التسجيل
استرجاع كلمة السر
حمد الفحل ورده على عوده ابو تايه
آخر تعليق
| معركة ابو عمود بين الشرارات والحويطات و انتصرت فيها الحويطات على الشرارات حمد الفحل الشراري كان نازل على موسى بن هواش وقتها ولم يعلم عن معركة ابو عمود الا بعد انتشار خبرها على الناس ووصول خبرها اليه الشاهد ان ناقة لحمد الفحل تجاوزت حتى وصلت طرش الحويطات فأمسكو بها وساقوها مع ابل عوده ابو تايه فقام حمد الفحل بإرسال قصيره الذي هو بجواره موسى بن هواش من بني حميدة الى الحويطات للبحث عن ناقته كون بني حميده والحويطات صاحب والشرارات والحويطات قوم خصوصــًا بعد ابو عمود فلما ذهب وجدها فطلبها وادعى انها له فقال له عوده ابو تايه هذي ماهي لك ياموسى هذي لقصيرك الي عندك حمد الفحل وحنا وياهم قوم والمنع بينا مرفوع فقال عوده ابو تايه نتقابل الصباح ياموسى واذا لك حق تاخذه فقام من مجلسه للنوم فسأل موسى الجمع الذي في مجلس عوده ابو تايه فأخبره الجميع بأنه مفلوج وان ليس له حق وان لايتعب نفسه ابدًا. فلما كان الصباح حضر عوده ابو تايه فقال هاه ياموسى مازلت مصر بإن لك حق عندنا ؟ فقال موسى لا يا عوده فقال اذًا احمل معك هالبيتين لقصيرك الي عندك حمد الفحل. هذي ابيات عوده ابو تايه والتي ارسلها مع موسى هواش من بني حميدة ياراكبــًا من عندنا فوق ثنتين = يم الفحل مطخياتــًا شمامي لا يالفحل يلي منزلك بين طورين = وربعك عليهم ارقط الريش حامي وكان رد حمد الفحل في ذلك الوقت على بيتين عودة بحضور شيوخ بني حميدة في بيت حمد بن حاتم بكورة بني حميدة بحضور عودة نفسه وهذا مؤكد لدى جميع أبناء البادية في ذلك العصر بعدما نزل عوده ابو تايه وجماعته على بني حميده فحضر موسى ولم يحضر حمد الفحل فسأل عوده ابو تايه موسى عن حمد الفحل هل مازال في ديار بني حميده قصيرًا له قال نعم . قال عوده ابو تايه ارسله خله يجي يعللنا فأرسل موسى بطلب حمد الفحل فلما ذهب المرسال لحمد قال حمد الفحل قل ماهو بجاي وماله غرض بشوفتك يابو تايه لا انت ولا الحويطات فلما اقفى المرسال فز حمد الفحل وقال اصبر لو الله الحاجة لي ماهي له فأخذ نعله فسار مع المرسال حتى وصل فدخل فسلم على الجميع قال عوده ابو تايه تعال جاي ياحمد قال اجلس مكاني لا هرجت انت اسمعك ولا هرجت انا اعديك اياه. قال عوده ابو تايه اسمعك قال والله ياعوده لو انها بالحويطات صفوه ماتاطا الديره الي فيها ربعي لكن تجيهم بالعوق والبوق وتجمعها من بني وبني يقصد القبائل التي جمعها عوده ابو تايه. وانت يوم ارسلتلي ارسلتلي تقول ياراكبن من عندنا فوق ثنتين ومايركب الثنتين كود الطرقي لكن انا شديت لك وحده ماحد ًا ركبها فقال هاها بمعنى اسمعك : يقول حمد الفحل الشراري ياراكب اللي حفلت بالغوى الزين = ومن ساس هجن(ن) محصنات(ن) همامي بنت الوضيحا بنـّـكوها المشقين = ترثة صعيدي ماعليها تهامي لون القطاه وان طالعت نادر العين = لاخف ريشه فز قلبه وزامي تلفي لبوتايه زبون المجنين = وتجي بيوت مسيحين الايدامي ريف الهجافا والضعوف المساكين = وريف الهبوش الي تدور الطعامي والكل منهم قاسي(ن) مابه اللين = للضيف حلوين النبا والمقامي مير سلم على عودة شبيه ابو حدين = بالودة(ن) مابي حديدة لحامي وقل والله كانك مسلم(ن) تقبل الدين = وحياة من زاروه سبع الامامي ان هاذي منازلنا وحنا صديقين = من قبل حربك يابوتايه بعامي وابوك نزل غربينا بين شطبين = والقيض والمرباع مابه ملامي مير أستادب ياعوده ترى الناس وزنين = والحق عند الله وعدل المقامي وليا طغت نفسك تعوذ من الشين = اللي رمى ربعي تراه الك رامي وهاذي مرام عيالنا قبل مبطين = واللي منا ومنكم غدى للرحامي وعلى اللي غدى مانوي اقول ياسين = لاصارمايعزل سمين الصنامي وبالعايله ذبحوا عيال الشعالين = والفايز اللي جمعهم ما يرامي مير عقب الطغى صرتوا رجال(ن) لغيـّـين = وراع اللغا يصبح مع الخلق دامي مير نستد بالمربوع ماهوبرطلين = معك المهل ماهي تلملم ولامي جبت الحجايا والهقيش النقيين = وسربة خضير وصاكين اللثامي ولميت سبع جموع ماهم قليلين = وردوا على ربعي وربعي مظامي ربعي سطام الحرب عند البعارين = الى اختلط عج الرمك للكتامي وخمس الطعش من غاليات المثامين = من جال ربعي لون قشع الخيامي ودغمان هو والعبد عينتهم وين = غزيت رجمه بي مدحى النعامي وصبيح طاح وراح بين القبيلين =وفارق عشيره عقب لذ المنامي وهدّا عليه الطير مرخي الجناحين= وفارق فراق ابوك عقب الليامي وذبح الثلاثه والثمان المسمين = وابو فتنه اللي وراكم يحامي وقول الفحل مهو كذوب ولا شين = منزل مشاتيهن عليكم حرامي ميراليوم لوهبت عليكم شميطين = تريدون مشتان(ن) عن الصقع حامي واسناد حومل والدحل والجداعين = وبابواغضى تلقون عالي وطامي ياشيب عينك كان هبت من العين = تكب ثلج(ن) من سحاباً ردامي واستغفر الله عقب شوط وشوطين = يلعب على روس الرجاجيل وامي مير تزبن حسما لايجوك الفراعين = ياكلن من شوك الوعر والعدامي وادعوا منا زلكم وعر غربي العين = ولا تسهل المظهور مع درب شامي ليما يفيضون الطوقه العزيزين = وبضفهم سحي الذريحي ونامي مير الحمد لله ماربعوي قليلين = وبالكثريشدون الجراد التهامي وكم راس شيخ(ن) قوطروا بيه ضارين = ولهم بحالك تحت جرف هدامي ماشفت الأحيوات هم والترابين = بالجفر روؤس شيوخ لون القرامي وجازي هو ويا ابوه عندك وفاء دين = نسل من ايدين الشيوخ العضامي لوربعك كثار(ن) وربعي شويين = يهجون عن ربعي هجيج النعامي مير لابدلك من عركة(ن) عقب يومين = يبعد بيها ناقلات العلامي ولابد ماتعرض لطلابة الدين = ويهفي بهاختم الرجح بالاسامي يجنك شعل(ن) كنهن الشياهين = يعجلن رد ايدك لكف الحزامي ولو معك تسع اطلاق بروح ياشين = عداك ضرب السيف عنهن شمامي والله لو لحقوك عيال الضباعين = مايفرحن بك ذابلات الوشامي والله لولحقوك عيال الدعاجين = وعيال العزام اللي لربعك خزامي ماتنثني بظهورهن خاطرك زين = وتـُـرمى لضبع الضاحكيه طعامي ولوجاك أخو كسبه صعوط المجانين = عقب الطمع بدلت بالانهزامي وتنذر لجدك يوم تسلم جزورين = وتيـّـس لشوف اخوانكم والعمامي منقول |
اقرأ ايضا |
 أضف تعليق |
|
|
|
|
 التعليقات1 تعليق | |
 عمار_قبيلات |
(1) 2009/03/05 12:14 م
|
 عودة الى الموضوع | |