لولولولو ليشش


مبروك يا عبدالله الله يجعلها قدم خير عليك يارب

الف مبروووووووووك لرفيق السلاح، وبالرفاه والبنين.

أول ما نبدا ونقول.. بالصلاة ع محمد..



محمد يا نبينا بالله تتشفع بينا....



ـــــــــــــــــــــــــــــــــــــــــــــــــــــــــــــــــ



ألف ألف ألف مبارك لأخي عبد الله العجالين وعقبال الفرحه الكبيرة يا رب....

الف مبروك



والله يهنيك ويسعدك وعقبال العزابية في المنتدى

ريتو الف مبروووووووووووووووووك



عقبال الفرحه الكبرى وبالرفاه والبنين يا أخ عبدالله



تحياتي

صخر الله يسعدك انا وانت معازيب



اخوي شمر ثوبك وروح جيب كنافه



الاطفال الله يسعدك لا يطلعو في باص النسوان





انا خليني اصب القهوه للضيوف

ألف ألف ألف مبروك للأخ عبدالله وعقبال بقية الشباب .

00 بارك الله لكما وبارك عليكما وجمع بينكما بخير ))

ربنا يجعلها فاتحة بركة وخير وتأسيس أسرة صالحة ومصلحة ...



أنا متبرع بدورة خاصة للمشرف العام في فنون القتال والمواجهة وفنون التملص



وأنصحه بقراءة كتبي التالية .



1 - القشعريرة والرطوبة في مواجهة المخطوبة .



2- نتف ريش الدجاج في تفادي الازعاج والاحراج .



3 - العرقوب في صلاحيات المخطوب .



4 - الطوبة في فن تشيتيت اخوان المخطوبة .



5 - الحطاب في عروض تلفونات الخطّاب .(( تحت الطباعة ))



6 - العجايب في فنون اطالة البقاء عند النسايب .



ههههههههههههههههههههههههههههههههههههه

ألف مبروك تحلق فوق هامات العريس ** والعبارات تنمق بعقود من ورود

كل قلبٍ صار يخفق بدعاءٍ في السجود ** رب بارك ووفق واجعل الآتي سعود



*طيـرالفـرح غنـا

وبـديـارنـا عـلا

وبفرحك يـا(عبدالله)عسـاك تتهنـا

مبـروك ,,,,,,,,,,,,,,,,,,,,



وألف ألف مبرووووووووووووووووووك

*************************

،،،،،،،،،،،،،،،،،،،،،،،،،،،،،،،،،،،،،،،،،،/

ــــــــــــــــــــــــــــــــــــــــــــــــــــــــ



يا أشرف الك هاي الكلمه ,,,,,

*******************

لكل حلم نهاية ..

ولكن لي حلم سعيد (لم ينتهي)

لازلت احلم بنهايته..

وان تكون مثل ما

اتمنااااااااااااها



امنياتي لك بالسعاده والأستقرار,,,,

الله يسعدك
مامون

الله يبارك الك نيابه عن عبدالله

ويسعدك ربي وعقبال عندك ما نفرح الك

وينو ابو بركات مو شايفه

بدي انقطك بس البي بال مو شغاله ههههههه

1000 مبروك يا عبدالله

و هاذا عبدالله شطبناه من دفتر العزوبية

و هذا أبو عبد الرحمن سجلناه في الأحوال المدنية







لووووووووووووووووووووووولوووليش



وين يا ابو عبدالرحمن ... خلص شطبناك .... و الفال للعزابية .... صدق يا زلمة فرحتني ....



الله يبعتلك الهنا يا رب و اتشوف على وجهها الخيررررر و جيزة الدهر يا أبو العبد







عقبال أشرف ... شو هالأغاني ... بعقدوا كتير حلوين .... عقبالك ... بس تخطب أنت...

أنا بعملك عندي زفة بالمنتدى ههههههههههي



لسه باقي سواليف ....



بس نكتفي بالمباركات هلأ...



تحياتي الحارة لكليكمااااااااااااااااااااااااااااا



قوت القلوب

مبارك انجنيرو عبدالله



ألف مبارك



تتهنى ^_^



احلى خبر سمعته اليوم ^_^

و أكيد كل الشكر ل انجنيرو اشرف على الزفة الرائعة (عجبتني ^_^)



عقبالك انجنيرو و عقبال كل مين بده ^_^

ألف مبروك أستاد عبد الله



انشاء الله بالتوفيق يا رب أتمنى لك كل خير وهناء وسعادة وحياة ملؤها الحب مع من اختارها فلبك



وعقبال الفرحة الكبرى



وعقبال باقي العزاب يارب والناويين أيضا



ايه ما في بسكويت ولا شربات

مبارك اخي عبدالله الخطوبة و عقبال العزابية

الف مبروك

و بالرفاه و البنين

ألف مبروووك بش مهندس عبدالله وبالرفاه والبنين...

مبرووووووووووووووووووووووووووووك يا استاذ عبدالله

الف مبروووووووووووووووووووووووووووووووووووك وبالرفاه والبنين والله فتحت نفسنا مرة ثانية يا اشرف .ههههههههههههه

الله يحيهم جميعا والنقوط معي الله يجزاكم خير

وانا معزب عند اخوي عبدالله بس نيابه عنه احب اشكر جميع المهنئين

الاخ صخر اخوي شمر على ايدك ولف الشماغ على راسك وجيب الصدور

حنان انتي ضيفه عنا الله يحيي اهل الطفيله بس رح توزعي بزر على النسوان
وكونه عرس تقليدي رح نوزع مطبقانيات

الخليليه ام سمير الله يحفظك لسمير  بس احنا نبهنا ممنوع اطفال
الله يسعد حضورك يكفينا بدون زعل

سوار العسل يشرفنا تواجدك

عمي المقناص الله يخليك لا تلغي عادة النوقوطات ولدنا الاول لاهله الله يحفظك
مامون الله يسعدك تسري على سوق الحلال وتجيب خرفان الله يسعدك مو نعاج
خلص روح الك معلاق بس تيجي بعد ما يروحو الناس


وقت المغيب وسوريا  اربطن العصابات
 لا تنسن تحلبن النعاج النضحه قربت

ايمان يهمنا حضورك لو على النت مباشره

كلام لا تنسي تجي قبل الحفله بيوم بنا نعمل خلطه البزر

ابو عايد الله يحيك يا خوي الله يسعدك لا تكتف ايديك انتبه للشراب

عبير علبه البزر والحلو معك رشيها لمى يدخل العريس


مالك شيخ من يومك
جهز حالك نفرح فيك على الثانيه يا ابو سالم مدام نفسك مفتوحه

لا حدا يزعل على المهام بس تعاون ولى لا يا جماعه

السلام عليكم ورحمة الله وبركاته



(بارك الله لكما وبارك عليكما وحمع بينكما بخير



حبيت نشارك زميل وأخ غالي علينا بمناسبة أول طريق ترك العزوبية



الخطوبةةةة



ألف مبروك الخطبة يا عبدالله (أبو العبد ) وعقبال الفرحة الكبيرة والزواج



وعقبال نفرح بتخرجك من جامعة العزوبية للأبد



وعقبالك يا أشرف والله أنك تستاهل وكثير كثير كثير حلوة الزفة وعقبالك يا أبو الشوش





وعقبال الشباب والصبايا

و انا معزبه كمان ^_^



يبشر ابو عبدالرحمن ^_^



حلو هالعرس التقليدي يا اشرف و بهجته احلى ^_*

تبشروا مني ومن أهل الطفيله ... إضافة إلى إني رح أوزع بزر ومطبقانيات..



أنا شاطره بطبخ رز المناسف (ترى طفايله ومتعودين عالعزايم).. طبخ الرز عليّ أنا وبنات الأجاويد...



ولو إحنا بطلنا ضيوف .. من عاشر القوم أربعين يوم صار منهم...



يعلم الله إني فرحانه من كل قلبي..



الله يسعدك يا أشرف على الفرحه اللي سكبتها بقلوبنا وقلب المشرف العام..



الحمد لله اللي ربي رزقني اخوان غير خواني.. أنا سعيده بوجودي بينكم...



الله يديم الموده يا رب..

يا هلا والله فيكي بين اخوانك وخواتك بالموقع يا حنان



احنا قلنا ضيفه مدام انتي معزبه وخلص ونحسبتي علينا



الله يسعدك كاسة مقطوع على الصبح جيبيها اللي .

ترى انهمكت العريس نايم ومو داري





يا شباب ويا بنات



بنا هيهات وبنا زغريد

ما حدا مغني يا عبدالله انا اغنيلك مع انه صوتي مو حلو هههههههههه

بالتاكسي الاصفر خشي حارتنا بالتاكسي الاصفر
تمشي وتتمختر امك يا عبدالله تمشي وتتمختر
بالتاكسي النيلي خشي حارتنا بالتاكسي النيلي
تمشي وتميلي امك يا عبدالله يمشي وتميلي

ماشي أخي أشرف.... أحلى كاسة مقطوع على الصبح...



طبعاً كاسة مقطوع هي كاسة شراب من المنسف للي ما بيعرفها...



أنا ما كنت عارفيتها بس سألت رئيسة قسمي عنها وعرفتها...



الأغنيه الأخيرة عجبتني...



وهي من عندي عدِّة أغاني...

ـــــــــــــــــــــــــــــــــــــــــــــــــــــــــ

شو غنت وشو قالت أم العريس



أبو غرافه مكويه فوق القميص..

____________________________



يا اللي بدُّقي دقِّي بلاطي



دقَّي للعريس دقَّة ضبَّاطي

ــــــــــــــــــــــــــــــــــــــــــــــــــــــــــــ



عالعود الأخضر .. علَّق جكيتو الزين عالعود الأخضر

ما حد يتمختر .. مثل العريس اليوم ما حد يتمختر



ــــــــــــــــــــــــــــــــــــــــــــــــــــــــــــــــــــــــــــــــــــــــــــ

ياريته الف مبرووووووووك ابو عبد الرحمن

تشوف على وجهها الخير

بس هيك راحت علي اللبسة صح اشرف بدي اياها منك مالي دخل

وعقبااااااااااااااااااااااااااااالك يراب ياأخوي اشرف

ما تنسوا تعزمونا على العرس وعدتك عبد الله البزر علي هههههههههه

اشرف الزفة حلوة كثير

صاحبة السمو



الله يسعدك لا تستعجلي على رزقك البسه حاصله عليها انشالله وهاظ وعد مني غير عبدالله يجيبها الك



بس اوقدي النار وعليكي بخبز الشراك

الف مبروك للشيخ عبدالله العجالين الخطوبة وان شا الله تكون فاتحة خير

والافراح مخاويتكم



ويبعد عنكم شر الحاسدين

امين يا رب العالمين





وكل الشكر للاخ العزيز اشرف الخطيب اللوانسة على جهده الملحوظ وتذكيره الدائم لاخوانه الاعضاء

وعقبال عندك وعندي

ههههههه

اخوك ابو ربيحة#

يا سلام احلى خبرية من الصبح يوم

أحد و دوام جديد يا ريته الف مبروووووووووووووووووووووك يا بش مهندس يا ابو العبد



تستاهل الف خير و عقبال الزواج المبارك يا رب تفرح و تتهنى على قد ما فرحت انا و عقبال باقي شباب و صبايا الموقع



يا شلة الموقع لازم نعمل حفلة مصغرة لعبدالله هذا مشرفنا العام نمون عليكوووو

و هيك يا اعضاء المنتدى رح نعمل حفلة عرس ل عبدالله





واتجمعن صبابا المنتدى صاحبة السمو النور و سريا ووقت المغيب و حنان و بهواك وكل صبايا المنتدى اول شي عملناه جهزنا مدرقة العرس وهي عبارة عن الثوب البدوي الاصيل الي لونه اسود وطبعا مطرز عليه بنقوش حلوة و النور جهزت العصابة مع الشماغ الاردني الي يرفع الراس قومنا بتجهيز صندوق العروس الي راح تروح فيه ملابسها



بلشوا الشباب معهم أشرف الخطيب رئيسهم يجمعوا الذابح ويجهزوا فتات الرشوف ليوم السهرات واجا يوم الثلاثاء الي قبل العرس











واتجمعوا الشباب وبلشت الدبكة بكل مكان وصوت الطخ من كلاشن الغالي مدير الموقع يلعلع طبعا يا عمي شيخ ولد شيوخ و الزغاريد تتهافت بدار ابو عبدالله و بنات الموقع يهاهن لعبدالله بالخطوبة :

خوخ ومزارع يالي شجرها خوخ ومزارع يلي شجرها

عالي على الناس دار أبو عبدالله عالي على الناسي

ذهب ألماسي دقة حجاره ذهب ألماسي

علاي على الكل دار أبوعبدالله عالي على الكل

ذهب عصملي دقة حجاره ذهب عصملي

لولولولولولوووووووووووووووووووووووووووووليشششششششششششش



يا ريته الف مبروووووووووووووووووووووووووك يا اخونا ابو عبدالرحمن





اختك بنت النور ...................

نور بالنسبه اللي حكيت مع عبدالله



وجهزت الة حفله بطريقتي



جهزت حفله وانشالله رح انشرها على الموقع



والحفله رح تكون حفله شموع على البحر مع انغام دقه عود

يالله عقبالك يا اشرف شد الهمة ما ضل قربت للثلاثين



بدنا نفرح فيك انت نقي و بنات المنتدى يطلعن ينقدن العروس والله غير على الليبرة نختارها



انتو خوانا اكيد رح نفرح الكم كلكم و الا شو رايك ؟؟؟

هلا ابو ربيحه



الله يبارك فيك



اسمع في ناس سامعي اكيد لا دعوتك الاخيره عاجبيتني كثر منها

مبرووك للأخ عبدالله العجالين

بدها ألعاب نارية الشغلة

ولا لأ يا صخر

تصحيح معلومه... بس وصلت عالبيت سألت أمي شو هو المقطوع؟؟..



حكتلي إنو لبن جامد بنحطو من الخريطه ومرات بيكون رخو شوي... الله يسامحها رئيسة قسمي شكلها خربطت وجاوبتني غلط



بعدين سمَّعتها الزفه اللي حاطها وقرأت الموضوع والتعليقات وهي كثير انبَسطَت عالشغله..



أشكرك أخ أشرف

حنان



عقبال ما تفرح فيك امك



بس خلتيها تهاهي



او تحكينا اغنيه بالاعراس

الله يسعدك أخي أشرف.. بوجودك يا رب وعقبال عندك

امهندس عبد الله



مبروك مبروك مبروك والف مبروك



كنا مشتاقين لمعايشة هدا اليوم



وكلنا فرحه من الخليج الى المحيط تحت خيمة بنى حميده ملتقى الاحباب



اوندعيلك من كل قلوبنا الله يسعدك بعروسك وعقبال الاقتران الابدى



لتكوين اسرة سعيده وهجر العزوبيه الى الابد



مبروك الك والى العروسه



انت عزيز بش مهندس ومعزتك لكل اخوانك



يارب هنيهم ببعض وعقبالنا نحن فى نفس الطريق انشاء الله



يجمعنا وكل الزملاء بمن نحب



مبروك الف مره مع



اخوك محمد مسعود من ليبيا

أيش يا أنجنيرو أشرف هيك أنا طلعت بلوشي وأنا حاسب حالي ابن عمه للعريس وأنه أنا اللي معزب والباقين ضيوف بس يالله أجت منكم ما أجت مني



يا تلاقي شغلة بالعرس وإلا.....................زز

هلا اشرف حبيبي ما نسيتك ليل العرس



بعثنا مامون يجيب الذبايح



الذبح والصلاخة عليك



وكمان الطبخ

والله ليلتك ليلة يا أشرف

مبارك يا عبدالله وشكرا على هالزفة يا اشرف عقبال عندك

مبارك الخطوية يا استاذ عبدالله



ما شاء الله الاعضاء كفوا وفوا



انا علي مسكة العروس

اويها عبدالله و جوزناه



اويها وبالحلو رشيناه



اويها اشرف يا نواره



دورك قرب شوفلك من بنات الحاره



اويها رز بحليب

اويها كل ما برد يطيب

اويها قالوا عبدالله ما يخطب

اويها وخطب وصار النصيب



لولولولويشششششششششششش



مبرووووووووووووووك المشرف العام عبدالله



شكرا الى اشرف الخطيب على الزفه الحلوة

صالح الواليدات حبيبي انت بدياك على المغاسل حامل المناشف الله يسعدك

جفارا الحميدي تهنئتك حب للمشرف العام

بتول الله يبارك فيكي بالنيابه عن اخونا عبدالله
كلنا الاردن بوجودك تحلى السهرة


اخوانا المباركين والمهنئين اعتذر شديد الاعتذار عن الاخ عبدالله بسبب انشغاله في التجهيزات ..
بنا ما حد يعتب ....


اللي مو خاطب او خاطبه الله يا رب نفرح فيه عن قريب
والمجوز الشرع حلل اربعه بس نسوانكم لا يسمعوني انا ما اللي دخل

طبعاً الأخ عبدالله عاذرينو...



شو يا أشرف بتقوي الزلام عنسوانهم لويش؟؟... هاه...



قال يسوي السوايا ويزرق بالزوايا... قال نسوانكو لا يسمعوني أنا ما إلي دخل...

انا اليوم حابة اخبركم عن عادات الخلايلة في الافراح بما انه في فرق

اولا... ممنوع العرسان يشوفوا بعض قبل العرس باسبوعين

تانيا...الحفلات بتبدا قبل العرس بسبع ليال عند اهل العريس

تالتا....حفلة الشباب قبل العرس بيومين مع حفلة الستات واحنا بنحكي عنه الشمع وبيكون عبارة عن اهل العروس بياخدوا معهم المعازيم وشمعدان كله شمع مع شنطة العريس وبروحوا على اهل العريس وبتبدا الحفلة وبتصير الستات ترقص بالشمع والشنطة الشنطة بيكون فيها بدلة العريس واغراض شخصية للعريس وروب الحمام مع عدة الحلاقة ولوازمها وكمان هدايا لاهل العريس الي هم امه وابوه وخواته واخوانه وعماته وخالاته وستاته التنتين ...قمصان بلايز بديات عبايات شو ما بتتخيلوا والشنطة هاي بتنفتح اخر السهره وبتوزعوا الهدايا وطبعا العروس ما بتكون موجودة بالحفلة

اما الغدا بيكون تاني يوم يعني قبل العرس بيوم بتغدى الناس وبروحوا وبرجعوا القرب بالليل لحتى يعملوا حفلة والي بدوا ينام عند اهل العريس بنام عشان تاني يوم العرس بيكون

العرس...... كالعادة بس في تنزيلة للعروس يعني وهي طالعة من بيت اهلها بتتنقط من الرجال ولما تروح على الصالة كمان بتتنقط من الرجال على اللوج هي والعريس والقرايب بضلوا لحتى يرقصوا مع العرسان

الصباحية....تجي ام العريس والعروس الساعة2الظهر بالفطور وبيفطروا وبيتجهز العروس حالها للتسبيحة الي بتكون الساعه 6المسا

بيجوا اهل العروس عمامها وخوالها وعماتها وخالاتها بيتعشوا وبكونوا جايبين هدايا غالية متل الدهب والحرامات اثاث كهربائيات الي ناقص العرسان في البيت

وبتحلوا وبعدين بتسلم العروس على اهلها وبنقطوها الرجال كمان مرة وبروحوا

المباركة....بعد العرس باسبوع او اكتر شوي يعني بس يروحوا العرسان من شهر العسل

بتغير العروس فيه بدلات وبتروح على الصالون وعدد البدلات من 7 ....14بدلة وبتكون الحفلة زي العرس بس بدون عريس

انا حاسه اني طولت عليكم بس شو بدي اعمل هيك عاداتنا ونسيت اقولكم انه فساتين خوات العريس وعماته وخالاته على العريس



وبالنسبة الي انا ولا مرة حضرت عرس اردنية وان شاء الله بحضر وبنشوف اعراسكم وبنتشرف فيها كمان الي بدوا يتجوز لازم يعزمني

شو يا خليليه؟؟... كل هاد عرس؟؟؟



14 فستان؟؟!!.... أسبوعين ما بيشوفوا بعض!!... كل ساع نقوطات وحتى بعد شهر العسل؟؟!!...



وين إحنا ووين إنتو؟؟.. غحنا ميسرين للعريس كل شي...



يا ستي... المهم تكون بنت حلال وهو يكون بيخاف الله..



عاداتكم حلوه بس مكلفه...

كل الشكر الك يا أشرف وعقبال عندك يا رب
أعضاءنا الاعزاء الله يديم الخير عليكم ويديم الفرحة ببيوتكم انشاء الله
وعقبال عند العزابية يارب.

خجلتوني بلطفكم والله ,والله يقدرني على رد هالجميل الكم

دمتم بخير
عبدالله العجالين

مبارك عبدالله و عقبال الكل



شكرا اشرف على هاللفته الحلوة و عقبالك

الله يسعدك أخي بوجودك يا رب..

اسمحو لي ان اهدي نفس الزفه للاخ مطر بمناسبه خطوبته ولو كان في اضافه كنا رح نضيف زفه خيل وجمال وهجيني لانها تناسب اخونا مطر ....دلع بدوي يا عمي

مبروك للمطر...وعقبال الدكتوراة

يا ريتو الف مليون ترليون ترليون ترليون مبروك وعقبال العزابية كلهم والله لو مش خايف انسى اسم حدا فيهم لحكيتهم بالاسم
آآآآآآآآآآآآآآآآآآآآآلـــــــــــــــــــــــــــــويـــــــــــــــــــش
انشاء الله يجوز كل واحد حاب يجوز ان كان عزابي او مطلق او مرمل والي عندو الله يزيدو