التسجيل
استرجاع كلمة السر
الموقع
آخر تعليق
دخلته في وقت كنت مرهقة فيه لدرجة عدم قدرتي على الكتابة للتسجيل وطبعا عرفته بالصدفه بعد ما كتبت اسم عائلتي... تصفحته بعرف اغلب عائلات الاعضاء الموجودين فيه وفي عدد كبير من الاعضاء بعرفهم ....حبيت الموضوع سجلت وكل يوم بفتح عليه بقرا كل شي فيه ... بحب فكرة الاسماء المستعاره وقدرتها على اعطا ئي مساحة حرية طبعا مسؤولة ... اضفت مشاركة سبق وقراتها حسيتها ريحتني كان هدفي انها تريح الاعضاء كتبولي ردود حبيتها.... كنت بحب اشوف الصورة اللي حاططها عبدالله لاله لانها كانت بتضحكني كثير وكنت بحس انها معبرة عن شخصيته ...كل يوم بتعرف على ناس في المنتدى وبكون سعيده جدا وكل يوم تطلعلي قصة في المنتدى او موضوع باخذه معي للبيت وبظل بفكر فيه ... تعرفت على علي وعبدالله واحمد رواحنه وكنت سعيده كثير بهاي المعرفة وتعرفت علي مثقف وعبدالله طيب واحمد دمه خفيف وتعرفت على صخر كنت مبسوطة بالشي اللي عامله لاني بعرف كثير شباب درسوا حاسوب بس ما بعرف انه واحد منهم جرب يعمل هيك موقع ... بحب هيك افكار وبحب ادعمها لحتى تصيب الغير بالعدوى وبتصير تكرر....بس انا ما عندي شي ممكن يضيف للموقع شي مميز بس عندي ايماني فيه وانه بيعطينا مساحه حره نحكي بكثير اشياء تخصنا .... حكيت مع ناس كثير صغار وكبار متعلمين وغير وكل واحد استفدت منه شي ... حبيت الهروط ونور وحبيت خفة دمهم والجو اللي بيعملوه خصوصا عالاهداءات ... كنت سعيدة بمعرفتي بالاردنية واكتشفت اني بحبها بعد ما قررت تترك المنتدى ولاني قبل ما فكرت بالموضوع يعني اذا بحبها او لا وانبسطت اكثر لما حكتلي اسمها بدون ما اطلب منها ..... مشتاق كثير قلبه طيب وبيحب يشارك بالمنتدى ويضيف مواضيع حبيت اصراره انه بيكون لاله اثر في الموقع وبالفعل فترة وجوده في المنتدى قصيرة بس مميزة بالمشاركات والردود حبيت تواصله مع الموقع لانه حسب ما حكالي مو قريب على موقع تجمع الحمايدة وهذا شي خلاني احس بالحميمية بينه وبين الموقع واللي بيعنيله اهله وقرايبه اللي مو ساكن معهم فعليا... بتواصل معه دائما وهو بيعمل نفس الشي لدرجة اخباري بشي خاص فيه وليس من السهل البوح بهذه الاشياء ....بحب امبراطورة ومواضيعها بحب اللهجة اللي بتحكي فيها مع انها مو لهجة حميدية بحب مواضيعها اللي بتضيفها دايما وبحب تواصلها معي وعرضها للمساعدة لاي شيء .... القناص سعيدة جدا انني تعرفت عليه بحب طريقته بالنظر للامور اعرف جزء من الواقع الذي يعيشه احيانا احسده عليه واحيانا افكر بعمق به ... بينادلي اختي وبيحكيلي يا اخت لالي لم تلدها امي ...شو اللي بيخليه يحكي هيك ...بحب احكي معه ... بسيط جدا وشخصيته حلوه....... المشاكس عاهد ... صغير بس بحب احكي معه وبحب اقرا تعليقاته على المواضيع لانها بتجنن دعيتله كثير يوم امتحانه اكثر ما دعيت لنفسي والحمدلله نجح ...مشكلجي بيعمل مشاكل بالحياة بس بالمنتدى اكتفى انه بيكون مشاكس ... بحبه كثير ... وبتمنى من الله بيظل هيك وما بيتغير او بيقلد غيره ... تعرفت على حسين وانا جدا سعيده بهاي المعرفه... كثير رايق وبيختار مشاركاته بدقة وكمان بحب اتابع الردود الخاصه فيه اسلوبه كثير حلو ... اما مهيب طالب صغير بيدرس طب في مصر بعيد عن اهله ولايمكن بيكون موجود وانا ما بسلم عليه واحكي معه.... كان بيحكيلي عندي امتحان وكنت بتمنى هيك يطلع من الامتحان مبسوط لانه ما رح يكون ناقصه حزن هناك ... ماتركس تعرفت عليه متاخر شخص عملي كثير هيك حسيته بس حزين دمه خفيف بيشبه نور والهروط بحب التخصص اللي بيدرسه واذا درست في الجامعة ان شالله رح ادرسه وجوده كثير حلو في المنتدى .... الخضور شخص من الرائع انه بيكون معنا ولو انه احيانا بيطلع على الموقع بدون تسجيل دخول مثل ما حكالي بحب وجوده معنا ... ردروز بحب مشاركاتها وكيفية اختيارها وردودها عالمواضيع بعيدا عن كونها اختي وبعيدا عن الانحياز الطبيعي لها .... وحكيت مع جمال ومالك واخيرا قرات مشاركاته كنت بتمنى اقرا لاله شي من زمان ... حكيت مع اشخاص كثر بالموقع وتعرفت عليهم ... بس هاي الاسماء ما بعرف لازم اوقف عندها كثير.... بس في شخص حسيت حالي بعرفه من زمان او حسيته كثير بيشبهني حكيت معه كثير وتناقشنا بامور مختلفة واختلفنا بالكثير منها وكنت بحكيله ديكتاتور وبيحكيلي انا مو ديكتاتورر بس هو طيب عالاخر ومتحمل مسؤولية كبيرة وبيفكر كثير ....بس بالنهاية هو مبادر اجت عنده فكرة فنفذها وماشي فيها بحب كثير اني اساعده بس باللي بقدر عليه بتمناله كل خيروكمان سعيدة اني تعرفت عليه. كثير بحب المنتدى وكثير ماخذه على اجوائه وصعب اني اقدر اتخلى عنه بس للضرورة احكام . |
اقرأ ايضا |
 أضف تعليق |
|
|
|
|
 التعليقات7 تعليق | |
 المشرف_العام |
(1) 2008/03/16 3:07 م
|
 مهيب |
(2) 2008/03/16 3:19 م
|
 ordoniyah |
(3) 2008/03/16 4:46 م
|
 مشتاق |
(4) 2008/03/16 6:20 م
|
 مدير_الموقع |
(5) 2008/03/16 9:12 م
|
 كلاشينكوف |
(6) 2008/03/22 5:44 م
|
 redrose |
(7) 2008/04/07 10:24 ص
|
 عودة الى الموضوع | |