الموضوع حلو كتييييييييييير وماشالله كتابتك حلوة بس في كلمات كتيرة ما عرفت معناها بليز كمل الترجمة والله الكلمات كتير صعبين

الترجمه موجوده وانا اكثر من هيك ما بقدر افضح مصطلحات جدودنا

اليكم البقيه في مرات قادمه

حلو كتير بس مش الكل بحكي هيك من بني حميدةبفهم انك بتحكي كل هاي الكلمات ......
تقبل تعليقي بكل رحابة صدر

ههههه .... والله يا موسى جبتها من الاخر ... بس أشوفك ما مريت على دحاوة ( عش) العصافير ، ولا على مناشل المي ، وما لقطت زعتر بري، وكمان وين فخ العصافير ....... ههههه ..............
مشكووووووووور على إعادتنا للذاكره الجميله .

موسى .....
هههههههههاااي
معقول ابوي يفهم اللهجه الي بتحكي فيها...!؟

مع اني كنت حابة اتعرف اكتر على لهجتكم كونها جديدة علي بس مو مشكلة رح استنى المرات القادمة

هلا بربعي هلا والله واللي قالب سحنته يعدلها لانو احنا هون بنحكي عربي كح الله يرضى عليكو


وبعدين هذه لهجتي والله لا يوريكو لهجت جدتي الله يرحمها من كافه اللغات في العالم وبدها اكسفورد والوافي وابصر مين لترجم وراها

يلي يعرف شو معنى كلمه (وطع ) نعتبره بعرف باللغه واللي ما يعرف معناته ما يعرف بلغتنا وطع ها اعطيكو مثال زي ما تحكي لواحد وطع بالخرااااااق اكثر من هيك راح تبين احبتي


وطع ها
وسلامتكو

موسى مااااااااااا عم يحكي سنسكريتي هههههههه


بالكرك بـ نحكي ... وطا ... وبـ العربي الـ مش فصيح كثير ... يطأ .. أو يطئ في الشغلة ... يعني يدوس فيها ... شفتو انو مش سنسكريتي

وطع...تفيد الدعس يدعس وشكله موسى موطع كونه المثل الي قام بذكره جميل .......!

بعدين على اساس انها لغتك ليش كاتب العنوان (زهرة الوادي ) بدل(البِطين)...

على كل حال ما جاوبتني على سؤالي .....!

ذكرى ومامون اجابات صحيحه

وبعدين العنوان عشان اشدك لقراءه الموضوع واحصل على توقيعك واطمن عليك

تعرف ابو الوجوووووووووووووه ؟

هاتلك مصطلحات مامون

واللي يعرف مصطلحات يزودنا

عرمتلك عرمة محبة
وقلطت مواطي دبتي يم عربانكم
عابيت الشعر يا عز الرجال

دق المهباش و ادعى للضيفان

حط الخاير عا الماخوذ والحقني عا البلية

في الحقيقة هنالك عبارات اكثر من رائعة في تراثنا القديم والتي لم نزل نذكرها ونتغنى بها

اها والله انك خطير يا موسى ...جذبتنا بهالعنوان ...

ابو وجوه كنت اسمعها من الوالد كثير كنت افكره بدللني طلعت شي خطير ..............وتفيد انه شيء ما يضربك ويخلي الفيس تبعك بقفى وجهك :)....

مو صمله عليك ههههههههااي

اها والله انك خطير يا موسى ...جذبتنا بهالعنوان ...

ابو وجوه كنت اسمعها من الوالد كثير كنت افكره بدللني طلعت شي خطير ..............وتفيد انه شيء ما يضربك ويخلي الفيس تبعك بقفى وجهك :)....

مو صمله عليك ههههههههااي

هههه ... حط الخاير ع الماخوذ والحقني ع الـ شوئسمو



طيب حدا يحكيلي شو يعني ... زقيفية...

زقيفيه ........!!

والله بالعم قوقل ما لقيتها .......

يمكن زقيفيه .... معناها رقصه ... يعني من زقف .... يزقف ... أو يضرب كف بكف ....هههه

والله اذا طلع معناها مثل ما تفضلت انا بقول خلينا

نحوشي ..:)

بأنتظار ذكرى بالبت بالموضوع الحساس .....^ــــ^

هههه ... حلوة تبع يزقف يا نورس


الـ زقيفية يعني ... تخيلوا يا رعااااكم الله ... يعني طنجرة هههه ...

هلأ شو قصتها ...

قبل فترة زارتنا خالتو سارة .. اختها لـ جدة .. وحكتلي ... يا عين ابوكِ اعطيني زقيفية ... انا عند (يا عين ابوكِ) وقف عقلي هههه ... ورحت ادور زقيفية وانا مش عارفة شو هي ... المهم غبت عنها ساعتين ورجعت خاوية اليدين ... حكتلي جبتي الطنجرة يا عين ابوكِ .. فـ إنو ساعتها .. أدركت انو الـ زقيفية ... يعني طنجرة هههه

حط الخاير ع الماخوذ والحقني عالماخوذ يعني
حط اللبن على اللحم والحقني ياولد عالبت عند الزلم
تستخدم بالاعراس عند ابو العريس لما يكون كل الشغل عليه ويعطي اوامر


اما زقيفه يكمن معناها مقليعه

طيب مين يحكيلي شو هو الفغيج

موضوع جميل بس اغلب الكلام مو حميدي
اولا-اتكرفتت مو كرفتت يعني كتيت الشعيب
وثانيا مافي حميدي يحكي يلي والكلمه هاي مكرره كثير ولا الاردنيه يحكوها لأنها كلمه دخيله يلي ولألنا وعندن
ثالثا الخميعه هي خبز وحليب ما تصير بشاي ابدا
رابعا حط الخاير عالماخوذ هذي كلمه لواحد من اهل الجبل الصامد وللأن عايش وتعني حط العود عالحمار والحقني عالتلعه والفغيجه هي العوامه
وبس حاليا والشكر للمعلقين

هلا وغلا بكل المعلقين

حبيبي القناص صرت اشك انووووووو انت من زمان ما قعدت مع كبارنا وختياريتنا ولهيك مش هالقضيه

بعدين حط الخاير .......................

تقريبا نفس المعنى بس انا سمعتها من ابو صاحب لي صارت مع بالعرس

وشكرا لدعمك وهاتلك مصطلحات

صدقني يا موسى اواخر قعداتي كانت مع ابوك وعمك
وهذا حكي ابوي وابوك كونهم طلعوا من الجبل وصاحب حط الخاير عالماخوذ حكى كلمه جديده الو ودوا يحكي لف المعزه من تحت السدره وقال لف السدره من تحت المعزه ودي ألحق النصه وهرعيه بالجديده
وانا اخذت منهم كفايه وبالرغم من هيك بعدني اقعد معهم بس عمرهم ما قالوا يلي
وألك اضحك الموجودين على قصه لواحد ......من الجبل قاعد هو ومرتوا وولدوا
قطعت الكهربا عندهم بالدار وولعوا شمعه قامت الام ومن غير قصد وطت على النظارات الي للختيار وكسرتهن طل عليها سكت سكت وشاف ظل راسها كبير ويتحرك مع ضو الشمعه وقاللها غوري بهالراس وبس ومرتاااااح احبك

ههههههههههههههههههههههه

يا زلمه لا دقق على يلي

وصخر بدققلي على حتى نسيت شو الكلمه

لنا لقاء قريب انشالله

مين بحزر هالمرة شو يعني "جرزاية " بالحميدي لانو بسمعها من تيتة كتير وكلمة "مخشاغة " ؟؟؟؟؟؟؟؟؟؟؟؟؟؟

جرزايه اي بلوزه صوف ومخشاغه ملعقه كبيره

جرزاية صوف يعني كنزة صوف ... فسر الماء بـ الماء ههههههههه

شو يعني واحد خرطي ..........................؟
شو يعني قرق ........................؟ نوع من الزواحف بس مشكلته يقفز ويطلع صوت عند البرك

خرطي !!!


كائن منتشر موديله جدا جدا هاي الأيام .... وهو الـ خبيييير في فنون الكذب وأساليبه

صح احسسسسسسسسسنت اللك علامه

طيب شو الخـــايــــــر
شو الــبــــلـــــيــــــة


مثال : هات الخاير اللي بجنب البلية

حبيبي مالك افندي حط الخاير على البليه يعني
( حط الحلس على الحمار )
او الخرج

حضورك زادنا شرف اخي

موسى بهنيك ع الموهبه الجميله بس بس بس مع الترجمه ما فهمت شي بس ضحكت ما بعرف ليه ..... بانتظار مواضيعك الجميله بس بس سؤال شو دخل العنوان بالموضوع أخي

هههههههههههههههه لو نسقت الموضوع مع العنوان ما راح تدخلي وهيك لما احط عنوان بشدك لتدخلي وبكسب توقيعك على موضوعي صحححححححححح
شووووووووووق خانم

للمرة الجاي بدي اعملك دراسة بسيطة بين اهالي بني حميدة و اجيبلك مصطلحات جديدة
بلكي بتساعدك بالموضوع الجديد