كملي المثل يا اردنية( الكذب ملح الرجال وعيب على اللي ما يِصْدِق) اي بمعنى عيب عاللي يكذب

عموماً شكراً عالموضوع وانا بعترف اني كذبت عالمدام في أُمور عادية مثلا تسألني وين كنت اقول لها مريت عالحلاق وكان عنده أزمة مشان هيك تأخرت

شوفي يا ستي شو راح يصير لو قلتلها لاقيت أحمد ورحنا على بيت محمد وشربنا قهوة بجيت سالم المسكين

ليش سالم مسكين شو صايرلو ومحمد هذا اي محمد فيهم ان شاالله هذا ابو الاراجيل تبع القهاوي واحمد كمان وبعد الشرح الوافي عنهم ييجي سؤال عن القهوة اذا زاكية ولا لأ واذا زاكيه منين
يعني بتلومونا اذا نكذب
اي ننجلط اذا ما كذبنا
لا عمي بدنا نكذب هيك كذبات بيضاء مشان نخلص

أما الكذب الذي يعني الخيانة أو اخفاء اشياء تمس العلاقة الزوجية فهو بالنسبة لي حرام مثل حرمة الخمر والميسر

اما بالنسبة للنساء فمن المؤكد انها لا تكذب الا قليلا وإذا كذبت فتكون ماهرة في ذلك حسب الدراسة البريطانية

ببساطة لأن المرأة تعيد كلامها في اليوم أكثر من مرّة فلن تستطيع اعادة الكذبة كل مرّة فتكون مرغمة على الصدق ههههههههههههههه لا اقصد انه من الصعب اعادة نفس الكذبة اذا تكرر القائها

هههههههههههههههههه زوزو بدك توقعينا مع جنس آدم هههههه حلوة كثير الأغنية من وين تجيبي هالمواضيع

هذا رابط الموضوع صاحبة السمو


http://www.airssforum.com/f276/t10382.html

وصلت خيو ان شاء الله انزللك الموضوع

باينتك مشاكس مسيو Nexium

ع كلن بدي اخبرك خبرية حلوة وهي

.. انو ..

تبتلع المرأة الكذب جرعة واحدة .. إذا كان تملقاً وإطراءاً ...

وتشربها نقطة نقطة , إذا كانت حقيقة مرة

يعني عادي ضل اكذب عليها وهي بتكون مبسوطه (^_*)

ههههههههه بس استري علينا الله يستر عليكي شو بدنا نسوي بدنا نعيش على رأي المثل ارنب سعيد ولا أسد تعيس

هههههههه

لالالالالالالا انه مو مصدق انه الرجال بكذبو ... حرام ليش تفترو علينا

مشكوره اردنيه

سرك بــ بير ... بس بنات المنتدى رح يعرفو هههههه

وشدي ببنات المنتدى المهم ما يعرفوا هولاكوا بيتي

سموّك (,^^)

احسن رابط ممكن يجمع المرأة بالرجل ... هو رابط الصداقة ... جد تفكيرهم بكون غيييير .. شي راقي جداً ... بس الروابط الثانية الله لا يفرجيكي .. بيقلب عقلهم جوزتين بخرج ههه

عشان هيك سعاد الصباح وماجدة مطربة الملوك اجتمعو وقرروا يحكو بصوت واااااحد للرجل


كـــــــــــن صـــــديـــــقــــــي


(^_^)


والذات الإلهية مو مشكلجية انا

مشكوره اردنيه على هالمواضيع والمعلومات المميزة جدا...يله فتحتي عيونا على شغلات

بس برأيي حاله وحده مقبول الكذب فيها من الرجل وهيه مشاعره وكلامه الحلو...مضطر احيانا يكذب بهالحاله ولا فعلا يروح فيها

تحيااااااااااتي الك

خليه يكذب زي ما بدو.. بس ما يكذب بالمشاعر..

يعني حتى لو كذب بتكون الوحده حافظه وين راح ووين إجا لأنهم ما شاء الله كلهم متعلمين عند شيخ واحد...

أما أحكيلو إنتا بتكذب ونتزاعل عشان كذبه ؟؟!!! ^_^


بالنسبه إلنا ما بنكذب لأنّا أمامير وما عندنا متلهم.. مش هالطلعات يعني ..
لا أراجيل ولا قهاوي ولا شده ..
من البيت للدوام ومن الدوام للبيت..
البسه بتاكل عشانا يا حسرتي علينا طيوبات ^_^
وبينضحك علينا بكلمه حلوه هههههههههههه

شفت الافتراء يا ناصر هههه

خيتو حميدية ... الرجل مسموح يكذب بكل شي إلا مشاعره ... هاي اكبر جريمة ممكن يعملها بحق نفسه أولاً وبحق غيره ثانياً


حنون .. معك حق خليه يكذب لأنو حبل الكذب قصير وآخرته ع مقصلة الاعتراف هههه

بتعرفو شو حكى عبد القادر المازني !!!

.. حكى ..

كانت حواء صريحة في الجنة ، أما بعد الخروج منها فلعلها لم تكن ولن تكون صريحة


بس لأنو رجل والرجل يكذب أكثر من المرأة ... رح اعتبر هاي كذبة ههههه (^_*)

صحيح

ياااا بنات .. اللي بتعرف مدامته لـــ nexium .. لا تخبرها أنو بيحكيلها الصدق ههه (^_*)

أحلا أردنيه والله...

بالنسبه للأخ nexium...

بلاش نكون فسّادين.. مش رح نحكيلها هي بتعرف لحالها ^_^

تيجي منه هو أحسن إلاّ ما يزل بكلمه هيك ولاّ هيك ويكشف حاله ههههههههههههه

بس والله كذبهم حلو ليش الكذب؟؟ ههههههههههههه

جورج برانت حكى

.. إنو..

عيب المرأة ... أنها لا تعطيك إجابة صريحة أبداً


وأكبر كذبة في حياة المرأة هي .. إنو ..

... كــــذب الـــرجـــل ... حلووووووووو ...

انا ما بفضل الكذب لانه حرام

على فكره الكذب مرض
وهو ضعف بس هو شخص واحد دايما يخليني اكذب على شان ما اخذ كرت احمر من الدار

لا اختي اردنيه بالشرع هيك الكذب مسموح بهالحاله بس...لانه ممكن يكون هالشي مو بأيده

اها ... قصدك لإصلاح ذات البين خيتو ... الكذب الأبيض يعني (^_^)


مهيب .. الكرت الأحمر فرض عين على الكل في الأردن ههه

معروف إنو لما الإنسان يكذب بسبب دفع الضرر عن نفسه أو لإصلاح ذات البين مش حرام..

أما الكذب الباقي حرام لا فيه كذب أبيض ولا أسود..

يعني واحد بيعرف إنو لو صدق رح ينام برا البيت .. لأ بيختصر ويكذب عشان يحمي نفسه ههههههههههه

أكثر اشي بذايقني بالحياة الكذب ... اتقبل اي شيء إلا الكــــــذب

واللي بــ يرميكِ بــ وردة ... بـــ راسو بـــ خرطش فردة

يعني ما عاش اللي يكذب عليكِ كلمة حق (^_^)

كزبك حلو ,, وصاير كزاب !! ^^

يقطع الكذب على ساعته ,, شو بستعملو ... ^_~

نفسي اعمل دراسة عشباب الجامعة الحمايدة ليش بكذبو ,, انا وهم ,, ~_~
وخصوصي عدكتور ال8 ,, مشكلتنا بننكشف بنفس الوقت ! بس باقي اعرف الدافع من وراء الكذب ,,

و مرات تتساوى نتائج الكذب والصدق ,, الناس بتحكي الحقيقة وتتمرقلهم
بس لما بنكذب احنا بننمسك ,, عاد والله بنحبكها صح !

لشو تقنعني بغرامك فيي!! ... ما الكذب متل الشمس بتشوفو من الفية
كذاب مش كذاب ردّ الباب هلق بس .. خفّ الحس ليك الناس كيف جمّعتا عليي!

نورتي فور ايفر (^_^)

الكذب هو كذب
بس الرجال ما بكذبوا على نسوانهم ولكن هذا نوع من المداراة لانو لو بدو يقلها الحقيقة بدها تسويلها مشكلة وبعدين بدو يقوم يطين عيشتها هذا اذا ما وصلة المستشفى
فالكذب لصالح النسوان.
اما النسوان لما يكذبن بكونن حابكاتها صح وبتكون على مستوى يعني بكذبن على اشي محرز.
ههههههه

اليوم بالذات ... هو يوم الكذب الأردني ... كل كذبة وانتو بخير (^_^)

ههههههههه تنعاد علينا وعليكِ بالصحة والعافية ^_^

"قيل لرسول الله صلى الله عليه وسلم : أيكون المؤمن جبانا ؟ قال : نعم ، فقيل له : أيكون المؤمن بخيلا ؟ فقال : نعم ، (فقيل له : أيكون المؤمن كذابا ؟ فقال : لا ")

لا إله إلا أنت سبحانك إني كنت من الظالمين...

ليش ما يكون في عيد صدق.. زي العيد اللي بمسرحية غربه ههههههههههههه

سؤل رسول الله صلى الله عليه وسلم ايسرق المؤمن قال يسرق ايزني قال يزني
ايكذب قال لا يكذب لايكذب لا يكذب
لذا يجب على المسلم ان لا يكذب ولا يتعود على الكذب
ولا يكذب خاصتا على من يحبه

ابو الصفو

السلام عليكم ورحمة الله وبركاته..

مبارح كنت بدي أنزل هذا الحديث اللي ذكره الأخ عمران بس لما تأكدت منه وجدت إنو من الأحاديث المكذوبه المنسوبه إلى النبي عليه الصلاة والسلام ولقيت إنو اللي نزلته أنا هو الصح..

والدليل على إنه مكذوب أن الزنا والسرقه ليست من صفات المؤمن ولكن ممكن أن المؤمن يكون جباناً أو بخيلاً..

والله تعالى أعلى وأعلم......

شكراً

ما زالت اردنية تثري الموقع بمواضيعها الراقية
وبجدارة تستحق العضو المميز والمشرف المميز
لإنه مواضيعه تكون نقطة تجمهر للأعضاء ما بين مناقش ومتفرج ومدلي بدلوه ومستفيد

ولكن بالنسبة للحديثين الذين ذكرا من قبل الأخت حنان والأخ عمران فلا يصحان
فأحدهما لا يصح ذكره والأخر مرسل ضغيف ومضلوع
والأجدر تركهما
ولكم جميعا خالص الشكر

كزابين

الله يسامحك يا أشرف ... انا جزء من نقطة بــ بحر فهمك وعلمك ...


شكراً على التنبيه بخصوص الأحاديث (^_^) .. يدووم عزك يا رااائع


خيتو عنانزة

كزابين كلن كلن ... بس مين هم !!! (^_*)

نورتي خيتو

سبحان الله ما أجمل التواضع
أختي الفاضلة ما أنا فما تذكرين من علمك وعقلك
إلا كقطرة في إناء ولبنة في بناء
ولكن لي الشرف أن اكون ممن ينهجون نهجك ويقتفون اثرك

اخ اشرف شرفك الله واكثر الله من امثالك
لكنني سمعت هذا الحديث اكثر من مره حتى انني حفضته ونقلته
لكم كما سمعت لكن كان علي ان اتحقق من صحته
اشكرك كل الشكر على التنبيه مع الشكر للاخت حنان ايضا
اخوك ابو الصفو
عمران

جد كتير عجبني الموضوع ... وفعلا الكزب ملح الرجال كلهم دون استثناء (*_*)

ع شو عاملين ضجة ع الرجال انهم كزابين ؟؟لما تشوفو الكزابة اللي انا بعرفها رح تغيرو رايكم لاني بحياتي ما شفت كزابين متلها والله لازم تدخل موسوعة غينيس

الكذبه البيضاء هي التي تمشي هذه الايام