونحن الفقراء، أنزل علينا الغيث ولا تجعلنا من القانطين، اللهم أنزل علينا الغيث ولا تجعلنا من القانطين، اللهم أنزل علينا الغيث ولا تجعلنا من القانطين، اللهم إنا خرجنا إليك من تحت البيوت والدور، وبعد انقطاع البهائم، وجدْب المراعي، راغبين في رحمتك، وراجين فضلَ نعمتك، اللهم قد انصاحت جبالنا، واغبرَّت أرضنا، اللهم فارحم أنين الآنَّة، وحنين الحانة، اللهم فأسقنا غيثك، ولا تجعلنا من القانطين، ولا تهلكنا بالسنين، اللهم إنا خرجنا إليك حين اعتركت على إخواننا مواقع القطر، وأغلظتهم مكايل الجوع، فكنت الرجاء للمبتئس، والمجيب [للملتمس]، اللهم انشر علينا وعليهم رحمتك بالسحاب، سحاً وابلاً غدقا مغيثاً هنيئاً مريئاً مجلِّلاً نافعا غير ضار، اللهم لتحيي به البلاد، وتسقي به العباد، وتحيي به ما قد مات، وتردَّ به ما قد فات، وتنعش به الضعيف من عبادك، وتحيي به الميت من بلادك، اللهم سقيا هنيئة، اللهم سقيا هنيئة، تروى بها القيعان، وتسيل البطان، وتستورق الأشجار، وترخص الأسعار، اللهم إنا نسألك أن لا تردَّنا خائبين، اللهم إنا نسألك أن لا تردَّنا خائبين، اللهم إنا نسألك أن لا تردَّنا خائبين، ولا تقلبنا واجمين، فإنك تنزل الغيث من بعد ما قنطوا، وتنشر رحمتك، وأنت الولي الحميد.
نستغفر الله، نستغفر الله، نستغفر الله، نستغفر الله، اللهم إنا نستغفرك إنك كنت غفاراً، فأرسل السماء علينا مدراراً، وأمددنا بأموال وبنين، واجعل لنا جنات واجعل لنا أنهاراً.

دعواتكم

صباااااااااااااااحكم سكر

يا ناس انتم ما بتشفوا الي بيصير بالبلد . البوذيين . الماسونيين . عبدة الشياطين ...........و يش بقى غير هيك
الله يلطف من آخرها والمشكله بييطلبوا من الناس اهم بيصلوا صلاة الاستسقاء

صباح الخير والفل والعسل للجميع .............

اخوي الحنون اذا في عبدة شياطين ولا يوذيين ولا ابصر شو الا ما يكون في قلب مؤمن يدعو لعل الله يستجيب تفائل

اللهم أسقنا الغيث يا رب .........

شكرا عالدعاء الي بقشعر البدن صاحبة السمو.

صباح النور عنانزة لا شكر على واجب خيتي يسعدك

شباب وصبايا موقعنا الاشم اليوم عازمكو على شــرف ( بــرشـلونــة ) بمناسبة فوزها الساحق والخطير والمثير وانتو نقو اما (منسف أو مندي) بس لمشجعي البرشا والمدريدية لاء او يالله ماشي تعالو يالمدريدية بنعملكو عدس هههههههههههههههه

كل جاهز بس اعطوني الاوكي وابشروا

صباح الخير ..


شلونكم اخواني ..

ان شاء الله الاقي لي مكان .. ما شاء الله عليكم .. متكومين فوق بعض بالاستراحه ..

موسى ابو قاعود ... اكحش اللي جنبك وقـعّـدني خيو .... مو لاقي لي محل

وقهووني الله لا يهينكم .. بما اني جديد على الاستراحه :)


.


.


................. ومشكور أشرف على الفكرة !

أووووووووووووووووكية بس بدون عدس بنا مندي ..

ههههههههه بس انت الي تكون طابخ عشرط...

محمد القعايدة ما نستقبلك بالاستراحة الا ببيت شعر حلو منك

أهلا وسهلا فيك محمد خد مكاني بالوسط

أنا عكرسي الملكة ...............

الغيث مو بس للإنسان ... فيه كمان مخلوقات غيرو .. ورب العالمين رحيم في كل مخلوقاته .. الغيث رح ينزل بإذن الله ...

Viva Viva Barsha ... بس انا نباتية يا حمزة ... بدي باستا سالاد بليز هههه

حمزة مسف بدنا عشان خاطر عيون مسي

انتو و هـــ المنسف ... غيرو نكهة يا جماعة ... والله مو عارفة شو عاجبكم فيه ...

بدنا بوفيه مفتوحة ههههههه

ياااااااااااه يا زوزو بلاش منسق بيتزا تنفع زمان ما أكلتها الله يسهل عليكي يا نور

هلا :) ..

أبشري اختي صاحبة السمو .. بيتين مو بيت :


صباح الخير يا ربعي .. صباح الورْد والعنبر

......... صباح الـذوق .. والقهْوة وصوتً عذْب بالأرجاء




..//..




صباح الموقع الرائد .، مدام انّه غدا منبر

....... لصوت الحقّ .. مع أجمل ثقافة فكْر هالأعضاء

.



.


هلا عنانزه .. لا خيتو ما حبّ الوسط ...

احبّ اتيمّن دايماً .. ودي باليمين مع موسى :)

تبشر بالسعد والهنا يا شاعرنا وصح لسانك

بيتزا ... نونونو ... فيها جبنه .. بس ممكن سيزر سالاد للنباتيين هههه

لا تنسي بس تحكي مع نور تسلمي عليها (^_^)

سيزر سالاد ههههههههههه هاي مع البيتزا بوكلها انتي توكلي السالاد والي البيتزا
يوصل سلامك خيتي عازميتني أم آرام بكرة ان شاء الله

كمان عن الاكل ......... ما في فايده ......كيف الاقي الرابط علشان أقطعه

طيب أنا عازمكو على سوشي علشان تطفشو من الأكل ........ أنا رحت هناك بس عينكو ما تشوف الا النور طول الزياره أكلت هواااااااااااااااااااااااا .............

ابشرو
عنانزة رح اعمل منسف ومندي وبيتزا وعدس للمدريدية على جنب ههههههههههه بس مش انا رح اجيب جاهز لاني بعرفش اعمل

صاحبة السمو على راسي انتي ومسي والبرشا كلو تدللي انتي بس

اردنية ..... بعرف انك نباتية وعامل حسابي بس الكل يطلع مبسوط

سوشي مو اكل ياباني ماني عارفة صيني
لا مابدي اعزمنا على بيتزا وانت عازم عازم

قو الغانمين000000000000000000000

قويت يا امير شلونك

مساء الخير يا جماعة
شو علومك؟

احسن شي أنا .. خفيفة لطيفة بالأكل ... نورس بتكفيني تبولة ... انا بالمطاعم الصينية حتى مي ما بشرب ... اصل نفسيتي منأرفة أوي هههه

اشرف ... ترى موضوع الجلسة ... رح يطغى على باقي المواضيع ... كان خليت المركب ساير ونحكي وين ما بدنا (^_^)

معك حق زوزو
اشرف هلا منور

أهلا أبو ربيحه

جلستكم لا تمل .. بس انا لازم أغادر الديار (^_^)

آراكم قريباً على خير ...

هاي النكته علشان حمزه ينبسط
واحدبسأل مرتو: انتي ليش ما بتغاري ولا بتزعلي لما احكي او اغازل بنات؟؟
قالتلو: حبيبي انت مثل "ريال مدريد" بتلحق بطولات بس ولاعمرك بتاخدها...... هههههههههههه

ههههههههههههه معلش نورس انا ضحكت بدل حمزة

زوزو ما تطولي علي عارفة انا بزهق لحالي

كفوووووووو ....... صاحبة السمو

تسلم خيو النورس يسعدك

بضحك النكتة النورس بس لا تكون صايرة بينك وبين زوجتك.

بدي هلا روح أعمل مئلوبة مع زهرة . ورح أرجع مشان نواصل معكم الحكي فاصل ونواصل.


أيها الحفل الكريم..........

عنانزه أضحك الله سنك دائما ....... بس صارت معي NOOOOOOOO ....... لأني ؟؟؟؟؟؟؟؟؟؟؟؟؟؟؟؟

لأنك شووووووووووووووووووووووووووووووو وضح.

يُسمعني.. حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني
يتساقـطُ زخاتٍ.. زخات
يحملـني معـهُ.. يحملـني
لمسـاءٍ ورديِ الشُـرفـات
وأنا.. كالطفلـةِ في يـدهِ
كالريشةِ تحملها النسمـات
يحمـلُ لي سبعـةَ أقمـارٍ
بيديـهِ وحُزمـةَ أغنيـات
يهديني شمسـاً.. يهـديني
صيفاً.. وقطيـعَ سنونوَّات
يخـبرني.. أني تحفتـهُ
وأساوي آلافَ النجمات
و بأنـي كنـزٌ...
وبأني
أجملُ ما شاهدَ من لوحات
يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات
يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي.. إلا كلمات

ذكرتيني بماجدة الرومي يالله ما أحلاها .......

بدي روح أسمعلها.......

ههههههههههه خلص اوكي يا صاحبة السمو بيتزا بيتزا بتموووووووني
نورس نكتتك عجبتني وحطيتها على الفيس فعلا نكتة من الاخر ههههههههه مشكور نورس
والمدريدية بغنو للدوري ( بعيد عنك حياتي عزاب ) هههههههههههه
انا مش كثير متواجد هون عندي ضغط دراسة وضغط شغل بس هي ما شاء الله صاحبة السمو ضحكت عني يعطيها العافية تعبناها معنا ههههههههههههه

والله سهرتكو من الاخر الله لا يحرمكو اياها

اها شكلها الاستراحه مطوله واخذت وقت الدوام واكتر ناس فاضي بالاستراحه البنات الله يقويكن ويبسطكن

منور موسى
الاستراحة للكل مش للبنات بس

متى بس رح نفهم الهدف من الموقع متى؟
آآآآآآآآآآآآآخ

في الزحام تتشابه الوجوه.. والأصوات كذلك!

ـ احذر من الحديث وسط الضجة..

ستضيع كلماتك الجيدة بين أمواج الكلمات الرديئة ...

يدوم عزك أشرف (^_^)

اشرف مقبعه معه اليوم
النية انا المعصبة مو انت
يالله يا خوي تهون

الى زوزو في سؤال خطر ببالي ممكن تجاوبيني علي؟

سموّك ... انتي أميرة ... ما بتستأذني .. غصب عني بجاوبك

تسلمي يا زوزو دايما الصور الي تضيفيها تعجبني ما علينا مو هون السؤال
السؤال يحكي النباتيين شو يوكلو؟؟؟؟؟؟؟؟؟

اممممم .... على رأي محمد أخوي .. حصة الرعي شو فيها اليوم هههه

يا ستي فيه ناس نص نباتيين ... يعني بياكلو المنتجات الحيوانية ... بس ما بياكلو اللحوم بكل أنواعها

وفيه ناس مثل حالاتي ... نباتيين جداً ... يعني تبع خس .. فلفل أخضر .. جزر .. وكل أنواع الحشائش ههه قصدي الورقيات الخضراء ...

ههههههههههه
طيب العسل شو عنه

ههههههه ... العسل منتج مهجن ... نباتي حشراتي هههه ... يعني حشنباتي ههه

ههههههههههههه
طيب الشوكلاتة
ترى انا بحكي من حزني عليكي حارمة حالك اشياء زاكية
لو تيجي عندي يومين غير توكلي الأخضر واليابس

امممم ... الكاكاو منتج نباتي يا عسل موقعنا ...

انا بحب الشوكلاته الغامقة ... يعني اللي ما فيها حليب وهيك قصص


لا تخافي ... مو حارمة حالي

فيه برينجلز للنباتيين .. فيه شوكلاته للنباتيين ... (^_^)

يا ترى لو يجتمعن زوز وسموها شو رح يصير . يا خراااااااااااااابي السواليف مش راضيات يخلصن من عندهم هههههه

ع الأكيد الأكيد ... باجتماعنا يا جنرال معتصم ... رح يعمر الكون ... ما بدها اثنين يحكو فيها

والله يازوزو كنت مفكرة اصير نباتية مثلك بس لما فكرت بالموضوع ما رح اقدر خاصة اني بحب البيتزا والمنسف ورق العنب ...اشياء كثير بطلت

معتصم الك ثلثين الخاطر تسولف معنا احكي فضفض كلي آذان صاغية ترى انا سواليفي كثار

خليكي زي ما انتي ... بتعرفي انا بواحه مشكلة بس أروح مطاعم أو أكون بعزيمة ...

طيب اذا مافيها تطفل
ليش صرتي نباتية؟ وكيف؟

ابوي بيحكيلي من لما كنت زغيرة ما كنت آكل لحمة ...

ما بتصور حالي في يوم من الايام آكل جزء من كائن حي .. كانت الروح تسري فيه ... بعرف غلط .. وبعرف الدين حلل وأمر رب العالمين .. بس خلص .. شغلة فيها روح ما باكلها ... ولييييه والله بموت

ياويل قلبي يازوزو.......انت رقيقة ههههههه تقبريني

ههه .. متأثرة بكرتون ... مخلص صديق الحيوان (^_*)


بس الناس بيحكولي ... حرمان النفس ... رح اتحاسب عليه يوم القيامة

ههههههههههه ذكرتيني بمخلص الله يسهل علي كانت ايام
حرمان النفس ...بس انتي مش حارمة حالك انتي مابتحبي اشي معين أظن هذا مش حرمان لإنه بإرادتك

تقريبا يا سموك . شوفي أنا بمشروع إني أكون نباتي واللي شجعني شوي إنو عندنا بالبيت في نباتيين يعني الجاجه عندنا طبختين نطبخها واللحمه نوكلها مع محاشي أو قلايات غير هيك ما حد بوكلها

معتصم خذلك واحد من عيلتنا ترى ابوي مو ملحق لحم ودجاج ومشتقات الألبان

صرنا نباتيين صح بس طلعتلنا شغلات إضافيه صارت توخذ مكان الدجاج واللحمه يعني هي هي . نوخذهم كلهم أو ولا واحد شو رأيك.

معتصم خذهم كلهم وقت الغدا هههههههه

تحياتي للجميع ....... إسمحوا لي الموضوع طويل شوي بس فانتاستيكااااااا

رسب أحد الطلاب في مادة التعبير ، وهذا أمر غير اعتيادي أن يرسب طالب في مادة سهلة كالتعبير ، وعندما سُئل المدرس عن سبب رسوبه في المادة قال : والله يا اخوان الطالب ما يركز كل مره نعطيه يكتب عن موضوع يخرج عن الموضوع .

قالوا اعطنا عينات من مواضيع التعبير التي كتبها ..

فقال المدرس على سبيل المثال :اكتب موضوعاً عن فصل الربيع ..

فيكتب الطالب : فصل الربيع من اجمل الفصول في السنة ، تكثر فيه المراعي الخضراء مما يتيح للجمل ان يشبع من تلك المراعي ،والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر.

ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى ... والجمل حيوان اليف …. الخ.ويستمر الطالب في التغزل في الجمل ، وينسى الموضوع الرئيسي ..
فقال المدرسون قد يكون قرب موضوع الربيع من الجمل وارتباطه بالرعي هو الذي جعل الطالب يخرج عن الموضوع ..

فقال المدرس : لا خذو على سبيل المثال هذا الموضوع الذي طلبنا من الطالب ان يكتب عنه ..اكتب عن الصناعات والتقنية في اليابان ..

تشتهر اليابان بالعديد من الصناعات ومنها السيارات ، لكن البدو في تنقلاتهم يعتمدون على الجمل ، والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة لاخرى .. والجمل حيوان اليف .

قال المدرسون هل هناك موضوع آخر فقال المدرس كل موضوع يبدأ فيه لنصف سطر ينتهي بصفحات عن الجمل ..و

هذا موضوع بعيد جدا عن الجمل ..اكتب موضوعا عن الحاسب الآلي وفوائده

الحاسب الآلي جهاز مفيد يكثر في المدن ولا يوجد عند البدو لأن البدو لديهم ( الجمل ) والجمل حيوان بري يصبر على الجوع والعطش اياما ، ويستطيع المشي على الرمل بكل سهولة ويسر .ويربي البدو الجمل ، فهو سفينة الصحراء ، فينقل متاعهم ويساعدهم على الترحال من منطقة
لاخرى .. والجمل حيوان اليف …
شكرا لصبركم

ايه هو ع الأقل كتب شي ولو بــ غير دومين ... انا كنت أرسب بــ التعبير ... لأنو كنت اترك الصفحة ... بلااااانك ... التعبير بده مزااااج ... مو جو مكهرب وحدا بــ ـيـ تك تك بـــ شوزه (^_*) ... حلوووة نورس

التعبير...
كانت أفضل مادة بحياتي
حتى أذكر أيام الجامعة... في مادة (العربية كتابة) مع الدكتور*غدير الشمايلة* الله يستر عليها جبت بامتحان (السكند) 25/25 وكانت كاتبه إلي " أفضل موضوع ويُقرأ على الملأ"

إيــــــــــــــه على أيام الجامعة

مو غريب عنك أشرف ... الله يحميك (^_^)

احلى شي عندي التعبير اول امبارح اعطانا الدكتور امتحان تعبير وما بعرف من قبل المهم هو طلب 15 سطر حطيتلو عشرين وتكتكتو وزبطتو الي بجنبي بحكيلي وااااااااااال صرت مخلص وانا لسا ما كتبت جملتين على بعض المهم المسكين مش عارف كيف يبدا بالمقدمة اعطيتو مقدمة من الاخر

يا فنااان يا حمزة ...

بتعرفو ... امتحان ... و ... تعبير ... ما بيزبطو ... اي ماااا بيزبطو ...

بس قهوة سااااادة .. عشان المزاج ... و ... تعبير ... رح يزبطو ع الأكيد

هههههههههه اردنية مهو عشان الواحد يقدر يفكر ويجيب افكار لابد من كاسة قهوة وهذا الرابط بينهم بس في ناس التفكير يتعبهم اريحلهم يضلو على القهوة وبس هههههههههه

اشرف متى توصلني البCHيلة ترى اذا متت قبل ما اكلها رح تتحاسب

طيب يا ستي
أحكيلي وين أحطلك اياها بكره
ورح توصلك هي والسمن
غلطان معك؟

حيشاك من الغلط خلص اعتبرها وصلت هههههههههه

لا يا اختي ما وصلت ولا أش
أحكيلي ع الخاص وين احطها وتمري تاخذيها
ودي اموت وأنا مرتاح

وكمان هي عمتي ام آرام وصلت
بسرعة زبطي الديوان
وحطي ابريق الشاي ع الغاز
هسا تقول نسيبي ما ضيفني
بسرعة بسرعة

ههههههههه انت حجزت ارومة ههههههه
لا رح ازوركو بالدار يا اشرف وتضيفني اياها بس خلي اختك تستقبلني على الباب مو تطلع انت ههههههه

هههههههههه
تخيلي أطلع أنا
وبس افوت يقولي ابوي
"من أين لك هذا"

تشرفينا والله
يعني بده يجينا احسن منك

هلا هلا بابو نسب تحييا و تدووم
العروسة نايمة قلت لها قومي ترى خطيبك جاينا قالتلي استقبيليه انتي يا ماما

يسعدك يا اشرف ويرضى عليك ههههههههه
قول لنسيبتك تدير بالها على خطيبتك ترى يوم الخميس قضينا انا وياها اكثر من 5 ساعات وهي تاركة بنتها عند امها ههههههه

نور بعثتيلي الصور؟؟؟؟؟؟؟

عادي يا عميم
خذي راحتك
ما عليك
والخطيبة وجهها لقدام ما عليك أنت

يا صاحبة السمو ارومة نايمة و مدامها عند جدودها انا مطمنة مبارح روحت كانت يا قلبي تستنى فيه صاحية
بس كانت طلعة حلوة بما انك عزمتيني على الغدا هاهههههههههههههه

صباح الخير ...

شووووووووووو؟؟!!!!

يعني ما صدقتو تيجي آخر السنه وضغط الشغل وتبلشو سواليف ؟؟!!!!!!!!!!

له له له له .. با ويلي عليكي يا حنان..

على العموم.. ياااااااااااااااارب يكون يوم الثلاثاء عطله 7/12/2010 ..(ذكرى الهجرة النبويه)

خلينا نشوف النس ^_^ ..

اطمئني حنان يوم الثلاثاء عطل

حنان وين كاينة نايمة الحمد لله اعلنو العطلة هههههههه
ام آرام انتي الأحلى

الله يسعدكو عطووووووووووووول

بس انتو ما عندكو امتحانات ,, واجبات ,, ابحاث ,, محاضرات ,, دكاترة ,,كتب ,, دوسيات

,, ! ,,

جاي عبالي اوقف عالتعليق الاول وارمي حالي , لما اطج بشروط الاستخدام اللي تحت
بلكن ارتاح من الجامعة ,,

تعليق 82 انتي بدك نضحك بشلن بس انا ضحكت بدينار بضليلي عندك 95 قرش

بس حلوة كتير

عرفت إنها عطله مشكورين..

صاحبة السمو شو وين كنت نايمه..؟؟!! والله التلفزيون ما بشوفو لأنو أنا أول وحده من الإناث بوصل عالبيت وببلّش طبخ وشغل..

بعين الله...

المهم ... الله يجعل السنه الهجريه الجديده علينا وعليكم سنة خير وسعاده ويعطينا خيرها ويبعد شرها...


فور ايفر... الله يرضى عليكي العقل منك ... الله يريحك من الجامعه وتتخرجي وتخلصي بدون خسائر هههههههههه ..

وانت بالف خير والأمة الإسلامية بألف خير حنون لا الحمد لله شغل الطبخ والنفخ مرتاحة منه ههههههههه الله يحفظلنا الوالدة

الله يحفظلك ايّاها...

وأنا أمي الحمدلله موجوده بس مريضه شوي الله يشفيها قولو آمين..

بعدين تعالي هون سموّك....

يعني إذا معيش رصيد ما بترنّي؟؟!!!!

الله يشفيها يارب
والله حنون ما فضيت تعرف دوامي كيف وبوصل البيت متأخرة خلص ولايهمك رح ارنلك باقرب وقت ولو

لا عاذريتك يا قمر..

أنا بمزح معك مدام إني مطّمنه عليكي إنك بخير ما بهمني إشي...

الغلاوه مش بالحكي وبس ..

حبيبة قلبي إنتي الله يحفظك..

الله يسعدك ويرضى عليكي يا حنون

السلام عليكم

الموظفين اللي ما عندهم إضافي روّحو وضلينا إحنا بالدائرة (قسم التحصيل والتدقيق)

وكلهم بيوَدعو فينا وبكايدونا..

بس شووووووووو؟؟ .. أنا بحكي (من يضحك أخيراً يضحك كثيراً)..

قصدي عند المكافأه...

حنان تحبي اجي اساعدك

تعالي بكرا ههههههههههههههه..

ههههههههه خلص بكرة على اساس شغلي للساعة 2 منتي شايفة شغلي لل5 وكل يوم
اقلك تعالي انتي ساعديني

موظف في شركة اتصل على تلفون مديره في الدوام بالغلط

و قال له هات واحد شاي على مكتبي بسرعة وان تأخرت بدوسك في بطنك

رد عليه المدير .. انت تعرف بتكلم من؟ قال الموظف لا

قال له .. أنا مدير المؤسسة يا حيوان

رد عليه الموظف .. و انت تعرف تتكلم مع من؟

قال المدير .. لا

رد عليه الموظف .. الحمد لله

و قفل الخط بوجهه

اف الناس كلها روحت على بيوتها واكلت ونامت وانا لسى بالشغل
استغفر الله العظيم
لاحول ولاقوة الا بالله

ههههههه دواااااااااا اتخيلي يا سموك كيف احنا خلصنا دوامنا ونايمين وانتي ميته من الجوع والتعب وشايفه نجوم الظهر من النعس ولسا ظايل ساعاااااات لما تروحي ، لوووول

أصبحنا وأصبح الملك لله الواحد القهار..

صباح الخير يا جماعة الخير..

صاحبة السمو حبيبة قلبي وجرح فؤادي ^_^ أنا مبارح حسّيت بوجعك وعرفت شو يعني إنو الواحد يروّح متأخر.. عن جد بهدله .. سقا الله والإضافي مخلّص...

اصبحنا واصبح الملك لله معتصم جاي عبالك توكل كتلة على هالصبح على اساس انت شغلك قريب يعني

حنون صباحك سكر تهون في دراسة انهم ينقصوا من الدوام ساعة ان شاء الله تزبط
بس المهم الراتب محرز الحمد لله

صباح الخير جميعا
طمنونا يا جماعة في امطار بمادبا ولا لسى ما وصلت
اللهم اسقنا الغيث ولا تجعلنا من القانطين

اللهم امين ......................اللهم اجعلها سقيا رحمه لا سقيا عذاب...................... اللهم اجعله ماءا غدقا مبارك طيبا فيه..........قولوا امين......... وصلى الله على سيدنا محمد واله وصحبه ربي وسلم

آآآآآآآآمين الله صل على سيدنا محمد وعلى اله وصحبه اجمعين

والله عندنا في ناعور شتا وضباب وكونها ناعور بجنب مادبا أكيد بمادبا في مطر..

اللهم اسقنا الغيث ولا تجعلنا من القانطين..

الحمدلله رب العالمين الخير عم إن شاء الله...

نحن الان في قمه افرست للرياح والعواصف في جبل بني حميده وننتظر قطرات الخير بكل شغف منو الخير ومنو بعطلو الطلاب وانشالله كمان ثلوج بلكي نعطل بقيه هالشهر

اللهم كما اسقيت اهل ناعور ......... اسقي اهلنا في مادبا وضواحيها.........

والله انك صادق كنت عند اهلي يوم الجمعة والله لا يوريك لا عواصف تتسمى ولا شراقي ولا ان عارف شو بسمها .......... اتوقعت دار اهلي تتنتقل للقدس بس ربك ستر....................... اما بالنسبة للطلاب عددهم 20 شو ااقول انا عندنا 1000طالب يازلمة روح

هههههههههههههه افرست يا موسى يقطع شرك ضحكتني على هالصبح

حنان وين أردنيةالي فترة ما بشوفها؟؟؟؟؟؟؟؟

عن جد وينها؟؟!!!!!!!!!!

شكلها ماخده إجازه زي عادتها أو إنها يا إما بالكرك أو بالطفيله يا غبرانه...

ههههههههههه يمكن يا حنون

أخاف أن تمطر الدنيا ، ولست معي


فمنذ رحت .. وعندي عقدة المطر


كان الشتاء يغطيني بمعطفه


فلا أفكر في برد ولا ضجر


وكانت الريح تعوي خلف نافذتي


فتهمسين : " تمسّك .. ها هنا شعَري .."


والآن أجلس .. والأمطار تجلدني


على ذراعي . على وجهي . على ظهري


فمن يدافع عنّي .. يامسافرةً


مثل اليمامة ، بين العين والبصر ؟


وكيف أمحوك من أوراق ذاكرتي ؟


وأنت في القلب مثلُ النقش في الحجر


أنا أحبُّكِ .. يا من تسكنين دمي


إن كنت في الصين ، أو إن كنت في القمر

يااااااااااااااااااااااااااااه وأخيرا شفت حباة الخير

الحمدلله إنك عملتي هيك..

كنت متّجهه إلى هاتف الدوام عشان أحكيلك صلحي التعليق بس عملت تحديث للصفحه وطلعتي معدليته...

شطوره سموّك إلك علامه زياده على آخر السنه ^_^

هههههههههههههه
كان رنيتي علي كسبت سماع صوتك
على فكرة وانا بكتب بالتعليق كان عقلي وعيني على الشباك بتفرج على زخات المطر

يا الله سموّك ما أجمل هالقصيده..

تشعرني بالدفء .. وحاسه حالي بدي أسمع فيروز وأولّع الصوبه ,أعمل بريق شاي بنعنع وأحمص خبز مع زيت وزعتر عالصوبه.. يا الله بدي أبكي ...

عن جد شكراً إلك .. بعرف إنها إهداء إلي أنا حبيبتك حنون هههههههههههههه...

مطر خير ان شا الله.. اللهم زد وبارك.. يا حبيبتي ادعيلي بالستر والتوفيق..

الله يستر عليكي دنيا وأخرة ويعطيكي لما يرضيكي يا حنون يا بنت ولا بلاش احكي اسم امك ههههههههههههههه
حسستيني كإني جدتك
أكيد هاي القصيدة اهداء خاص الك
والشاي خلي بميرمية ادفى مع منقوشة زعتر

كلمات هي من الجمال نفسه التي اختيرت من قبلك يا صاحبة السمو .,,,,,,,,,,,,, في هذا الجو الرائع لا ينقص الانسان الا ان يقرا كما كتبتي انت ............ حبات تتمايل بالفضاء كانها .......... راقصات امام السلطان .....شكرا لك

الشكل الجزيل لك اخي محمد خير وشكرا على جمال كلماتك وسحرها

الله يسعدك يااااااااااااارب وينولك اللي ببالك..

أحلا ابريق شاي بميرميه لعيونك.. أمي بتسلم عليكي ههههههههههه

عندنا الحمدلله شتا وضباب والجو ما شاء الله غير شكل..

ورحت اشتريت فطور قبل شوي.. ما أحلا المشي بهالجو .. خاصه معك سموّك..

يااااااااااااااه حنون ما في احلى من المشي بهيك أجواء خلص دمعتي قربت تنزل خلينا الحقها بلاش تفضحني ههههههههههههه
سلمي على امك كثير كثير

شكلك متلي.. دمعتي على طول بعيني بس تكّة وببكي..

الله لا يجيب الدمع والحزن.. خلينا نغير السيرة...

امين الله لا يجيب الحزن
احسن سيرة انه نصلي على النبي ونبارك لكل الأمة الإسلامية برأس السنة الهجرية

اللهم صلي وسلم وبارك على سيدنا محمد وعلى آله وصحبه وسلم...

احلى كلام الثلاثاء عطلة يعني ما في محاضرة على الريق حلو حلو حلو كثير بس يضل الشغل يعني مش مشكلة كوني شغلي ما في تعب بس الاحلى من هيك لو اجلو العطلة ليوم الخميس .....

بس عن جد اليوم كثييييييييييييييير حلو وبجنن والجو احلى من هيك ما في انشاء الله من منخفض لمنخفض اقوى

مبسوط يعني ، الله يجعلهم يعوضولوكم اياه يوم سبت ههههههه . نيالكم بهالعطل

هههههههههه لا يا رجال ادعي علي الا هالدعوة هاي هههههههههه

ســـؤال وجاوبوني عليه بــــ القلم نشـــرح

رأيكم بــــ بغربة البنت عشان الشغل ... بس بالمنطق جاوبوا (^_^)

وي كأنو عرفت الجواب!!! (^_*)

نو بروبليم .. اوكي دوكي .. (,^^)

ممكن أحكي رئيي زوزو
من ناحية شرعية لا يجوز والله واعلم لإنه ما معك محرم
ومن ناحية العادات أظن كمان لا يجوز
بس بما إنه كسرنا حواجز وقيود العادات هاي الأيام واذا كان ولي أمرك موافق فسافري على بركة الله وخذيني معك كعصبة نساء ههههههههه

ما بتهمني العادات ... لأن كلها غلط وأساسها غلط

الدين .. اكيد بهمني ... وبتوقع الدين ما انوجد لتعطيل حياة الناس ... المرونة في الدين موجودة ... زمان كان المحرم حماية وسند وامان ... هلأ شو .... مجرد عبء ...

وبالأردن ... شو ما اشتغلت ... رح يضل ...

Excuse my language ... بس هو مجرد ... Donkey Walking

وفرص بالأردن ما .. ما .. في ...

والله بالنسبه لغربة البنت ..

البنت هالأيام لمّا تكون قد حالها بتكون عن 100 رجل..

والبنت الهايفة لو تغربت ومعها كل عشيرتها رح تكون بخطر..

زمان كان المحرم أيام بيوت الشعر وما كان فيه أمان..

أما الآن فيه باب بيتسكّر وما حدا غريب بيقدر يئذي ..

أنا مع غربة البنت إذا كانت مضطره...

مثلاً أختي كمان 6 أشهر رح تسافر على بريطانيا عشان تجيب شهادة الزماله البريطانيه ورح تسافر لحالها لأنو ما رح يزبط إنو حدا يسافر معها... الله معها وبيكفي..

خلص سافري يا أردنيه وبعدين إبعتيلي عشان ألحقك ^_^ ...

شجعتيني يا حنان ... خلص بعد كم شهر مسافرة وع طول رح ابعثلك انتي وسموّها (^_^)

الله معك يا قمر.. بس لا اطّولي علي ماشي؟؟

اوكِ ... اساساً ... شلة الوناسة .. لازم تكون معي (^_*)

ياعيني رح نسافر
ههههههههههههههه
انتو تشتغلوا هناك وانا اشم هوا شو رئيك حنان انتي وزوزو

اوكِ ... انا من جهتي ما عندي مشكلة ... بس المشاوير رجلي على رجلك (^_*)

ماعندي مانع نروح انان وياكي وانت تحاسبي هههههههه

أنا كمان معنديش مانع ..

بس بالمشاوير زي ما حكت أردنيه بنروح مع بعض وبنيجي مع بعض هيك زي البنات الشاطرات ماشي يا أمامير ^_^

هههه ... بسيطة الحساب ... بنخلي حنون تحاسب ههههه

اها .. هيك بنكون محرم لـــ بعض .. وبلا من التعقيدات الرجالية (^_*)

ماشي.. تكرمي يا زوزو الحساب عليّ ولا يهمكو يالنشميات..

وبنعمل أحلا شله بأحلا بنات مؤدبات..

طيب يا حنان يا كريمة انتي وأردنية
شو طابخين اليوم لإني بلشت أجوع

سموّك .. طبخ مرة اخرى .. ههه

انا عاملة يلنجي وكبة مشمشية


ع الهامش ...

مرة اخوي بتضل تحكي عن الكشري

حكولي اعمليه يا زوزو .. بس ما بعرف ... بتعرفو طريقته صبايا ؟

امممممممم يلنجي زاكي بس كبة مشمشية شو يعني كبة فيها مشمش
كشري ههههههههه معكرونة وعدس وصلصة وخبايص شو بدهم بهالأكلة
زوزو هاي السيرة الي بحبها سيرة الطبخ

ايش يا صاحبة السمو؟؟؟ بلّشنا؟؟؟

هسّا باجيكي هه ديري بالك.. ترى أنا جوعانه أكتر منك..

أنا عندي إضافي يعني بروّح عالبيت بلاقي الأكل جاهز

واليوم طابخين مجدرة إلك مصلحه؟؟ ^_^

كبة مشمشية ... يعني كبة مع فول ولبن هيك قصص .. لجنة التذوق عندي بيحكو طيبة كثير


يعني مو طيبة الكشري؟


حنان .. انا بحب المجدرة ... (^_^)

اه فهمت أردنية
وانا بحب المجدرة كثير كثير كثير مع سلطة طحينة يمي زاكية (حنون رحت ادور بين المكاتب لقيت عند البنات حبة مندلينا سكتت جوعي شوي ههههه)

خديها مني... الكشري مو زاكيه وعلى قولة سموّها خبايص..

خالتي بتعملها وكل ما تعملها بتوديلنا صحن وإنا بنكبو لجاجات جيرانّا.. الجاجات بيكيفو عليه..

أنا بمووووووووووووووت عالمجدرة خاصه من إيدين أمي.. بالسلطه واللبن وكل شي..

اسألو مهيب عنه انا سألتو حكى مش زاكي

يا حبيبتي..

صحه وهنا يا رب..

صحيح سموّك.. إنتي شو طابخين اليوم م م م ؟؟.......

ترررررررررررررررررن
ألو:
المطعم الصيني تفضل:
اوه اسف سيدي
أنا كنت طالب موقع بني حميدة
تفضل سيدي نحن فتحنا فرع النا هون
بجد؟
اه وما شاء الله شغّال تمام
الله يبشرك بالخير طيب بشوف شو في وراجع

طوط طوط طوط طوط

شو مطعم صيني اشرف
احنا نحكي طبايخ عربية صحيح اشرف شو تغديت يالله قول
حنان والله ما بعرف شو طابخين لسى ما حكيت مع البيت انا مغتربة يا حسرتي

مئلوبة يا بعدي
بس تسخين

صحتين اشرف تسخين ولا شو ما كانت المهم أكل ياربي متى اروح

بلا كشري بلا هم اكلنا الاردني ما في زيو وخاصه اكل البيت شو ما كان وهاي نعمه ما بفقدها الواحد الا لما يبعد عن البيت

المقلوبه تسخين أو توها نازله كلها على بعضها بتجنن..

يا صاحبة السمو يعطيكي ألف عافيه .. الله يكون بعونك..

والله مهيب معه حق..

فش أزكى من الأكل الأردني..

صح الأكل الأردني والسوري واللبناني زاكي كثير
الله يسعدك حنون

صبايا ... ذكروني احكيلكم شغلة ع الخاص بخصوص ... المجدرة (^_*)

يلاّ إحكيلنا.. هيني ذكرتك ^_^

يالله احكي كلي أذان صاغية

شو في خيانه ما في غير حنان وصاحبه السمو بطبخو عالموقع طعمونا

ههه ... ع الخاص ... هلا بتوصلكم

تفضل عالميسور موسى.. طابخين مجدرة..

الجود بالموجود..

يا عيني صارلكو من الصبح تنقو عدس انا قلت شو هالبخه
لا شكرا تغديت اذا مجدره

شو تغديت موسى

الله يسامحك موسى.. حسب عوايدنا الجود بالموجود..

يعني مو قد المقام؟؟ هسّا بحكي لأمي تحوّل على منسف طفيلي من الآخر..

لعيناك يالاخو ولو...

حنان ... الرجال ما بينفع معاهم مجدرة ... هاي الاكلات نسوانية ..

احكي شغلات دسمة رجالية (^_*)

حتى لو جوعان وانتو عامين مجدره بكون تغدين مجدره في حدا بعمل مجدره منيح يلي امي ناسيتها

بعرف والله يا أردنيه..

لما بنعملها اخواني بيزعلو.. هههههههههه

كلنا هيك..

يا حبيبي وقعت بين اردنيه وحنان وصاحبه السمو ولا راح نطلع راس اليوم

شو مالها المجدره ازكى طبخه يا سلام

خلص يا موسى وعد مني بس اجرب الكشري رح اعمل حسابك بصحن فاخر جداً (^_*) هههههه

اها منيح هيك انا من مره شرقت بحبه عدس مدري رز وطلعت روحي بطلت اوكلها الا اوقات واوقات

اهاااا ... صار عندك فوبيا عدس ... معناتو بنعملك رشوف وبنكثر الحمص (^_^)

لالالالاخلص لا رشوف ولا مجدره ولا عدس ولا منسف انسي الموضوع خلينا بعليين هيك احسن

موسى مو عاجبه مقترحاتنا الغذائية يا بنات ... فكرو بعقاب مناسب (^_*)

مافي غير نطعمي سبانخ وزهرة ومقالي عشان ما يجيب سيرة المجدرة بالعاطل

هههههه فكرة حلوة ... وحرمان من الليوان شي كم يوم

شو الليوان اردنية
هاي سامعيتها بمسلسلات سوريا

احنا بنحكي كمان ليوان

الليوان ... زي جلستنا هاي ... جلسة حكي وطق حنك (^_^)

الليوان يعني شق خريوش عندنا ^_^

بعدين خلص ما ظنيت إنو المقالي رح تكون عقاب لموسى.. لأنو خواني بموتو عالمقالي وموسى أكيد زيهم كونه هو خواني ما بحبو المجدرة...

الحرمان من الحكي ممكن يكون عقاب بس مش فعّال لأنو ما بيحكي كتير متلنا..

أحسن إشي نروح إحنا الثلاثه ونخليه يشرب طنجرة عدس وهو مربّط ههههههههههه..

هوّ أهان طبخاتنا وما لازم نسكت على هيك إهانه..

اعملوها وشوفو شو راح احرمكو راح احرمكو التواصل مع بعض هههههههههههههه وهذا افضل عقاب للبنات تقطعهم عن صديقاتهم

وبعدين العالم وصلت للقمر وانتو لسه بتطبخو مجدره وعدس ورشوف الله يعين يلي بده يوخذكو راح تغرقوه بطبخكو

موسى اول شي مارح تقدر تحرمنا التواصل هههههههههه لإنه في ايميلات وفي تلفونات وفي شوفات هههههههههههههههههه
ثاني شي الله يرحم جدي وجدك بخصوص الرشوف والعدس ...
ثالث شي وانا شبعانة ما اعرف ارد الرد المناسب بصراحة أكلت معجنات يعني شبعانة بس اجوع ارد عليك الرد الي يناسب الموقف ههههههههههههههههه

أخ بس لو قرأت ردك قبل صاحبة السمو .. كان حكيت نفس اللي هي حكته ههههههههههه

صعب جداً إنك تحرمنا من بعض لأنه أنا والبنات on line على طول ..

تلفونات وإيميلات وشوفات ^_^..

بعدين نيّال اللي بياخدونا.. بنعرف نطبخ كل شي قديم وجديد ..

ورح نعملها ونشربيك عدس وفك حالك أشوف..

الله يرزقني بوحده من الطراز الحديث بالاكلات والطبخات مش زي جدتنا حنان وصاحبه السمو بعدهن ورى سواليف العجايز بالطبخ اصلا طبخاتكو انقرضن وانا كل طبخ مشتقات الالبان ما برغبو عشان هيك قبل ما دور عالعروس المناسبه راح جرب طبخها بطريقه غير مباشره

هههههههههههههه موسى بلشت اجوع رح ارد عليك
الله يرزقك يا موسى يا ابن علي لإني مابعرف اسم امك بدعي باسم ابوك يرزقك الزوجة الي ما تعرف تقلي بيضة وطول نهارها تطلب من المطاعم وتشتهي طبخ البيت انت وامك وخواتك ما يطعموك منه وتيجي على اختك الي هي انا وحنان ونفرجيك طبخاتك الي تحبها وما نطعميك منها ههههههههههه كيف الدعوة موسى

الله يرزقك يا موسى بوحده من بنات هالأيام اللي (بتئرف) من المنسف..

وبعدين تحكي وين طبخاتكو يا حنان وصاحبة السمو ... (جداتك)..

يرحم جدّك... هههههههههههههه...

احسن حل مع موسى

أنو نزوجه بنت من الصين وهات على ضفادع ولحم فار والذي منه .... شي ناااااهي

ساعتها رح يعرف قيمة أكلات حنون وسموّها (^_^)

بعدين عاد طبخ طبخ طبخ
وما احنا شايفين شيء
وخايف حتى لا صاحبة السمو ولا حنان تعرف تطبخ حتى
وزي ما يقول حامد زيد:
حبيبي لا تواعدني مواعيد وتغيب*** دامك تشوف إن المواعيد شهوه
والله إني من عرفت وسميتك حبيب*** اسمع بصوت الفناجيل ولا شفت قهوة

فهو أحنا نسمع بالطبخ بس ما نشوف شي

صباح الخير و مساء الخير للجميع كيفكم إشتئتلكم كتييييييييير.

تعال يا أشرف أنا عازمك هاي المره الرابعه وانا استنى فيك تزورني وانت توعد فيا ومش شايف اشي

والله حل حلو يا أردنيه..

بعدين يا مسيو أشرف.. محسوبتك طبّاخه درجه أولى ..

إعمل انتداب عالأمانه وصير زميلي بالشغل وشوف كيف طبايخي عاد..

ملاحظه.. ( إحنا بشغلنا مرات بنتفق قبل بيوم إنو يا إخوان ما حدا يجيب فطور بكرا أنا طابخه وبدي أجيب عالشغل) .. يعني طنجرة دوالي/ معجنات/ مقاليب وهيك شغلات..

أحكيلك.. إسأل عمو أبو خلدون (عضو لجنه عندنا) أكل من طبخي ^_^ ..

هههههههههههههههه حنون ياخيتي علميني
والله بيض يادوب اعرف اقلي يا عيب العيب وانتو ليش تفكرو كل سواليفي عن الطبخ لإني مابعرف هههههههههههههههههههههههههههه
أردنية اقتراح مية مية
معتصم واحنا معزومين

مستحيل سموّك .. إنتي بتعرفي بس بدكيش ايّانا نحسدك ههههههههههههههههه

اطّمني لا عيونّا زرق ولا سنانّا فرق هههههههههه

أتخن طبخه ما بتاخد منك إشي بس خلي نفسك عالأكل حلو بتطلع الطبخه معك غيييييييييييييير شكل ..

معتصم لو بدو يعزم كان عزم الكل.. بس شكلو مش حاسب حساب إلا لأشرف..

خلص إحنا بناخد أكلاتنا (العدس والمجرده) وبنشاركهم ههههههههههههه..

اااااااااخ يا حنان يالله خليها على الله بدك الصحيح والله ما بعرف غير اعمل بيتزا لإني بحبها وألف مع امي ورق عنب وملفوف بس

هاد لأنو أمك الله يخليلك اياها هي اللي بتطبخ..

بس أنا مستلمه البيت من لمّا كنت صف عاشر لأنو أمي تعبانه من زمان وما بتقدر تطبخ وتجلي وتغسل .. يعني الشغلات اللي فيها وقفه كتيرة..

يعني زي ما تحكي شغلة تعويد مش فهلوة وشطارة..

بكرا بتصيري تطبخي وأحسن مني كمان هه شو رأيك؟؟

ذكرتيني بالبيتزا... جاي على بالي أعمل اليوم بالليل كونه الكل موجود خليها عشا...

سموّك .. خليكِ معودة ع الدلال ... ما بدك هالعلم ...

بــ يحكولك ... تقضي المرأة النصف من عمرها ... في ... المطبخ ... فقط ... لإرضاء غيرها

اسألي مجرب خيتو ... عيشي حياتك بلا مطبخ (^_^)

معاكو حق الله يخليلي الوالدة ويشفي امك يا حنون ويرحم امك زوزو
امي طابخة اليوم كوسا محشي وبابا غنوج على رئي الشوام تفضلوا يا جماعة

أسكتي ا زوزو .. فش أحلا من الطبخ..

ترديش عليها سموّك.. الطبخ أحلا إشي بالحياة ..

الله يسعدك يا قمر ويشفي أمي حبيبتي ويرحم أم أردنيه..

وصحتين وعافيه عالمحاشي..

أنا لو بعرف انكو تيجوا اوك بس انتو شغل حكي بس . يا ستي اعطوني يوم وبتشوفي بخلي امي راعية الحفل تتكفل فيكم بحكي جد إذا عندكو استعداد تيجو ردولي خبر ولو يا سموك اصلا انتي لازم تيجي إلك عندي غدا رضاوه وحنون وزوز وفي كمان وحده بدي أعزمها بديش احكي اسمها لووووول . اعملن مشاورات وردولي خبر وأهلا وسهلا فيكن أخواتي الكبار العزيزات الا حنان أنا اكبر منها هههههه

معتصم ... انا حالفة يمين ما أروح مادبا ... اختار مكان وسط للعزيمة وانا اول الحاضرين (^_^)

معتصم احجزلنا بمطعم وادفع الحساب واحنا نروح ههههههههههه كيف الحل

تنساش إنو كلامنا كلو مزح .. وراعية الحفل على عينا وراسنا .. الله يخليلك اياها.. وما بتقصر .. والحمايده معروفين بطيبهم وكرمهم ولو..

بعدين أنا مواليد شهر 1 يعني مستحيل تكون أكبر مني (بالعمر).. ^_^

هيك غلبتيني يا حنون اوك خلص أكبر مني يا ستي . سموك ما حزرتي هههههه أردنيه وين بدك الغدا اقترحي وانا جاهز

صباح الخير ما شاء الله اليوم الجو بعجلون غير شكل الله يبعت الخير كمان..

احنا نشف دمنا من البرد الله يجيب اللي فيه الخير وانشالله بكره وبعده وبعده امطار غزيره علشان نعطل

خايف لدعوات حنان واردنيه وصاحبه السمو ليتحققو لذلك قررنا نحن ان نتكفل بعزيمكتو على طنجره رشوووووووووووووف مجدرررررررررررررررره عدسسسس طبعا هاي مقبلات للكرش وقلايه بيض و قلايه بندوره وانا اللي راح اشرف على وضع الملح والشطه وما تنسو بجيبو معكو علبه كاتشب

خلص موسى..

إفراج هالمره .. ورح أحوّل دعوتي.. "يا رب إنو يبعتلك بنت حلال تسعدك وتهنيك وتعمل كل الأكل اللي إنتا بتحبو" ^_^...

يعني خلص؟؟.. ما نجيب معنا إلاّ الكاتشب؟؟ ..

أيوا هيك خليك منيح .. أنا من أوّل قلت الخيّر يقول ويغيّر..

يا صباح الورد الجوري والقرنفل والنرجس وكل شي حلو بالدنيا وبحكي حمد لله على السلامة للصديقة العزيزة والأخت الغالية (النور) أم آرام
وصباح الأخبار الحلوة والسعيدة على هالصبح ...منورة أم آرام

وصلتي السلام سموّك؟؟ ^_^..

الحمدلله على سلامتك أم آرام ومنورة يا قمر...

هلا و حيالله بالشيخة صاحبة السمو الله يسعدك يا رب الدوام منور بوجودك و مكتبك الحلو ترا رح اطسك عين على هالمكيت و المكتب هههههههههههههههههه

حنون الله يسلمك و يسعدك

ههههههههههههه ولو نور على حسابك المكتب والموكيت وصاحبته كمان
اخر اخبار الزيادة سمعتي فيها

سمعت بس 40 يالله خير و بركة

منورة أم آرام (^_^) ...

هلا حبيبتي منور الموقع بوجودك

اجواء مااااطرة خير الله .. ثلج وبرد ... شي حلووو


بس ادعولي الكهربا ما تقطع ... والله بروح فيها .. عندي 70 صفحة شغل وبكرا تسليمهم

برد ورياح ومطر
والله يا زوزو بطلع من الشباك مو شايفة غير الغبرة
ان شاء تثلج بكرة ونعطل او اقلك انا معطلة لحالي بقللهم مادبا مسكرة هههههههه بسبب تراكم الهوا

الله يجيب الخير يا رب وانتي اردنية بتمنالك تخلصي شغلك بسرعة.

عفكرة اردنية ازا بدك بساعدك وعطول بالشغل أعدة ولا وراي شي..

ثلج .. ورياااح ... ومطر .. يــ تك تك على الشباااك .. رومانسية كاظمية ههههه


سموّك ... انتي أجّزي وما عليكِ منهم ...

والله بدها اجازة اسبوع ...

بينو يا قمر ... ميغسي بوكو ... ما بــ تقصري .. بيخلصو ع مهل ... لسا معي 12 ساعة ليلية وما تبقى من الساعات النهارية ...


تؤبري عدوينك يا قمر (^_^)

كيفكم يصبايا مع هالبرد ..

انا وقعتلك .. إجازة اسبوعين ... خلص ولا يكون إلك هم (^_*)


بــ حس حالي لو أكون مديرة ... رح تقلب مسخرة وتسيب هههه

والله يا عنانزة جاي عبالي سحلب بهالجو اغلبك يالله الشطورة اعملي الي والك وابعثيها عن طريق الموقع هههههههههه
زوزو اسبوعين ياااااااااااااااااااااااريت يارب تصيري مديرة

الله يعطيكي العافيه زوزو .. إنتي قدها ولو..

تلج ورعد وبرد رويح.. دنيا برا مجنونه..

تلج مكوّم ما بيزيح.. صرتي عندي مسجونه..

ههههههههههههههه حنون شو قلبتي على وائل كفوري
ياريت تصير ثلج يارب الله كريم

دملت ... يعني لــ غير الكركيين ... تراكم الثلج فهو متراكم ههههههه

هاي احلى كاسة سحلب وصلت ... رسلتلك ياها مع الهوا البارد بس يا ريت تضل سخنة.

والله يا عنانزه أنا حالياً عند التدفئه وبالترويحه جوّا السيارة بس الهوا برّا بيقص المسمار..

عن جد هوا جليدي.. الله يجيب اللي فيه الخير يا قمر..

سموّك قلبت وائل كفوري وبقلب فيروز كمان عشان عيونك..

شتي يا دنيي تا يزيد موسمنا ويحلى

وتدفق مي وزرع جديد بحقلتنا يعلى

تؤبشي ألبي يا عسل..

حنون ... مقطع من تلج تلج .. لـــ فيروز ... صوتك حلوووووو (^_*)

أحم أحم
اول شي السلام عليكم
أحم أحم
أحووووووك موت الدنيا
وش ودي اقول
والله إني مستحي منكو
بس الواحد انجهد بلاه
أحم أحم
يا أخوان إحنا أخوان وقرايب ويعني لازم تتحملوني باللي ودي احكيه
الله يخزيك يا شيطان
أحم
يا رب سترك

امممممممممم شو زاكية السحلب من ايديكي يا عنانزة الأمورة
حنون يالله غنيلنا مثل ما طلبت زوزو

احكي اشرف ... ولوووو ... كلنا اخوان لا تستحي (^_^)

اشرف اهرج خير وش في ههههه لا تخاف

يسعدكو يا بنات..

أنا بديش أغني بخاف لأنحسد ههههههههههههههه...

أشرف علامك ؟؟ قول شو فيه إحنا خوان..

يعني انتو عارفين الدنيا الاسعار نار
والدنيا موت
وعارفين إنه الإستراحة هاي على حسابي فاتحها
والله وكيلكم راتبي رايح بس ع الكاز
لذلك حبايبي هسا
تحطوا جدول ع الدور يصير تعباية (قلن) الكاز

وعدا عن ذلك رح نخلي بس لمبة وحده شغالة
والقعدة هذه كلفتني مبلغ وقدره

يعني وفروا علينا شوي
خاصة إني عزابي ع وجهة جيزة
الله يستر بيتكم

هههههههههههههههههههههه اشرف ضحكتني يسعدك
ولا يهمك بس غاز ارخص من الكاز وانا اليوم رح ابلش

كل هل تنحنح على قلن كاز ؟؟

ولا يهمك يا خوي لعيناك..

اليوم صاحبة السمو وبكرا أنا .. ترا أنا صوبة الغاز بالتعليله مو حلوه يا كاز بلاش...

اللله يخزيك يا شيطان

السلام عليكم يا إخوان أنا دوامي انتهى...

بكرا الكاز والقهوه الساده علي ماشي؟؟ ^_^

شو هلحكي يا عنانزه .. هاي الكلمه مش منيحه بحقه عن جد بحكي..

يعني إذا هو سكت بيكون كرم أخلاق منه..

هههههه ... صوبة كاز .. وكازها من عندي ... تكرمو


وكمااان خبز بلدي وزيت وزعتر بلدي عشان نعمل سندويشات ونسخن ع الصوبة (^_^)

امممممممممم زاكي الزيت والزعتر بهالأجواء بس أروح بدي اعملها

الله يخزيك يشيطان اصدي حنان.

يالله الجو بعجلون شو حلو هوا بارد ورح تلج اليوم ان شالله.

عم نعمل ساندوش زيت وزعتر اتفضلو يجماعة.


بزيت عجلوني........ممممممممممم

كاز وصوبه واستراحه وسحلب وزيت وزعتر وشوية بزر وكمان شو في عندكم . اشرف خلص افتحلنا استراحه جديده أخوي هاي صارت غاليه ودخل علينا مشتقات ما نعرفها بس رخصها أقل من هيك

ما فية احلى من هيك استراحة بوفية مفتوح معتصم ....

بس كله حكي ولا شفنا شي لسا .....عم نتوهم.

قرار رقم (63977) صادر عن رئيس مجلس الإدارة بالإنابة ... أردنية


السيدات والسادة الكرام،،،

نظراً للظروف الجوية السائدة والتي استدعت الزيادة في المصروفات والنفقات، مما استلزم مراجعة الميزانية العامة للجلسة ووضع ميزانية طااارئة وجدولة المصروفات بما لا يتجاوز الحد الأعلى لها .... فقد ارتأينا ما يلي:


1- دعوة الاعضاء الكرام لحضور الاجتماع غير العادي المقرر انعقاده في الساعة 12 من ظهيرة يوم غدٍ الاثنين 13 كانون الأول 2010 وذلك لمناقشة ما يلي:

1- مدى خطورة الحالة الجوية السائدة
2- الوضع العام للميزانية
3- تأثير الزيادة في النفقات على الميزانية
4- مناقشة حصص الأعضاء في الجلسة ... وبالتالي .. مدى مساهمتهم في الحالة الطارئة
5- الموافقة على ما يلي:

1- التقليل من ارتياد الجلسة
2- المساهمة في مصروفات الكاز والغاز واللمبات وخلافووووو
3- استبدال صوبة الكاز بــ صوبة حطب ... ودراسة مخاطرها البيئية
4- اقتراح توزيع ((فروات- جمع فروة)) على الاعضاء والاستغناء عن الكاز والغاز والحطب وخلافوووو
5- انتخاب أمين سر الجلسة

نظراً لصعبوبة إبلاغ الجميع عبر الهاتف أو بالبريد .... يعتبر هذا البلاغ بمثابة بلاغ شخصي للجميع

واقبلوا فائق الاحترام،،،

التوقيع : ZeZo

نائب رئيس مجلس الإدارة بالإنابة

الأخبار . خبر عاجل :: دعى نائب رئيس مجلس إدارة شؤون بني حميده بالإنابة معالي السيده زيزو إلى إجتماع طارئ يوم غد الإثنين وذلك لمناقشة الوضع العام في ظل هذه الظروف الزفتيشينيه كما وأكدت معاليها على توجه مجلس الإداره لصرف فروه لجميع الأعضاء وذكرت ايضا بنود ما سيتم مناقشته في اجتماعها الطارئ وسنوافيكم بالمستجدات اولا بأول .

تلج وبرق ورعد وريح الدنيا برا مجنونة تلج مكوم ما بزيح صرتي عندي مسجونة

يااااااااااااااااه ما احلى الجو واحلى شي بالشتا تتغدى عدس وتسهر على الكستنة

ابشر يا اشرف رح نوفرلك بالكاز بس احكيلي عندك تلفزيون بالمضافة عشان اجيب معي فلم اللمبي 8 جيجا نحضروا زمان ما ضحكت وحاب اضحك هههههههههههههههههه

صباح الخير للجميع وينكوا يا جماعة الخير منظر الثلج اشي يجنن على قناة عمان واحنا البرد قصنا قص انا على المنظر جبت زيت وزعتر والصوبه بس المشكله انه الصوبه كهربا اذا مش كاز وفوجكا ما تنفع

ما كنت بعرف إنو أصدك عالشيطان .. (ربِّنا يخزيك يا شوشو) .. أصدي الشيطان هههههههه

بعتذر منك أختي بس أنا ما بتحمّل إنو هالكلمه تنحكى لأي مسلم..

ما شاء الجو برّا غير شكل ... على قولة محمد الوكيل ما في حدا صحي اليوم ويكون متشائم...

اللهم اسقنا الغيث ولا تجعلنا من القانطين..

صباح الخير حنه كيف البرد عندكم ...

أنا كان أصدي رد عتعليق أشرف رقم 329 وبعدين أنا ما بطلع مني هيك حكي عحد.

معتصم وأردنية أي ساعة افتتاح الجلسة مشان نكون موجودين.

نموذج مذكرة داخلية:

تحية واحترام..

إلى السادة الكرام مجلس إدارة بني حميده..

أحيطكم علماً بوصول فروتي لون بني وعليها خطين أسود (قطري) مقاس وسط وأنا الآن أرتديها..

واقبلو فائق الإحترام..

حنان الطفيله / الإثنين / الموافق 13/12/2010

صباح الخير حنون ،،
كيفك ؟
طمنيني مبسوطة عالعطلة ،،
ولا مداومة اليوم ؟

هلااااااااااااا بالغاليه فو إيفر..

الحمدلله رب العالمين مبسوطه بالخير اللي نزل علينا..

أما عن العطلة لأ مش معطلين مداومين .. وكمان مبسوطه..

زميلي من إربد صوّر التلج وهو جاي عالطريق ما شاء الله إشي بيفرح القلب..

الله يسعدك يا قمر..

صباح الورد عنانزه.. لأ مو مشكلة حبيبتي سوء فهم بس..

والله الجو عندنا ما شاء الله برد ورياح ومطر تنزل على الشباك ^_^

اللهم زد وبارك..

يا سلام عهيك فروة حنان من الأخر أكيد بجنن.

يا ستي الفالب غالب طبعا يلا ادفي منيح ووفري كاز هههههههههه.

آ والله يا عنانزه.. بتشبه فروة جدي ههههههههههههه..

تسلميلي .. إنتي اللي بتجنني ..

احلا شي انو فش عطلة وبالنسبة الي احلى يوم بالجامعة فش دكاترة جايين الا دكتور واحد ومبسوطين
والايام جايو انشاء الله تلج علة اكثر من هيك نص متر يعني

ان شالله يا رب الله يبعت الخير كمان وكمان ..

ابتعرفي حنان بدي روح أستعير فروة جدي ههههههههه.

فش أدفى منها.. لا صوبه ولا ما يحزنون..

أه والله متل فروة أبو محجوب ... كل العيلة بدفو فيهااااااا.

قرار رقم 99999

تقرر تأجيل الاجتماع المقرر انعقاده الساعة 12 ظهر هذا اليوم وذلك لعدم اكتمال النصاب


يبلغ عن الموعد الجديد للجلسة في وقت لاحق


برجاء ذكر مواصفات فرواتكم ... لتوفيرها بالحال

تقبلوا فائق احترامنا


بالإنابة عن الرئيس (أشرف)

ZeZo

وأنا مجهزة حالي من الصبح وعم أنتظر.........

السلام على من اتبع الهدى..

يا ترى هالاستراحة بتستضيفني ؟ :)

الآنسة together من طرف الآنسة for1hour عفوا !! forever ...

اربد نيالهم يا حنون
بتكون تكت علينا غبره وهم بتثلج عندهم ،،

شو القصه يا جماعه بالقرارات الصاخبه منذ الصباح

اللي عندو استفسار .. يسأل الناطق الرسمي باسم الجلسة .. الجنرال معتصم (^_^)

والله عندي اسألة كتير بس معتصم ولا هوة هون.

طبعاً together .. صدر البيت إلك والله ..

نورتينا إنتي وفور إيفر..

وينو الناطق الرسمي ... وجه غاااضب

نرحب بالاعضاء المستجدين ... ورح ندرس اعفاءهم من الضرايب ههههه

نورتي togather نورتي Forever وكل آل Ever الكرام

خبر عاجـــــــــــــــــــــــــل: استقالة الناطق الرسمي .


لعدم ردة على زوزو.

togather ،،،،، !
خايفة بكرا افوت عالموقع الاقي عمري

طق طق طق ـــــــ مرحبا ممكن تسمحولي أدخل للموقع .

أنا أخت بنان عنانزة بتمنى اني كون من العيلة وحبيتكم كتير أد بنان ما حكت عنكم.

إسألوا يلا أنا جاهز . طبعا حاس حالي لابس دب أو فيل بس لما صحيت عرفت إنها فروة أبوي غطاني فيها لإني صبحت مريض . زوروني وجيبوا معكم (طله) بدي راحه وبسكوت

هههههههههههههههههه ايش يا دب احلى راحة وبسكوت.

صدر يوم أمس في وساعه متأخره من المساء قرار تأجيل الجلسه الطارئه التي دعت إليها نائبة مجلس الإداره لعدم إكتمال النصاب بسبب غضبهم من لون الفروات المقدمه لهم من مجلس الإداره . كما وطلبت معاليها من أداريين المجلس بصبغ فروات الأعضاء وصرف حصان لكل منهم بدل من سياراتهم ذات المواتير الكبيره

سلامتك معتصم .. ياخوي أنا قدام الدار معي كرتونة راحه وكيس بسكوت بلاّ خلّي الحجة اطّل عليّ وتاخذهن... مستحية أفوت ^_^ ..

يا عيني عالخجلان انا باجي اخدهم.

يا الله يا الله
تستروا يا حريم
معتصم الله لا يهينك خذ طبق ه (الناشد) ما لقيت بسكوت وراحة
ولعوا الصوبة يا عرب
ول
أحيااااااااوه موت موت الدنيا
زملوني زملوني

صحي يا معتصم سلامتك يا غبران علامك؟

وزيكو يا ويلك لو الفروة ما طلعت كويسة

هههه

راحة ... و ... بسكوت ... بحبها كثير


بس تكون الراحة القديمة ... مو الموديل الجديد (^_^)


ألف سلامة جنرال معتصم ... خلص أجازة 30 يوم وراتبك ماشي (^_*)

يجماعة هلا أمي عملت طنجرة ملفوف من الأخر بدي اجي يلا جهزو الليمون مشان الاكل.

اممممممممممممممم .... عنانزه يلاّ ودّيلي صحن هسّا هسّا هسّا أنا ما دخلني هه ...

يلا يجماعة هلا حنان بتاكل الاكل استعجلو شوي وينكم

ههههههههههههههه

هلا هلا هلا بالحامل والمحمول فوتو جاي طبعا مش مغلب حالي ابدا . أشرف جايب الصوبه معه وعنانزه جايبه الغدا ويا عيني عالحلقوم والبسكوت . اشرف ناشد ما ينفع الدنيا برد رجعه معك ههههههه . والله يا اخوي لحقني برد أنا فليت عنه بس طلع سريع ولحقني

يا خوي إحنا مو جايين نجرّبكو إحنا صحاب دار .. الله يسعدك ما تقصّر ^_^ ..

سلامتك أخوي والله البرد لعين...

ربي يسلمك يا حنون والله يا ريت تنوروني . في على قناة الحقيقه ختيار مشلول ضرير مريض عمره

ما بنستغني والله.. وداركو منوره بأهلها ..

شو مال الختيار؟؟ .. على كل حال الله يعين الناس والله إحنا حالنا أحسن حال من غيرنا.. الحمد لله رب العالمين..

ختيار عمره

السيرفر مشلف عندي

سلامتة السيرفر شماله شكله بردان ههههههههه دفية لبسة فروة.

ديوانيات واستراحات وسهرات وفروات وملفوفات واجتماعات من غيري
خيااااااااااااااانة
استغليتوا غيابي اليوم وعملتوا كل هالأشياء ماشي ماشي
معتصم حمد لله على السلامة الهدايا بالنص
وبالنسبة للفروات بدي اياها لون زهري ينفع هههههههه ولا احكيلكو هيني قاعدة على الجاعد ادفى هع هع

يا سلااااااااااام والله واقعة عندكو بس تجتمعوا رنو علي على هذا الرقم صفر ثلاث صقعات اااااااااااااااااااح بتشتي

ههههههههههههههه

طرح عطاء فروات بألوان مختلفة واهمها الزهري هههههه


على الراغبين تقديم الطلبات عند جنرالو معتصم (^_^)

دقيقه دقيقه ماخذين راحتكوا ولا كانه في حارس للموقع هي الساعه 2 صباحا و هسا زقطت حرامي اي صخر ما اعطاني اتعاب من اول ما افتتحنا الموقع طيب ماشي اعملوا الي بدكوا اياه رح اكسر الاستراحه وافجر الموقع وامسكوني ساعتها اي الصبح ما حدا يصبح قلنا ماشي ولا حدا يمسي قلنا ماشي كمان تعملوا استراحه وعطاءات وانا ولا كأني موجود !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!ههههه

قررت أن اجلس في استراحة الأعضاء زمنا ......


واقترح على الأخوة المشرفين أن يدخلوا خدمة للموقع تتضمن رسالة ( لا يوجد حيز لرسالة جديدة ) عندما لا يجرأون على نشر موضوعاتهم

له يا مهيب ما إلهم حق ههههههههههههههه..

أهلاً نابل.. منور الإستراحه..

صباح الخير حنان كيف الحو بالإستراحة .

هلا صباح الورد عنانزه.. الجو حلو ^_^! ..

مهيب يا حارسنا .. احنا هون حكومة منفصلة (منشقة عن القاعدة)

اذا بتحب .. اشتغل حارس ع الاستراحة .. وراتبك رح يكون الضعف


كمان ممكن نرفع قضية وبــ نطالب بــ حقوقك العمالية من صخر هههههه

مهي الاستراحه داخل نطاق الخدمه اصلا
بس هي للفت الانتباه فقط لا غير من باب المزح ولا صاحيين ليل نهار صاحيين

نونونو ... احنا حكومة انفصالية ..


وبدنا حارس .. حبك .. حبك .. ما حبك .. في ناس بدهم يشتغلو .. شاور حالك مهيب (^_*)

اخي العزيز نابل
هل لك يا أخي ان تفهمني قولك
"

واقترح على الأخوة المشرفين أن يدخلوا خدمة للموقع تتضمن رسالة ( لا يوجد حيز لرسالة جديدة ) عندما لا يجرأون على نشر موضوعاتهم "

يعني لا تواخذني استيعابي سنوي

اذن اعلن انا شخصيا مهيب الشورة التنحي عن الوظيفه وانه لم يعد لي اي صله بهذا الموقع هع

يا انفصالي يا مهيب هههههه

عطوفة اشرف باشا
السلام عليكم اعتذر يا صاحبي عن الخطأ المطبعي

ما قصدته يجارون ( اي تزاحم الموضوعات)

ارجو قبول العذر

له له له له يا مهيب.

صباح الخير

كيفكم اليوم شو مو عاملين فطور

جيجي الفطور اليوم على بينو .. بس شكلو شمستها عالية اليوم

صباح الخير يا اردنية ويا سمو الامير ممكن طلب بس لما تخلصو من التدقيق نزلو التعليقات انا لسى دوامي على الساعة 1 الظهر وبدي اضل اعلق اوك حتى اقدر انزل مواضيع

فطور شو !!!! وحدو الله يا جماعه لا توكلو قدّامي بعدين بنعشم ههههههههههههه

بنان اليوم مش بالبيت عشان هيك انا جوعانه

هي هي راحت على الاتحاد الاوروبي لانها عضوه فيه ............. مين اليوم بده يطعميني ......

انا أصغر وحده فيكم عشان هيك لازم كلكم تدللوني وتجوبولي هدايا لاني أختكم الصغيره

وتطعموني كمان اشياء زاكيه وتجوبولي حلو ومصاص

ههههههههه

ولو ابشري جنان بما انه ما بعرف اطبخ نقي المطعم الي يعجبك وصي دلفري وانا احاسب هههههههههه

بس انا ما احب طبخ المطاعم ابدا

تسلم مهيب ما بدي غلبك لاني معي فلوس لو بدي من الطعم كان رحت أكلت

بس انا ما بدي من المطعم ......لاني ما بثق بأكلهم أبدا

خلص ماما عملتلي كفته بلبن..... تفظلوا على الغداء جاهز

سلامتك خيرك وخير اهلك ما هاذ كان المقصد جنان الله يسامحك على كل حال

لسا صغيرة مهيب عئلها أدها انا بعتذر عنها.

خلص مهيب انا بدي دلفري جيبلي بموت عأكل المطاعم .مممممممم شو زاكي بس يكون معة مايونيز كتير وكتشب.

ولو بنان ما داعي للاعتذار ما صار اشي
خلص ابشري المطعم الي بدك اياه وعلى فكره هي الساعه عشرة ولسا ما تغديت

مين بيعرف ع الاكسل ؟؟

طلعت روحي منو ... بدي اطبع فيه نص عربي ومقابله انجليزي ... بس عبث

جدا سهل الاكسل
ما يحتاج شي ومع ذلك في مهندسين حاسوب ضمن اخواننا الاعضاء يقدروا يساعدوا

بعرف سهل جدا ... بس طباعة نصوص كبيرة .. هاي اول مرة اجرب ..

أردنيه ولا يهمك .. أعطيني النصوص وببعتلك اياه عالإيميل جاهز ولو ...

أردنيه صباح الخير أنا اليوم ولا وراي شي ابعتيلي ياهم عالايميل ورح حللك ياهم لأنة الأكسل

مجال تخصصي وأنا مبدعة فية كتير بس حل مسائل ولا يهمك.

(^_^) يسعدكم يا بنات (^_^)

طبعتهم وورد .. وصاحب الترجمة يصطفل ..

عحكيك يصطفل احيلة هاد الي طلع معي .

مين يقدم عني icdl وله الاجر

ويبشر باحلى شندويشه فلافل بشطه

صباح الخير كيفكم

تبشر بالسعد..

خلص موسى تبشر.. بس يا خوي في مطلبين..

الأول : خلي السندويشه عالمغرب عشان أفطر عليها وأدعيلك..

والثاني: يا ريت الساندويش بدون شطه.. ماشي يا خوي ^_^

يا الله هالاستراحه شو بتريحني لما اكون تعبانه بدخل وبرتاح وبشربلي فنجان قهوه وبعدين بكمل طريقي وانا مبسوطه

جاي عبالي انزل زاوية أريد حلاً خلي كل واحد يفضفض عن الي بقلبه وانا اول وحدة رح اكتب بهالزاوية الله لا يوفقك يلي ببالي (المدير) ماحا يفهمها شي ثاني ههههههه شكلي خرفنت

ســمــوك ... أنـــا مــعــك .. نـزليها وحياتك (^_^)

زاوية أريد حلاً.. صحيفه شهريه أسبوعيه يوميه ..

زاوية أريد حلاّ.. لكل من لديه مشكله.. أكتبها ونحن نجد لك الحل القاطع..

زاوية أريد حلاً .. جريدة لكل من يبحث عن الحل..

زاوية أريد حلاً.. الأولى في الموقع ..

زاوية أريد حلاً.. حلاّلة المشاكل..

فكرة حلوة سموّك..

خلص رح انزلها بس بعد ما ارتكب الجريمة تصدقوا يا بنات بدي اروح أديون بالمكاتب واشرب شاي وقهوة ماذابحنا غير الضمير يولي الشغل وصحابه

هل تعاني من مشكله ولا تجد لها الحل؟؟

هل حاولت الوصول للحل ولكن دون جدوى؟؟

هل لديك اسئلة كثيرة ولا تجد لها إجابات؟؟

هل راتبك الشهري لا يكفى لخمسة أيام؟؟

هل إبنك لا يحب الذهاب إلى المدرسه؟؟

هل الباص بطيء جداً وتصل إلى عملك متأخراً؟؟

هل الباص سريع جداً وبتحس حالك رح اطّير من الشباك؟؟

كل هذه التساؤلات وغيرها الكثير نجيبكم عليها في زاوية أريد حلاّ بإدارة صاحبة السمو وعضوية أردنيه وحنان..

السلام عليكم
الله يمسيكم/يصبحكم بالخير جميعا ضيوف ومعازيب
وش أخباركم
ووين فروتي؟
ووين حصتي من الأكل كله
يا الله اعطوني أياه
قبل ما أجركركم ع المحاكم

وعليكم السلام دموع قرطبة ..
و بالنسبة للــشوأسمو ,, اردنية اقترحت الفكرة ,, عندك اياها ^_^

شــوئـسمو .. الـفروة .. والــذي مـنــه .. عـنـدي .. (^_^)

وكــل الـــ شـوئــسمو .. على حــسابـهـا لـ قرطبة (^_^)

هـــ هـــ هـــ هـــــا هاتسوووووووووو ..


بدي حل جذري لـ الــ الانفلونزا .. ما فيو كبسول ولا شي مر ولا عسل وخلافو ...

ولا تحكولي ليمون ... خلصت الانتاج المحلي كلو بدون فايدة ...

عندي شغل ... مو وقت امرض وأGرب يعني ... اقترحو شي سريع .. تؤبرو عدوينكم (^_^)


هــ هــ هاااااااا ... راحت ههه

اردنيه تطرح مشكلتها على الهوى
ترن ترن ترن

مقدم البرنامج : تفضلي اختي انتي على الهوى في برنامج اريد حلا
اردنيه : هــــــ هــــــــ هاتسووووووووووووووووووووووووووو
يلعن ابو الرشحه

مقدم البرنامج :

الحل ما عليكي الا تتحملي الانفلونزا لحين انقضاء مدتها القانونيه وبعدها ا بصير عندك مناعه وابعدي عن كل واحد مرشح
هيك افضل حل خيتوووووووووووووووووووووووووووووووووووووووووو

طبعا ولسه ما خلصت بدها تطرح كل مشاكل صاحباتها

مقدم البرنامج : شكرا على اتصاللك وبناخذ اتصال ثاني
الو نعم

ههههههههههههههههههههههههههههههههههههههه

سلامات يا زوزو...

إفغميلك راس بصل ووراه حبة ليمون أخضر بقشرها بتقومي مثل الحصان..

وأكثري من الشاي بالليمون ^_^ ..

جربي وادعيلي .. ^_^ ..

ألووو برنامج أريد حلاً ؟؟

ألو ألو ألو .. توت توت توت .... شوووووووووووووو مش راضي يلقط الخط ..

طبيبك ع الهوا .. د. موسى اخصائي طب اعشاب (^_*)


اتزهرمت لــيــــ هااااتسوووو ــمون .. بصل نونونو ..

بس ما تكون N1HI .. وجه أصفر شاااحب

وصفه حنان ممتازه وكمان اعمليلك تبخيره بطنجره رشوف وراح تزول انشالله بس من دون عطس بالطنجره

تفضلي اختي حنان انتي ع الهوى برنامج اريد حلا اطرح مشكلتك بس باختصار مش جمعي كل مشاكل الحاره عشان الوقت ضيق :

رشووف !! .. خليني مــGـربه احسن .. بـ نتحمل .. انفلونزا تهدني؟ .. هزلت .. ويا زوز ما يهزك انفلونزا هههه

ألو أخ موسى معليش أحكي مشكلتي إذا سمحت يعني؟؟

تفضلي احكي

شو نوع مشكلتك ؟

انا عندي مشكله بقدر اشارك بالبرنامج؟

مشكلتي يا أخ موسى إنو .. إنو .. إنو ...

والله مش عارفه شو بدي أحكي ....

بتمنى إنو تعطيني الحل لمشكلتي.....

من الآخر...... ايمتا الراتب ...؟؟؟

طبعا نفس مشكلتي هموم المواطن الاردني مشتركه ما بين الراتب ونقص السيوله

مشكله وبدنا نطالب بسحب الراتب حسب الطفر والحاجه ولازم بيكون باي وقت



نظرا لقصر هذا الشهر سيكون خلال الاسبوع انشالله بتنامي وبتصحي وبتنامي وبتصحي تلاقي الراتب بالبنك

بذكر انو الشهر اللي فات ما سحبت رتبي راح اتبرعللك بمبلغ 50 دينا تمشي حاللك فيهم بس يرجعو دبل

أخ موسى عن جد بدي أشكرك على هالبرنامج الرائع..

يمكن ما تصدقني أخي احتسبو الراتب قبل شوي وبينزل بعد بكرا بعون الله ...

شو هالبرنامج السوبر هههههههههههههه...

شو بعد بكره حسب معلوماتي بكره بينزل لاني هذا الشهر على حرف ط ( طفرررررررررررررررررررررررررررررررررر)

إحنا أمانة عمان بينزل راتبنا 20 الشهر بشهر 12

احنا حسب البنك وبالاصل بنزل علبنوك ب15 الشهر بس لما بطلعو اتعابهم بعدين بصرفوه

انا زمااااااان صرفته راتب شهر 12

فــ إنو .. هـــــــــــاتسـوووووووو

حرام دايني حنان 75 قرش داوم فيهم بكره

انتي لسه بتعاطسي شكللك راح تعدين كل الاعضاء اكيد اجت الرشحه من فرحه الراتب ههههههههههههههههههههه

ههههه .. موسى .. الحمدلله الحمدلله أنا عمري ما فلست .. الشركة بـ يبعثولي رواتب كل 3 شهور مع بعض .. فـــ إنو تصور يا رعاك الله (^_^)

حنون فداها كل الرواتب

تسلمو يا إخوان ما تقصرو هههههههههههههههه

الشتاء وصلكم ولا لسا

يقطع شركو الي يومين بالفراش وماحدا طل علي ولا سأل عني ولاجبتولي بكسة برتقال طله الي الله
الله يسامحكو

ســـموّك .. هــ هــ هاتسووو .. انتي كمان مــ Gـــربة ...

اعملي بـــ نصيحة حنون .. بصل ههههه

الف سلامة عليكي

الله يسلمك زوزو استني بدي اعطس
ها ها ها ها ها مش قابلة تطلع
طلعت روحي وهي لسى هااااااااتسووووووووووووو طلعت ههههههههه
بصل وفجل وليمون ودوا...ووو

تسؤ .. انا مشكلتي بس أمرض .. ما بعرف لا علاج ولا طب عرب .. بستنى رحمة الله


وي كأنو هااااااااااااااااااتسووووو ..

هي رحمة ربنا وبس يالله قديش الإنسان ضعيف

الله يعافيك بسرعه بس لا تعدينا استعملي ادواتك لحالك

وروحي عالطبيب قلة دكاتره في البلد

سموك ميمو سلامتك حبيبتي الف لا شر عليكي يا رب الحمد لله ع سلامتك

بدي جيبلك ليمون عجلوني من الاخر بشفيكي ع طول .

سلامات للجميع برضه انا مرشح وماكل هوا بس احلى حركه عملتها سلمت على كل الشباب مباوسه ههههههههههههه بلكي موتت اموت لحالي لا الموت مع الجماعه رحمه وغير هيك نتسلى مع بعض هههههههههههههههههههههههههههههه

الله يسلم الجميع وماتشوفو شر

سلامات سموّك.. والله حقك عليّ يا غاليه ما رنيت عليكي..

الاخت صاحبة السمو ........ سلامتك وما تشوفي شر

الله يسلمك حنون يسعدك ويسلملي هالصوت
محمد خير كلك زوق تسلم اخوي

سلامات صاحبه السمو ما عداكي الا اردنيه من كثر ما عاطست بالموقع

الله يسلمك موسى شو بدها تعمل زوزو تعطس غصب عنها

موسى .. الله يسامحك ..

انا بستخدم كلينكس بس اعما هاهاهاتسووووووووو

بهديكو اغنيه رشحنا وطال المشوار وتاخرنا بطلتنا عالموقع اخر اصدارات هيفا الموقع

مين هيفا الموقع انت هههههههههههههههههههههههه

هيفا يا صاحبة السمو ولو.. وهل يخفى القمر؟؟ هههههههههههههههههه

امممممممممم هيفا الحشمة عرفتها عرفتها الي تغني انا هيفا انا مين أدي أنا
طبعا عرفتها يخرب بيتها شو حلووووووووووووووووة

يعطيكو العافيه ............ هاي الإستراحه صار بدنا ناخذ إستراحتين عالطريق عشان نوصل نكتب تعليق ........ طيب اللي مفلوزين كيف يصلوا هون .... يمكن في خدمة التوصيل وأنا مش عارف ؟؟؟؟؟؟ ........ يسعد صباحكم جميعا أي أنا لسه ألهث من المشواااااااار ههه

هههههههههه صباح الورد اخوي النورس
اركب ctrl+ End توصل بسرعة

شكلك بتسوق بطيء يا نورس .. إدعس بنزين بتوصل عالسريع ههههههههههههههه

هلا نورس شكلك زي حالتي سايق مر على الكمبيوتر ههههههههه

وصفة صاحبة_ السمو السحريه زبطت معي مع أنه السياره شكلها تشتغل عالفحم ....هههههههه

لا انا بعجبكو سايق مر (*_^)

والله يا خوي يا مهيب راحت عن بالي وحبيت نضحك شوي...... بس لا تجيب سيره هه.

خطيرة .. سموّها .. (^_^)

مافيا ههههههههه

طيب يا مهيب لما تكون بالاخر وبدك ترجع للأول مياشره شو تعمل ؟؟؟؟؟؟؟؟؟؟ اوعك تقول إني غششتك وحكيتلك تركب كبسة home هههههههههههههههههه

ههههههههههههههه هاي عرفتها لحالي لا بعجبك طيب صاحبة السمو علمينا شوي بس بالله عليك بدون ما تعملي زي ابو صقر(سمعه) لما علم مرته سواقه ههههههههه

ههههههههههه شكله النورس يضارب علينا
مهيب هههههههههههههههههه ضحكتني احلى حلقات سمعة
ابشر بعلمك السواقة على اصولها خبرة 14 سنة ثانوي هههههههه

ايش يا صاحبة السمو.. والله ما عرفتك هههههههههههههههههه

يسعد مساكم الجميع

ودنا برازق

شو حنون هيني مش مبينة ولك هيني رافعة ايدي
ومساك يا امير جيب معك غريبة كمان

تبشري بالسعد خلص بس اروح هيك هيك اكون فاظي وبالمره بس اتعلم اقعد محلك بالشغل ههههههههههه

ههههههههههههههه
ماشي تقعد مكاني وتعيرني شهادتك بس توخذها

الشهاده رح يكون طالع عيني لما اخذها وكمان اغيرها والله حرام طيب راعي شعور امي وابوي ولا انا ما تفرق معي

الله يوفقك يا مهيب وتفرح بشهادتك وتفرح امك وابوك
وبدك مكاني خذه وخذ راتبي ولو عندي اخت صغيرة كان لبستك اياها ههههههههه

الله يخليك يا زوق والله احرجتيني خيتو صاحبة السمو

ولو مهيب انت اخوي الصغير

والله بتشرف خيتو انا اطول اكون اخوك الصغير

راح درس السواقه والحصه خلصت ... ههههههههه

يسعدك مهيب

ايوه نورس لخبطني عاد ساعتين الحصه بلاش يتكسر الموقع مو انت عارف سواقتي على قدي

أي أنا شايف الحصه بلشت معاك تخميسات بدل الصف بين البراميل يعني شو أحكي لعاد هههههه

هههههههههههههه لا تخاف معي واسطه محرزه يعني الرخصه ماخذها ماخذها

أيوا أيوا شفتك سموّك .. بس ما كنت شايفتك منيح من مهيب ولؤي والنورس..

لؤي الشاي جاهز والبرازق بجنبو يلاّ إطلع بالغريبه ههههههههههههههههههه

حتى ترتاح بحياتك .. بيلزم .. تعرف 3 شغلات:

مين بــ يحبك .. مين بــ بيكرهك .. و .. مين سميــــر؟؟

فـــ إنو يا جماعة ... ربٌ يُعبد .. سبحانووو (^_^)

عرفتهم كلهم بس سمير مين؟؟ -_-!

آآآآآآآآآآآ سميييييييير .. يقطع شرك يا زوزو هههههههههههههههههه...

إي ما بعرف مين سمير؟ هههههه


http://www.youtube.com/watch?v=R5utYqo3XS4


شوفي هي حنون

مين سمير؟؟؟؟؟؟؟؟؟؟؟؟؟
بعدين زوزو العقل منك ليش بدك تشنقي حالك

هههههههههههههههه
شو هاي هيك

إي مو عارفة مين سمير .. عشان هيك سموّك ههه


http://www.youtube.com/watch?v=5gzPH9vQEHE


مو طبيعي ايمن رضا (^_*)

ههههههههههههههههههههه
حلوة زوزو

ههههههههههههههههههههه حللللللللللللللللوة..

سمير يا بنت الناس سمير هههههههههههههههههههه..

وأنا شو بعرّفني مين سمير ههههههههههههه...

شو في خبر ع الــ ياهووووو

مفتي مصر .. بيحكي طلاق المصريين غلط

ليه؟

لأنو بيحكو طالئ مو طالق هههههه

ربٌ يُعبد .. سبحانووو

ههههههههههههههه
الأزهر علي حركات
والله حرام العالم يضيع بهيك فتاوي بطلنا نعرف الصح من الغلط

عمر الدين ما كان عسر .. او كان فيه مشكلة


المشكلة في الناااااس وهيك فئة من المشايخ ..

لا حول ولا قوة الا بالله
بهاليومين الواحد بطل يعرف حاله اذا كان ماشي صح او غلط
مرات بحس عندي مبادئ من العصر الحجري ومرات بحس حالي ماشية صح
ومرات كثير بطلع حوالي وبستغرب ليش الناس تحكي شي وتعمل غيره بس بالآخر ما بحكي الا هي الحياة وماشية...

عشان هيك يا سموّك .. يبقى السؤاااال


مــــيــــــن ســـمــــيــــر ؟

ههههههههههههههه
سمير جارنا ..........
هاي واحنا لسى بأول الاسبوع وصرت اهلوس الله يستر من آخره

بــ الله ســمــيــر جاركم؟ هههه

الهلوسة .. يعني .. بدك تتعافي سموّك (^_^)

اممممممممممممممممم
لا لا خليني اهلوس بلاش افقع يا خيتي تراها مقبعة معاي من الصبح وبفش غلي هون

ههههه .. وأنا صايمة وحاسة انو جووعانه لأول مرة في حياتي .. ومقبعة معي برضو

الله يقبل
هانت قرب الآذان
شكلها رح تقبع معنا على طول من هالشوفات والأخبار اليومية الي تسم البدن
حسبي الله ونعم الوكيل
على رأي المرحومة ماجدة كن صديقي
يي ماجدة لسى ما ماتت نسيت

هههههه .. معناتو في طريقها للموت ..

احكيلك شو ؟

خلينا نسلم مفاتيح الجلسة لــ عبدالله ونروح ..

بلا ما نهلوس أكثر

معك حق زوزو
عبد الله دير بالك على الاستراحة لما ارجع ول على حظي ترى مني مطولة راجعة

صباح الخير جميعا
عيلة ever زمان ما بينت طمنوني عليهم يا جماعة

آآآآل ever .. بتوقع الامتحانات شغلتهم .. الله يوفقهم ..

ولا غنى عن روحهم الحلوة بالموقع (^_^)

بالتوفيق ان شاء الله والنجاح الدائم
مشكورة زوزو

صباح الخير يا جماعه

صبح الورد...

زي ما سمعتو عائلة ever عليهم امتحانات وعمّالهم بيدرسو..

مش زي بعض الناس... ولي جنان.. ليش ما بتدرسي؟؟ غير أقول لأمك ..

اسعد الله صباحكم بكل الخير والمحبه والاشراقه الجميله

أهلاً .. أهلاً صباح النور أخ موسى..

انا هلا رجعت من المدرسه من الامتحان التجريبي وكمان شوي بروح أدرس يعني محدد على الساعه لا تخافي بصلي الظهر وابدأ بعدين بالدراسه

ان شاء الله تمر هي السنه على خير وأخلص

شكرا كتير حنان لانك بتحكيلي اروح ادرس ادعيلي أنجح واحصل على المعدل اللي ببالي


بنان بتسلم عليكي وهي مشغوله عشان هيك هيه مو هون

راح نقاطع كل من عنده امتحان حتى ما نكون عرضه لاي سبب تراجع لذ الدراسه اولا ثم التواصل مع البقيه
لذا اقتضى التنويه ؟

تقبلو مروري

جيجي .. لاحقة ع الحكي .. ع دراستك .. اسمعي كلام اخوكي الكبير موسى (^_^)

الله ينجحك يا جنان يا بنت..... وتجيبي المعدل اللي بدك اياه يونلك اللي بخاطرك يا بنيتي..

الله يسلمك ويسلمها حبيبتي..

وأنا مع الأخ موسى .. يلاّ يلاّ عالدراسه يا أمامير..

الله يوفق كل طلاب التوجيهي
حنون كيف شغلك اليوم ان شاء الله تمام

تمام التمام... من الصبح قاعدين... بس عملت معامله وحده زغنونه ^_^

يعطيكي العافية
لعاد ليش تشتغلو اضافي هههههههههههههههههههه
بلشت انق عليكي

سلاااااااااااام للجميع
ادعولي انا بدي اهرب من الدوام مفروض اروح 2 بس بدي اهرب هسا 12.30 الله يستر وما يكشفوني
سلااااااااااااااام

يااااا .. ابلوموفـية .. يااا سموّك .. ويا حنون (^_^)

أنا ما بحسدش يا خال.. دنا بنئّ بس هههههههههههههههههه..

سموّك الإضافي عشان قوائم التخمين وخلّصناهم من زمان..

بس سواءً خلّصنا أو ما خلّصنا لاااااااااااااازم نداوم إلى 31/12/2010 .. ولاّ كيف بدهم يحملونا جميله بهال 200 نيرة (المكافأة تاعة الإضافي) ^_^

صدقيني يا زوزو ما فهمت شو هاي (ابلوموفـية ) ..؟؟!!! ممكن توضحي.. لأنو بصراحه ثقافتي إسباني ^_^

حنون يا قمر .. يعني يا بيروقراطية ..يااا متسيبة انتي وسموّها (^_*)

أيوا إحكي هيك من زمان...

الله يسامحك .. والله بنداوم 8:00 وبنروّح عالساعه 3:00 .. حتى مغادره ما بسخى على حالي فيها... شو ذنبي إذا ما في عندنا شغل؟؟!!! ..

شوي ورح أبكي.. إنتي بتتحملي المسؤوليه هه ..

وسموها صحلها تفل.. ما تفل يعني ؟؟ هههههههههههههههههههه..

إحكي إنك غيرانه يا زوزو ^_^ ...

بعدين البيروقراطيه كمصطلح تعني حكم المكاتب (بيرو) كلمه فرنسيه تعني مكتب..

يعني إحنا محكومين بشغلنا ولازم نلتزم بالمكاتب... يعني لو صحّلنا نتسيّب ما بنقول لأ ^_^.

اهاااا ..

اوكِ مكتب والذي منه .. بس تسيب في المكاتب .. يعني قلة الشغل .. هاي هي الــ أبلوموفية


حنون كــ عادتي .. بمزح انا (^_^)

بعرف إنك بتمزحي يا قمر..

إذاً هذا تسيّب مييييييييييييييييين؟؟ المراجعين ههههههههههههه ما بدهم يدفعو.. ^_^

إحنا الشغل اللي عندنا بنخلصو حسب الأصول.. لكن إحنا هيك بالشغل فيه مراجعين وحركه هينا اشتغلنا ما فيه حركة هينا قاعدين..

بس شغلنا كله ضرايب بضرايب وحسابات يعني صحيح الشغل قليل بس المسؤوليه كبيرة..

الله لا يضر حدا ...

الله يعطيك الصحة والعافية (^_^) ..

يمكن الحق مو ع الموظف .. هي الإدارات والحكومات وما تصنع يداها (^_^)

وبالنتيجة ..

رب يُعبد .. سبحااااانووووووو

الله يسعدك يا وردة...

بيعين الله يا زوزو...

اول ما شفت الورقة اليوم شهدت ،، قرآت السؤال الاول قلت لحالي ال a مش ضرورية
قرآت الثاني قلنا ال ب+ الها ناسها وبلاش احنا مش قدهم !
عالسؤال الثالث قلت عادي وتروح ال ب ومشتقاتها شو عليه ،،
عالسؤال اللي بعدو كنت مكملة القرآن كلو ،،
والمهم شو بدنا بكثر الحكي ،، طلعت من الامتحان وانا اقول يارب (د)
يا رب دتخرج
يا رب نجحني ^^

ههههه .. a+ ولا زيرو+ ... ما بــ تفرق .. كلوووو عند العرب يانسون ههههههه


بــ التوفيق forever

(^_^)