صحيحة 100% كل مشكلة تصير خاصة بالجامعة الأردنية أو جامعة مؤتة او الاسراء او الزيتونة ...الخ
طلاب الحمايدة لازم يكون الهم دور فيها
سبب المشكلة الفراغ وقلة العقاب
الحل الأمثل فصل مسبب المشكلة مش بس من الجامعة الي حدثت فيها المشكلة فصله من كل الجامعات الأردنية.

للأسف طلابنا ما يراعو ظروف الأهل الاقتصادية الصعبة او الاجتماعية والمشكلات الي يواجهوها لما يروحو يترجو فلان وعلان عشان تواسطولهم والله عيب وياريت الأسباب تستاهل

لكن يا اختي هذا الحل يعتبر مؤقت وبهدم حياة انسان كان من المفروض يحصل شهادة بكالوريوس وبضيع عليه سنوات ،، انا ادعو انه الجامعة كما في الدول المتقدمة تكون بيت للطالب فلا تقتصر على الدراسة بحيث يتم استغلال اوقات الفراغ لدى الطالب بنشاطات لا منهجية في الرياضة والانشطة الفنية والثقافية والرحلات وتقوم الجامعات بدعم هذه الانشطة والتشجيع على المشاركة فيها حتى لا نرى اغلب الطلاب قاعدين تحت الشجر ويراقبوا الرايح والجاي وهذا الي بولد الفراغ عندهم.

والله انها مفارقة لانه ابناء العشائر في غير اوقات المشاجرات هم اصدقاء ، والعشائرية هي ميزة مجتمعنا الاردني ، فلا يجب اعتبرها شيء سلبي في المجتمع على العكس اذا تم توجيه الشباب في الجامعات فالعشائرية سوف تكون مركز وحدة النسيج الوطني الاردني.

مرحبا انا عضو جديد في هادا المنتدى الرائع وحابة احكي راي في الموضوع المطروح :

براي هادي المشكلة كبيرة كتير وبدها منا جهد كبير لنحاول نقضي عليها او على الاقل نخليها بالمستوى الادنى .
اما بالنسبة للحل فهو غير صحيح ابدا لانو بالطريقة هاي عم نقضي على مستقبل الطلاب مو على العنف المجتمعي والفصل براي هو عنف من الجهات المسؤولة وظلم تجاه الطلاب
اما الحل فهو توعية الطلاب وتنمية مبادئ الديمقراطية وتقبل الراي الاخر في نفوسهم .
واخيرا بحب اشكر احمد على حكيه الرائع يللي بعكس صورة الطالب الجامعي المثقف .
وشكرا

بالنسبة للنشاطات الامنهجية هي موجودة وبكثرة خاصة بالفترة الأخيرة بالجامعات في كثير نشاطات بالجامعة مو ظايل الا انهم يبوسو ايد الطالب عشان يشارك فيها
للأسف اخوي صخر الي قاعدين تحت الشجر يراقبوا الرايح والجاي شو مقعدهم بهالمكان غير التعليقات الفاضية على البنات او القعدة معهم يتبادلو احاديث الغرام ..
بالنسبة للعشائرية عمرها ما كانت السبب بهيك مشاكل لإنهم لو يهتمو لسمعة عشائرهم ويعملو بمبادئها ما كان صار مشاكل
أما العقاب لو يصير لطالب او اثنين صدقوني غير يخافوا باقي الطلاب على مستقبلهم وما يحاولو يثيروا المشاكل والي اقصد انهم ينفصلو هم الطلاب الي الهم اكثر من 7 سنين بالجامعات بس شغلهم الشاغل عمل المشاكل وتحويل تخصصات مش قلة عقل منهم ولكن اهمال وهمالة
وبالآخر الطالب الي شارك بالبرنامج احمد بن طريف هو حالياً مهدد بالفصل بسبب الأحداث الأخيرة ولسى مشكلته ما انتهت وفي كثير مثله

مو هم صارلهم بفصلوا الطلاب من اول ما طلعت المشاكل هذي ، شو تغير على الوضع.
والنشاطات اللامنهجية مافي عليها تشجيع وبدها دعم كنا نشوف بالجامعات المرافق صغيرة وغير مفعلة.
بس بصراحة في خلل بالتربية برضه عننا فورة الدم والفزعة.

ليش احنا بالذات دائما لنا الحظ الاوفر بهذه الامور التي ان دلت تدل على التخلف............ انا لا اقصد شبابنا بس والله اشي يقهر............. نفسي اسمع ندوات لكاتب منا او مشاركات علميه ....... دائما شبابنا اهل نخوه وانا والله لا انكر ولكن في امور ما بدنا هالنخوه فيها .......... والله انا احد الطلاب الي كنت التز على المشاركة في
مثل هذه الامور مو يا ويلك على جميع الاطراف ...........
والمشكلة الاكبر اذا واجهت واحد اعز عليك من اخوك بالله عليكم كيف الموقف......... والله اني درست اخو الي في جامعة الزيتونه بتكاليف باهضه وكلكم تعرفوا رسوم الخاصة مع انه طلعلو في مؤته بس والله مشان المشاكل والبعدعنها......... حسبي الله ونعم الوكيل

طلاب فاضيين اشغال ولو انني من المحكمين لافصلهم كلهم لانو صرح علمي معد لاعداد اجيال قادره على مواكبه التطورات والانتفتاح على المجتمعات وخدمه الوطن في المستقبل فالفراغ يولد احداث المشاكل والعشائريه الضيقه كذلك

عمر الفصل ما كان هو الحل الامثل.
انا برأيي (عدم المؤاخذة) في نقص بالتربية البيتية
اذا ابوك اندان ورهن الراتب على شان تجيب شهادة بكالوريوس(هههه)وباع النعاج اللي هن دخله الرئيسي
وللأسف بدل ما تجيب شهادة ترفع راس ابوك وتأمن مستقبلك ومستقبل اهلك بتجيب (ما شاء الله)الوجع لراس ابوك (المشاكل )
والله يا اخواني الاعزاء سمعت مثل من رحمة جدي بقول:(بعيد عنكم) الكلب الهامل بجيب لبوه المسبة
اين الشباب المتفهم الواعي .................
والله انني اتألم على واقعنا المأساوي وانا اسمع كل مشكلة بيها طرف حميدي ليش ؟؟؟؟؟؟؟؟؟؟
يا اخوان الظروف اللتي نعيشها صعبة بل سيئة
اذا شبابنا لم ينتبهوا الى الامور على واقعها هاي اكبر مشكلة
شكرا لكم على حسن استماعكم

خبر يتعلق بالاحداث الاخيرة في الجامعة الاردنية

http://www.ammonnews.net/article.aspx?articleNo=77595

انا بدي اسال سؤال لي دايما بتحملوا شباب بني حميدة الخطا دايما؟ انا بطلب منكم تعرفوا شو صار بالضبط بعدين اصدروا احكامكم وبشوف انو شباب بني حميدة بالشي اللي عملوا اخدوا حقهم وحفظو كرامتهم صحيح كان الاسلوب خطأ بس كانوا مضطرين وانا بحكي هالحكي لاني بالجامعة الاردنية وما بدي تفكروا اني متحيزة لبني حميدة لاني بالاساس انا مو حميدية بس لازم الحق ينحكى
اما بالنسبة للنشاطات لامنهجية هي موجودة ونحنا ما حكينا شي بس ما في عليها اي تشجيع يعني يا دوب يكتبوا الاعلان ويعلقوا على شجرة بالجامعة وغير هيك مابنسمع اي شي عنها

احنا بنحكي آرائنا غيرة على شبابنا الي هم اخوانا اولاد عمنا وقرايبنا وانفتح الموضوع محاولة لإيجاد حلول جذرية مش للدفاع عن الأخطاء الي ترتكب
بعدين شو بدو الطالب الجامعي أكثر من الإعلانات وندوات ومحاضرات عن النشاطات اللامنهجية الطالب المهتم بهاي النشاطات أكيد رح يوصللها حتى لو عن طريق اعلان صغير
ليش مثلاً الطالب الي عنده موهبة في الرياضة او الفنون المختلفة ما يراجع عمادة شؤون الطلبة ويشوف اخر النشاطات ... بس احنا عنا الطالب مابدو يتعب بدو كل شي على الجاهز

نحنا ما عم ندافع عن الخطا لاني حكيت انوا اسلوبهم خطا ونحنا كلنا بنتمنى التوصل لحلول جذرية تخلصنا من ظاهرة للاسف شبابنا عم بضيع بسببها .
وتكون الحلول حلول بشكل صحيح مو حلول تخلصنا من مشكلة وتوقعنا بمشكلة اكبر

مشكلتنا انو العنصرية بدمنا يعني
بتلاقي اردني متعنصر او فلسطيني متعنصر بتصفي مشكلة " اردني وفلسطيني او فيصلي ووحداتي "

او حميدي وسلطي بتصفي مشكلة " حميدي وسلطي "
او سلطي وكركي واحيانا بكونو اصحاب بالجامعة وبمشو مع بعض بس في حقد داخلي من الطرفين ولا واحد بطيق الثاني

او مشكلة بنات وهاي قرابتي وهاي بنت جيرانا وهاي باللغة العامية " حصتي " وعلى اشي فارط

ما بتوقع انو المشاكل هاي رح تنتهي بس اذا اندرست مزبوط وعولجت ستخف هاي المشاكل

السلام عليكم ورحمة الله وبركاته
اولا اريد ان اشكر القائمين على هذا الموقع لطرحهم قضايا تخص ابناء القبيله..
بصفتي احد موظفين جامعة مؤته وابن لهذه القبيله الرائعه احب ان اتحدث بان شبابنا عليهم المسؤليه ولكن ليس كل المسؤليه الدوله عليها الجزء الاكبر والجامعات تتحمل ايضا جزء و المجتمع يتحمل جزء بالنسبه للدوله فهي مقصره بحق قبيلة بني حميده بكل النواحي الشبابيه لو ناتي الى لواء بني حميده في الكرك لايوجد به اي مقومات لنهوض بشباب الاردني اولا لايوجد ملاعب ثانيا لا يوجد متنزهات فلا يجد الشب الا شيء واحد وهو الخروج لتمشي في شوارع اللواء فأين ستذهب طاقات الشباب والى اين ستتوجه ...؟؟؟؟؟
الجامعات وهي تتحمل ايضا جزء الاكبر فهي لا تروج لنشاطاتها بشكل موسع فطالب يكاد لا يعرف انه وجوده بالجامعه لتطوير ذاته وانما يقتصر فكره الى الجلوس في الجامعه اربع سنوات يخرج بشهاده جامعيه ومعرفة عشرات الفتيات والعكس فاين التوعيه من ناحية هذا الموضوع واين يمكن توجيه طاقات شبابيه من اللهو والجلوس في الطرقات والتشاجر مع من حوله ليقول ها انا
اما المجتمع المحلي فلا زال غير مدرك بالغذاء الروحي ولا في الثقافات المدنيه وما زلنا نحتكم لافكار مات اصحابها ولم يتبقى منها الى هيكل خارجي ينفذ بحذافيره دون الجدوى من مدخلاته وخرجاته فالحل لهذه المشكله مسؤولية الجميع وان لا نظلم ابنائنا والعيب فينا فهذا ما فعلت ايدينا ممن تهميش لهم ولافكارهم ولشخصياتهم ولوضعهم الطبيعي

ما في مشكلة بتصير بالجامعات الا بكون لشباب بني حميدة دخل فيها ...........ليش ما بنعرف مع انهم شباب متعلمين وفهمنين واعين..........لازم نترك كل النزعات للجاهلين مو لشبابنا المتعلم

في قرار اصدرته الجامعة الاردنية تم اصدار عقوبات بحق الطلاب المتسببين بالمشكلة الاخيرة تراوحت بين الفصل النهائي وفصل مؤقت وغرامات مالية.

في هذا المجال لا احد يستطيع ان يصدق اننا ليس لنا يد في هذه المشاكل ليس كلها اعلم اننا مشكلجيين لكن ليس كل بلاوي الدنيا من تحت راسنا

خبر: «الأردنية» تخفض عقوبات طلبة شاركوا باعمال شغب
http://www.sarayanews.com/object-article/view/id/55561/title

له قول وغير والله المشكلجي لازم يوخذ عقابه

في تقرير اللجنة أن الطلاب الذين أثاروا المشكلة مرضى نفسيون .

كتبت منذ سنوات عن هذه الظاهرة واليوم يتبين ان العنف الذي صدر من طلاب بني حميدة كان الارهاصة الاولى على فساد مجتمعنا وان ما قاموا به ما هو الا تعبير عن الضجر من هذا الفساد خصوصا انهم اول من اكتوى بنار هذا الفساد وكان يشعر به عقال بني حميدة ويطرحونه في مجالسهم البعيدة عن (الطبيلة) ولا احد يسمع لهم وكنا نقول ما يقوم به الطلبة هي ردة فعل على واقعهم اذا قارنوا انفسهم بغيرهم من ابناء الاردن على مر الحقب ولكن كان الرد والممارسة فيه مسار خاطئ لان الظروف يومها لا تسمح بان نقول جمل عبود اجرب وكل من ينتقد ولو لصالح الوطن والملك يعتبر غير وطني فالطلاب كانوا يعكسون الألم بطريقة غير واضحة خائفة فتكون البنت هي الطريق لبدء الهجوم والتنفيس عن النفس ضد القهر المادي الذي يعيشونه والتهميش السياسي لذويهم وكثيرا ما شكى الاباء امام الابناء _ وهناك طلاب يعرفون الطريق الصحيح ولكنهم لا يستطيعوا التعبير فيطيب لهم ما يصنع الاخرون فالظلم مؤذن بخراب العمران قاعدة قالها ابن خلدون وان كنا نريد الاصلاح الا ان الامور تفلت من يد العقلاء اذا جن مقابلك واستبد برأيه ولم يرى من الدنيا الا حسابات البنوك وانظروا معي الى الفئات التي يتصادم معها طلابنا انهم يتصادمون مع الذين يرون انفسهم هم الاردن ويبلعون خيراته مع زمرة الفاسدين ويحتلون مناصبه وينسون ان بني حميدة اصل لا غبار عليه في الاردن وان كانوا اهل طيبة يسعون لغيرهم ويصبرون كثيرا هذا طبعهم لكن بالنهاية لا نصل الى الصبر الذي يلقي الى القبر . ارجو ان لا تكثروا اللوم لطلابنا ولوموا انفسكم

سيد موسى حيلك علينا مش كل اصابعك واحد بعدين في طلاب دخلوا الجامعة عشان الدراسة وازا في وقت فراغ فهو عشان موقع بني حميدة



كيفني معك؟؟؟؟؟؟؟؟؟؟

والله العنف الجامعي صار موضه وغلبه بسبب البنات
وبعد اذنكو يالحمايده لما تجتمعو بتقلبو الدنيا ولما عقلكو بقفل بقفل صح وما بتشوفو شي