هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه شو يا حجة صايرة مؤلفة من ورانا بس والله معك حق بلي بتقوليه
بعدين شو ليكون مش عاجبك الحية الي طايحة بالصحن الله يجعلها اطيح بزورك يا رب وبعدين والله بيني وبينك وما تقولي لحدا انا صرت حذرة جدا في تنزيل المواضيع واختيارها يعني بلف الدنيا وبقرأ اكتثر من 600 موضوع وانا ادرسو من جميع النواحي وجميع الزوايا القائمة والعامودية والمنبسطة والمنعوجة وبالاخير حضرة جنابك هيك مش عاجبك الحية الي طايحة بوسط الصحن طيب انا هسا برايك شو اساوي فيكي اه اذا نزلنا موضوع سياسي يتقولو معقدين واذا نزلنا موضوع رومانسي بتقولوا حكي فاضي واذا غلطنا غلط فادح ونزلنا لغز ولا اشي بيضحك بتقولو مش وقتو وانو ما في الو لزوم واذا نزلنا موضوع للنقاش ما حدا بعجبو وبتصير وقتها المعركة الكبرى بالردود التي احيانا تكون جارحة وما الها داعي يعني الي مش عاجبو الموضوع مش ضروري يعلق تعليق بيسم البدن وبيكسر الخاطر ههههه يعني صحيح انا معظم مواضيعي ملطوشة بس والله بتعب وانا بدور عليها وبقراها
اعتذر على الاطالة
سامحونا بنحبكم
الى اللقاء

foreve ...........ياسلام على الحكي الحلو الرايق الفايق يا ستي احكي الي بدك تحكيه فضفضي اعملي كسري يلعن ابو الزعلان ........ مواضيعك حلوة وما عليها حكي بالذات الموضوع هذا ........كلامك ســـــــــكر مطلي بالعسل

تحـــــــياتي

بصراحة المشكلة مش بالحياة ولا بالعالم المحيط ولا حتى بالمواضيع المطروحه المشكله فينا احنا اللي صار بطل شي يعجبنا وخلقنا ضيق وعصبيين...يعني اللي يصير بالدنيا هذا من ربنا احكي الحمد لله على كل شيء...وبالنسبه للمواضيع هذا اللي عندنا وهذا اللي قدرنا عليه ربنا....شو نعمل برأيك؟ طنش تعش تنتعش
تقبلي مروري...

حياة كلها ملل
حياة كلها تعب
تفكير بالماضي والحاضر والمستقبل اكثر

شخصياً : صار عمري كذا وكذا وبعدني ما تزوجت يا ويلي...

اجتماعياً : كثرة المناسبات أصبحت كاهلاً على الجميع حتى الأغنياء طول نهارهم يشكوا من كثرتها فما بالكم بالفقراء

رياضياً : كل ما بنشجع فريق يخسر حتى بكأس العالم قلنا خلينا نشجع فرق قوية ايطاليا فرنسا الارجنتين البرازيل كل واحد بنشجعه يطير عالبدري حتى الفيصلي صار يخيب الامال والمنتخب الاردني صاير يجلط . حتى انها وصلت فينا نصير نشجع الفريق الاخر مشان نفوز احنا ههههههههه.

دينياً : وين ما نروح نسمع العالم كله يحارب بالدين إساءة للرسول صلى الله عليه وسلم وحرق المصاحف وشتم الصحابة حتى صار الموضوع منا وفينا العداء واخر تصريح لوزارة الاوقاف بمنع استعمال السماعات الخارجية للصلاة قال ايش قال فيها ازعاج أما الاعراس اللي ما بيتخلي الواحد يسمع اللي بجنبه هاي عادي.

واخر اشي الواحد عقولتك يروح عالنت اول ما يفتح الصحف شقيق يقتل شقيقته ، ابن يقتل شقيقته وامه ، والدة تقتل أبنائها الاثنان والطفلة الثالثة تنجوا لأن الغطاء كان سميكاً ، وأب يغتصب ابنته وأخ مع اخته ( يعني سمة بدن صح ) ومحاولات الانتحار حدث ولا حرج منها يزبط ويحجزله او لها مقعداً بجهنم ومنها ما يزبط يكون ربنا رحمه واعطاه فرصة .


وأمور كثيرة يطول الحديث عنها .

مشكورة forever خليتينا شوي نفضفض .

السيدة خاشوقة .. قطار الضحكة اخترق الاذن اليمين مروراً بالاذن الوسطى انتهاءاً
بالاذن اليسار خروجاً ..
اقتباس :
" الي مش عاجبو الموضوع مش ضروري يعلق تعليق بيسم البدن وبيكسر الخاطر ههههه "
والله انك اختصرتي علي كثير ..
ومواضيعك كلها بتجنن اختياراتك حلوة ,, مش قصدي التجريح حبيبتي ,, بس هي مجرد سواليف قلت اكت الغبرة عنها واكتبها هون والله ..
مرورك اسعدني وتعليقك رائع , كفيتي ووفيتي ..

لا تحرمينا جديدك ,, من مواضيع وتعليقات .

حمزة ,,, الله يا حمزة يجبر بخاطرك ,
موضوعي بس مجرد حكي عادي انا مو زعلانة ولا بدي اكسر ..

مرورك اسعدني , ضلك طلطل علينا بتعليقاتك الحلوة ,, ^_^

هههههه يا إمي ...
حميدية شوي شوي علي ,,
يا ستي الحمد لله على لمتنا الحلوة والحمد لله على كل شي ..

بتعرفي والله يمكن معك حق انا صايرة عصبية هاليومين وخلقي ضيق , لازم عقولة دكتور فيل اوقف بالجهة المقابلة واشوف الدنيا من الاتجاه الثاني
لاني والعلم عند الله مش شايفة غير من زاوية وحدة ,,
والظاهر اني اخترت الزاوية المظلمة ..
" هذا اللي عندنا " والله احلى شي اللي عندكم ,,

طنش تعش تنتعش ,, ههههه هيك صاحبتي اللزم بتحكيلي دايماً

اهلاً وسهلاً هديـــــل مرورك وحكيك احلى من الحلى ,, نورتي

برمضان كان حمزة يحكيلي الموقع نايم عشان الدنيا رمضان راح رمضان واجا اليعيد وراح
العيد واجت الايام العاديا ولسا الموقع نايم الموقع مش نايم بالعكس صاحي بس الزوار الي نايمين كنا نروح علي محلات كافي فيها نت علي شان ندخل علي موقع بني حميدة هاد الحكي علي ايام ما كانو الزوار فوق 30 هسا كلهم علي بعضهم ما بيجو 20 وبالاسبوع بدخلو مرة شو يعني بتثقلو علينا رح يجيكو ايام تقطعو تكت من برة علي شان تتدخلو علي الموقع خليكو ثقلانين ...........

مشكور علي الموضع forever كنت ناوي احكي هاد الحكي من زمان

تعلم الهواش بالانجليزي .. كأنو علينا قلة هواش بالعربي ...
طلقها واخلص .. عندما يتعفن الضمير ،، ههههه يطلقها ..

بقايا جروح ..
عجبني تعليقك كثير .. رياضياً ههههه حلوة والله يا عمي مفكرين حالنا رايقين
ولا قال بدنا الفريق اللي نشجعه يفوز .. ههههه

بحكيلك استنى عالانتخابات وشوف المرشح اللي رح نصوتله ان شــــــــــــاء الله رح يلحق الارجنتين والبرازيل ... ^_~

يا هلا فيك .. نورت

مهند اهلاً بك خيو كلااامك جواهر ..
وكأنك كنت عارف انو الموقع رح ياخذ استراحة يومين بتحكي :
" تثقلو علينا رح يجيكو ايام تقطعو تكت من برة علي شان تتدخلو علي الموقع خليكو ثقلانين ........... "

بالك لو طول الموقع الغيبة كمان شوي كم رح يوصل سعر التذكرة ههههه

eng . اهلاً ..

مش عارفة هو الاقتباس يعني انه الحكي عاجبك ولا لأ .. !

اذا اه هااااااي انــا اللي نزلت تعلم الهواش ..
اذا لأ ــ طلقها واخلص ــ مش اللي ..
هههه ..

فعلا انا شايف انهم ثقلانين بدون ذكر اسماء ......... بحب الكل يكون علي طبيعتة

بنسبا للتذاكر الي رح يشتري تذكرة رح يكون سعرها نفس سعر الي بدو يشتريها والكل طبعا غالي واكيد التذكرة رح تكون غاليا متل صاحبها ......