بسم الله الرحمن الرحيم
مدير الموقع المحترم,اعضاء هيئة الاشراف المحترمين,اخواني اعضاء موقع بني حميدة الزاهر
وبعد......... لقد اثارت اعجابي هذه الفكرة واكن الشكر لصاحبها مدير الموقع على اهتمامه باسرة المنتدى
واتيكم ما هو عني بشكل بسيط واتمنى ان اوفيكم المعلومات
 
لدي اسم يتداول عليه جميع اصدقائي وهو راشد الحمايدة
انا من مواليد سنة 1985 شهر شباط يوم 15
طالب في جامعة الزيتونة الاردنية
 
تخصص :نظم المعلومات الادارية مستوى رابعة
اما عن شخصيتي :انا مرح كثيرا  حساس متفائل احب المحيط خاصتي اصدقائي عائلتي وكل من يكن الاحترام لي عاطفي  وطموح واما سيئاتي غير قنوع وعندي حب التملك  وغامض  وعصبي بعض الشيء
 
هواياتي المفضلة:المراسلة,الصيد
رياضتي :تنس الطاولة وكرة السلة
احب افلام الاكشن.
 
     

هواية الصيد رائعة

هل تستطيع وضع صورة لك من رحلات الصيد خاصتك ؟

السؤال الثاني : ما اقتراحاتك لموقع بني حميدة ؟ 

اشكرك على السؤالارجو تأجيل طلب وضع الصورة لاسباب خاصة في الموقعاما بالنسبة للسؤال الثانيارجو وضع نظام في رأس كل صفحة مندى من المنتديات يعمل على تثبيت المواضيع المميزة 

اشكرك على اقتراحك

العديد من الميزات سوف تضاف للموقع قريبا ومنها اقتراحاتك

الاسئلة التالية هي : 

(بحاول اقلد اللقاءات على التلفزيون)

موقف مضحك حدث معك ؟

حكمتك في الحياة ؟

اكثر موضوع اعجبك في الموقع حتى الان ؟ 

انا احترم رأيك جدا مع الفكرة المميزة وبصراحة اشكرك لاتاحة الفرصة لي بأن يعرفوني اعضاء المنتدى

بالنسبة للموقف المضحك حدث معي اثناء دوامي في جامعة الزيتونة موقف محرج فوق ما تتصور

عادتا يكون في كل مبنى داخل كل قسم حمام سيدات وحمام رجال ما اختلفنا ولكن في ذلك اليوم كن على عجلة من امري حيث خرجت من البيت  متجه الى الجامعة بسيارتي الخاصة وانا بالطريق شعرت بأني مزنوق قلت لخالي عند وصولك الجامعة ادخل للحمام مباشر واشتد الموقف فدخلت الجامعة مسرعا الى قسمي (مش شايف الضو)وشو صارررر

دخلت حمام السيدات بالغلط ومن شدة الموقف لم انتبه للصبايا ودخلت الحمام وبعدها وانا في الداخل رجعتلي الذاكرة واذا بصوت الضحك يعلو اجواء الحمام وخرجت مسرعا من الحمام وتأسفت من الصبايا والله لا يحطك بالهلموقف بس الصبايا قدرو موقفي وعرفو اني متضايق وبس

 

اما بالنسبة لحكمتي بالحياة فهي (الصخرة القوية تسد الطريق امام الضعفاء بينما يرتكز عليها الاقوياء للوصول الى القمة)أأأ

 

واكثر موضوع اثار اعجابي داخل المنتدى هو (وسقطت الاقنعة)بواسطة الامبرطورة يتحدث عن النفوس التي وراء الاقنعة ولها عدة مواضيع مميزة تثير اعجابي وهناك الكثير من المواضيع جديرة بالاهتمام ولكن ما المفضل مها هيك ما تقصد به بسؤالك

 

اتمنى اني جاوبت بما يرضيكم 

ما يزال هناك الكثير من الاسئلة في جعبتي لكني افسح المجال لاخواني واخواتي الاعضاء طرح اسئلتهم عليك .

كثير حلوه الاشياء اللي خبرتنا فيها عن نفسك....بس حابه اعرف موقف ما رح تنساه طول عمرك وموقف ابكاك؟؟

 

اه ه ه ه والله يا اخت سوسنة اجيتي على الوجع

بس رح اخبركو شو الموقف مع اني ما احب اتذكره

وفاة اخي الاكبر في العائلة موقف ما رح انساه طول عمري

واحاول انسى بس والله كل يوم وكل ساعة يخطر على بالي

اللهم افتح له جنانك من اوسع ابوابها واغفر ذنوبه واوسع لع في قبره وارحمه برحمتك يا ارحم الراحمين

وارزقه بكل كلمة استغفار من لساني عنه حسنة وبكل صدقة منى اخفيها حسنة وبكل ما يرضيك من عمل عني حسنة اللهم امين

ارجو من اخواني الاعضاء وكل من يريد الخير لي كلما قرأء سطوري يطلب له الغفرة

انا جدا اسف وبعتذر منك يا هاشم والله يرحمه برحمته

ويعطيك الصحة والعافية

انشاء الله ما تشوفي شر ويجعل ايامكم كلها سعادة

غريب ...مافي حد من الاعضاء فضولي وحاب يعرف عنك اكثر يا هاشم

يمكن الكل بيعرفك منيح

بس انا حابه اعرف ايمتى تحكي عن حكالك ....انا بقمة السعادة؟

اشكرك جدا سوسنة ما في غيرك انتي وصخر حابين يعرفو عني

وهذا من دواعي سروري

انا جاهز لاي سؤال ما دامت حياتي تتبع الاهداف الصحيحة

لا عمو و الله و حياتك انا حاب اعرف شغلات كثير
بس اجمعلك اياهم

يعني بدي انزلهن
اسئله انتقاميه
هههههههههههههههه

بصراحه اختيار موفق

من صخر

الاخ ماتركـــــــــــــــــــــس

اولا من هو نزف ماتركـــــــــس

2) متى تعرفت على منتدى بني حميدى ؟

3) حكمتك في الحياه ؟

4) شاعرك المفضل ؟

5) متى يكون ماتركــــس سعيدا ومتى يكون حزينا ؟

6) موقف طريف مر بك وانت في المنتدى ؟

7) مقلب من احد الاصدقاء ؟

8) ما رايك بكل من

مدير المنتده / ahmad_rawahna /القناص / السوسنه / الحر / ... هروط ...

9) لمن تعطي هذه الالقااااب

القلم الذهبي /العضو المميز /عضو ما في منه/ عضو تحب متابعه مواضيعه

ورده حمرااااء/ ورده بيضاء/
مكنســــــــــــه

10) ما هي برايك سلبيات المنتدى

المزيد جاي
سلك حالك بهذول
حبيبو لألبي

له يا بو حميد هاي فعلا اسئلة انقامية  بس انا مو منالنوع الي ما يجاوب وتعودت اكون معكم صريح

رح اجاوبك بكل وضوح.....بالنسبة للسؤال الاول والله ما فهمته....بالنسبة للسؤال الثاني لقد عرفت موقع بني حميدة قبل ان يكون موجود وحتى قبل ان يسجل رسميا لان صخر الصديق المقرب لي وقد عملت معه جاهدا لانشاء الموقع مع سجلت متأخرا وذلك بسبب ظروف لم تسمح لي بأستلام الموقع وانا اشكرك على السؤال الجميل

اما حكمتي بالحياة هي :الصخرة القوية تسد الطريق امام الضعفاء بينما يرتكز عليها الاقوياء للوصول الى القمة

والشاعر المفضل لدي هو:ابو فراس الحمداني

ليس هناك اوقات للحزن او الفرح بل هي تأتي جراء فعل معين او موقف وحتى اكون صريح معك اكون سعيدا عندما ارى مخططاتي تسير نحو الاتجاه الصحيح وتحقق شيئا من النجاح واكون حزين عندما ارى ان احد المحاولات قد باءت بالفشل ولكني لا ينتابني اليأس لان ليس له عندي معنى

اما بالنسبة للموقف الظريف لم امر بموقف هكذا داخل المنتدى

يا ريت تحدد سؤالك عن المقلب داخل او خارج المنتدى وانا جاهز للاجابة

 والله يا سيد احمد كل الموجودين بالمنتدى خير وبركة واحنا اصبحنا اسرة واحدة من الصحب التمييز والتفرقة بين الجميع وبالنسبة للالقاب انا رح اعمل ترتيبي كالتالي

القلم الذهبي : عمر السواعدة يستحق ذلك وانتم تعلمون

العضو المميز: بلاك ايرز واحمد الرواحنة

عضو ما في منه:لسة ما دخل المنتدى هههههه تحت التنشئة كلكم ما في منكم

عضو احب متابعة مواضيعة وردة حمراا : الامبرطورة وبكل صراحة مواضيع من النوع المفضل جدا لدي

وردة بيضاء : مدير الموقع

المكنسة : كل شخص فكر ولو لمجرد تفكير انه يسىء للموقع وانا رح اكون خصمه الاول واكيد انتو رح تكونو معي .......

بالنسبة لسلبيات النتدى هي سلبيات بسيطة لا بستحق ذكرها وقمت بمعالجة الموضوع مع صخر ولا تنسى ان كل بداية صعبة ولكنها تدلك على الاخطاء ومع مرور الزمن تتلاشى شيئا فشيئا

اتمنى ان اكون قد جاوبت بما يرضيكم وسامحمونى اذا بدر منى اي اساءة 

بصراحة دخلت هلا لحتى بس اشوف ردك ...لاني بعد ما قرأت اسئلة احمد لالك حطيت هيك توقعات يعني مين رح تختار...توقعت القلم الذهبي لمين وورده حمراء وبيضاء بس ما قدرت اتوقع عضو مميز وعضو ما في منه ....بس يمكن حكيت واحد منهم رح يطلع مشتاق او القناص

 

بس الغريب انه  احمد وانا اعضاء مميزين هذا كثير والله يخليك

لقاء حلو كتير وحبيته بس كتير يسألوك مش لازم ترتاح شوي

وكمان عندي اسألة كتير  جهز حالك

الى سوسنة : هذا من دواعي سروري وانا  والله ارتحت لجميع من في الموقع

الى منى : انا سعيد بوجودك معنا بالموقع وكالعادة لا امنع اي شخص من (استجوابي)ههههه

انا جاهز بس ضمن المعقوووول اوكي

اشكركم

لو كانت مخططاتك ماشية بالاتجاه الصحيح وبتحقق شي من النجاح ....وضميرك مو مرتاح ...بتكون سعيد؟؟؟؟؟؟؟؟؟؟

لا طبعا اذا انا بهيك حالة حققت النجاح ولكن بالطريقة الخطا اي ان ضميري مش مرتاح

واتمى انو ما توصل لهيك درجة

انشاء الله اكون جاوبت على سؤالك

مره كنت مع مجموعة طلاب طالبات بمركز للشباب...وكانوا بيلعبوا لعبة اسمها لعبة الصراحة

يعني كل واحد بيسال الثاني سؤال ولازم بيجاوب المسؤول بكل صراحة او زعل...نادولي العبها معهم سالني ولد صغير ايمتى تكوني مرتاحة؟ حكيتله اذا اهلي بخير وما في عند اي واحد منهم مشكلة بكون سعيدة

حكالي ولو ضميرك مخبي شي ومو مرتاح بتكوني سعيدة؟

 حكيتله طبعا لا

فخطر ببالي انه هاشم ممكن يحكيلي بكون سعيد اذا كان ضميري مرتاح

 

iههههههههههههههههههههههه

اتوقع انو الاجابة قريبة بس فعلا الولد عرف كيف يسأل

وحبيتي تسألينتي هيك سؤال

بسيطة

حسيت يا هاشم انه الولد صاير عنده خبرة بهيك لعبة

المهم

شو تعنيلك المرأة طبعا اذا حبيت تحكيلي

وشو يعنيلك ابوك

وكمان شو تعنيلك المدرسة

وشو بيعنيلك الكتاب ....والمسرح ؟

والله يا اخت سوسنة اسألة حساسة وما عمر حدا سألني هيك اسئلة بس رح اجاوب بصراحة

اكيد المرأة تعني الي الكثير يكفي انها نصف المجتمع ومصنع الرومنسية للحياه

قد ما نحكي ما رح نكفيها حقها وهاي اجابة مختصرة وواضحة

اما الاب هول كل شيء في حياتي لولاه لما اصبحت رجلا لما اصبحت قويا

هذا الشخص ليس نحن من نقول عنه  وانما اوصى به رب العزة بكتابه العزيز

يكفي بأن اقول فداه روحي

 

تعني المدرسة الي وبكل صراحة اولا الذكريات الجميلة وثانية بداية الطريق لمواكبة المستقبل والمكان الذي تفرغ فيه طاقاتك لتحولها الى اهداف

الكتاب هو الدليل لحياتي ومن كان دليله غير الكتاب والتجربة فأن دليله غير ثابت وكثير الخطأ

اما المسرح بصراحة لا يعني لي شيء لاني بحياتي لم ارى مسرحا او بالاحرى لا اتابع المسرحيات

جواب صريح ومباشر

واشكرك

ما هو هدفك في الحياة ؟
ما هو المنصب الي تطمح انك تحصل عليه في المستقبل ؟
كيف تتخيل نفسك في المستقبل ؟
هل تعتقد في المستقبل اذا حصلت على المال ان يغير هذا المال في شخصيتك وعلاقاتك بغيرك - بكل صراحة - ؟

اشكرك صخر
هدفي في الحياة هو ان اصل الى المرحلة التي اشعر فيها انني وصلت الي قمة الراحة والرضى عن النفس واما المنصب فليس هناك اي تخطيط جاري حاليا ولكن كل انسان يطمح للوصول الى المناصب العليا وانا شخصيا اطمح الى ان اكون استاذا جامعيا
ولا استطيع ان اتخيل نفسي بالمستقبل حاليا
وحتى اكون معك صريحا ان كثرة المال تغير النفس اما للاسوء واما للافضل
واتمنى ان اكون من الطرف الثاني اي الافضل

اشكرك وارجو انني اجبت بما يرضيكم

يا سيدي وحبيبي MATRIX الله يجعلها اخر الاحزانا انشاء الله

وانتا شخصية تنال الاعجاب الله يوفقك

معلومات مفيده عنك بس سؤالي
( هل تنسى التخييم عل الطف )؟
بس راح نكررها الاسبوع الجاري ؟اوكي

لا والله ما انسى واكيد التكرير مطلووووب يا موسى
واشكرك يا وسيم وانشاء الله ما تشوف الا الافراح بحياتك

صارلك زمان مادخلت عالموقع ان شالله خير
بس لمين تحكي كلمة انت كذاب .. انت جبان ..انت رائع ؟؟؟

كمان عندي سؤال مين الشخصية اللي تعرفت عليها ولساتك سعيد بهاي المعرفة ؟
ومين الشخصية اللي ممكن تحكي لالها فرصة غير سعيدة معرفتي فيكي؟

بصراحة اخت سوسنة السؤال محير بس رح اجاوبك بعد غيابي الطويل عن الموقع لانو كنت مشغول كثير والله واشتقت ارجع للموقع واول ما دخلت الى قسم شؤون الموقع ومباشرة حبيت اجاوب على سؤالك والله عناك شخصيات عديدة تعرفت عليها وكل شخص منهم يتميز بأمور تميزه عن الاخر ولكن هناك شخصية ذات طابع روحاني لا استطيع التخلي عنهاوارجو ان تسمحي لي ان اخفي هذا الامر عنكي ..... واما بالنسبة للي احب احكيلها فرصة سعيدة هي الشخصية التي تحب ان تتخذ الاصدقاء للتسلية وانتي فاهمة قصدي انا لم اجيب على السؤال بوضوح ولكن ارجون انني قد اوصلت الفكرة لكي

اسف اخت سوسنة انتبهت الى اخر تعليق موجود ولم انتبه للتعليق رقم 30 اعذروني والله كنت مشغول لدرجة كبيرة واسف مرة اخرى عن غيابي ولكن البركة فيكو انتو الي بتحلو الموقع وبالنسبة للسؤال
انت كذاب :: للذي اخفى امرا عن الذين امامي مع انني كنت املك الدليل القاطع وهو العين
واذا حصل ذلك مع غيري فمن السهل ان يفعلها معي

انت جبان:: الذي لا يستطيع ان يأخذ ابسط حقوقة بيده وهذا الجبان من وجهة نظري

انت رائع:: تقال للشخص الذي تحاول ان تغصب منه اول ان تكره تصرف له ولكن لا جدوى من ذلك لانه لا يسمح لنفسة الا ان يعامل الاخرين بقمة الاحتراموهكذا .....

اتمنى اني جاوب بس عن جد اسألتك تدل على انو لديك مهنة الصحافة...هههههه امزح نشوفكم على خير

ههههههههه
مهنتي مختلفة كليا بحب احكي عنها بس ظروفي ما بتسمح.
بحب كونك صريح ...
لو هلا اعطيناك هدية وطلبنا منك تعطيها لشخص لمين رح تعطيها؟
ولو طلبنا منك تحكي مع شخص تلفون او تبعثله مسج على مين رح يقع اختيارك ؟

بصراحة لو اعطيتتوني هدية والله غير اعطيها الك لانو اسألتك تعجبني وبالنسبة للتلفون او المسج رح ابعث مسج شكر حااااار الك وبكل صراحة احكيها

هههههههههه اعتبرهم وصلوا...لاتنسى يا هاشم اني حكيتلك بحب كونك صريح ...المهم سالتك مره شو بيعنيلك الكتاب فرديت انه دليل لحياتك ....بس شو هو الكتاب اللي سمعت عنه وحبيت تقرأه بس ما قدرت ... رح اجيبلك اياه هدية وهاي المره عن جد

والله بصراحةانتي غمرتيني بلطفك وعنجد انا عاجز اني اشكرك لاهتمامك الكبير واعطيتيني دافع اني اعرف عنك لو لمحة بسيطة وانتي غير مرغمة على ذلك بس عشان الكتاب الي حبيت فعلا اني احصل علية وما قدرت اقرأه هو كتاب(مذكرات)لـ غابرييل غارسياماركيز. واسمه(نعيشها لنرويها)
وبتمنى منك ما تغلبي حالك كأني اخذت الكتاب وزيادة بس حبيت احكيلك اسم الكتاب ختى اذا حبيتي تقرأي كتاب غاية في الجمال
وانا ممنون الك كل اشي ويسلموووو

لا ما في غلبة وانا ما قراته من قبل بس رح ابلش رحلة البحث عنه من اليوم بس كيف بدي اوصله ؟؟؟؟؟ عالعموم عندي طريقة جهنمية لتوصيله اذا لقيته .

تسلمي ما تغلبي حالك وجودك معنا بالموقع احسن من كل اشي واعتبري الكتاب واصل وعنجد يسلمو على كل اشي

بتشوف او تسمع اخبار ؟
تقرا الجريدة كل يوم وشوهي الجريدة اللي بتابعها ؟اذا كان جوابك اها شو المواضيع اللي بتشدك ؟
ليش اغلب الشباب بيطلعوا رحلات صيد ؟ لطبيعتهم الجسمانية ؟
لو عندك اخت وحكتلك بدي اسجل في منتدى بني حميدة باسم مستعار او اسم صريح شو رح يكون رايك ؟

شو اخبارك طمنيني عنك انا اشكرك على السؤال المتعدد الخيارات بس رح اجاوب بصراحة
نعم بتابع الاغبار وخاصة العربية ولاكن بشكل سطحي لانني احب برامج العربية اكثر من متابعة النشرة
الجريدة لا اشتريها الا في بداية الاسبوع وفي نهايته لان الاخبار تكون ضعيفة في وسط الاسبوع ولا اتابع الا جريدة الرأي (الصفحة الاخيرة)والمحليات والاخبار العلمية
والبنسبة لرحلات الصيد انتي اجيتي على الوجع , رحلات الصيد عبارة عن قمة الترفيه والمتعة وكونها هواية خشنة تريد قوة جسمانية وتركيز شديد(لعبة الرجال)يعني للي يجربها مرة يدمن عليها لشدة المتعة وبصراحة انا مدمن عليها بشكل كبير
وبالنسبة للسؤال الاخير ما في مانع اذا سجلت بأسم مستعار ولكن اسم صريح هذا غير وارد بقانوني ابدا منتدى بني حميدة مرااة نعكس عليها افكارنا وثقافتنا الشريفة
واتمنى يا انسة سوسنة اني جاوبتك بشكل واضح

انا الحمدلله بخير ...بصراحه فكرتك ما رح تجاوب على سؤالي لانك دخلت كثير عالموقع وما جاوبت عليه ....المهم اذا ما مليت عندي اسئله وحابه اسالها .

لمين تحكي هاي الكلمات :
 
 1- عبثا ما أكتب سيدتي إحساسي أكبر من لغتي وشعوري نحوك يتخطى صوتي .. يتخطى حنجرتي عبثا ما أكتب .. ما دامت كلماتي .. أوسع من شفتي أكرهها كل كتاباتي مشكلتي أنكِ مشكلتي 
 2- فشلت جميع محاولاتي في أن أفسر موقفي فشلت جميع محاولاتي
 3- أخاف أن تمطر الدنيا ولست معي فمنذ رحتِ وعندي عقدة المطر كان الشتاء يغطيني بمعطفه فلا أفكر في برد ولا ضجر
 4- ومـن لـم يعانقـه شــوق iiالحـيـاة تـبـخـر فـــي جــوهــا ، iiوانــدثــر فويـل لـمـن لــم تشـقـه iiالحـيـاة مــن صـفـعـة الـعــدم iiالمنـتـصـر

عبثا ما أكتب سيدتي إحساسي أكبر من لغتي وشعوري نحوك يتخطى صوتي .. يتخطى حنجرتي عبثا ما أكتب .. ما دامت كلماتي .. أوسع من شفتي أكرهها كل كتاباتي مشكلتي أنكِ مشكلتي ....شخص لا ابوح به
^^^^
فشلت جميع محاولاتي في أن أفسر موقفي فشلت جميع محاولات........ للحياه ولكن لا حيات مع اليأس
^^^^^^
أخاف أن تمطر الدنيا ولست معي فمنذ رحتِ وعندي عقدة المطر كان الشتاء يغطيني بمعطفه فلا أفكر في برد ولا ضجر...... وهنا لا اقولها الا للشمسية
^^^^^^^
ومـن لـم يعانقـه شــوق iiالحـيـاة تـبـخـر فـــي جــوهــا ، iiوانــدثــر فويـل لـمـن لــم تشـقـه iiالحـيـاة مــن صـفـعـة الـعــدم iiالمنـتـصـر
لمن وضع في كتاب قانونه بند اسمه اليأس

شكرا يا هاشم


الشخص اللي ما بتبوح فيه شو اهم شي بيميزه ؟

مين العضو في المنتدى انت حاب تشوفه ؟

انا عندي فكره مين هو العضو.........

سوسنة اسف لتأخري عن الرد ولكن ممكن اعرف مين العضو الي عندك فكرة عنه واذا هو رح اجاوبك بكل صراحة

اعتذر عن انقطاعي عن المنتدى بس للاسف الكثير من الاشخاص رواد هذا الموقع قد غادروه معي واتمنى ان يعودو كعودتي

ممكن سؤال اخ ماتركس

شو ودك هدية اجيبلك معي وانا جاي ولا تطلب دخان عيب

ههههههههههههه



شو السؤال المحرج هآذ يا حمزه



سؤال للاخ ماتركس :



ما السبب الرئيسي بإنقطاعك عن المنتدى في الايام الماضيه ؟

اها ماتريكس مره تانيه يالله كم انا حاقد عليه هالماتريكس عندي سؤال يا اخ ماتريكس بدي جاوبه بكل صراحه امام كل من يدخل هنا السؤال هو :::::::: كم مكالمه مني ومن شرف لم يرد عليها وانت مشغول وبوضع انتظار؟ ومع مين كنت مشغوووووووووووووول ساعه ونصف ونحنا بنرن ونبعت مسجات وكنسسسسسسسسسسل ؟

شو ماترد وتعبرنا يا ماتريكسهم اها نسيت بدور على اعذاررررررر كترانه هالايام

والله يا ابو سند انك تعمل معروف بس يا ريت يكوت التسليم غير مباشروالله اشتقتلك

والله يا شيخ sniper سبب انقطاعي صعب جدا اشرحة وهذا امر شخصي والمعذرة منك

يا موسى خليني ساكت

احم

السلام عليكم اخ ماتركس طبعاا الان حبيت اعلق على الموضوع لانه لفت انتباهي و كنت بشيك على الاقسام قلت اسالك سؤال اذا ما في اي احراج



طبعا بتمنى ان نكون صريحين ماذا تعني لك الصداقة و هل الصداقة ممكن ان تتحول الى حب او بتضل الصداقة بينها و بين الحب حاجز كبير ؟؟؟؟؟

بالنسبة الي هذا اولسؤال

لاني حابة اعرف قناعاتك و رايك بمعنى الصداقة

مشكور اخوي و الك ارق التحيات العذبة من اختك بنت النور..............

الاخت نور انا اشكرك على دخول الموضوع مع انو بهالموضوع حسيت حالى من المشاهير والصحافة تطاردني وسؤالك حلو كثير وله تفاسير كثيرة عندي

بالنسبة للسؤال الصداقة لا تشعر بقيمتها النادرة إلا عندما تفقدها فهي ملح الحياة

الصداقة كما يقال وحسب قناعتي الشخصية ( من السهل ان الصداقة تتحول الى حب ولكن من الصعب الحب يرجع الى معنى الصداقة هذه عن تجربة شخصية

وهذا الجواب المختصر

ولكن في وقتنا الحالي الصداقو وقوتها وابجدياتها ومعانيها ..... التي اصبحت مجرد عبارات تقال وكلمات تكتب .... وهيك اتمنى اكون جاوبتك

.........

مرحبا ماتركس

اذا بتسمحلي حابة اسألك كيف تتخيل الحياة من غير وجود المرأة

وشو رأيك بعضوات الموقع (الإناث) اعطينا ملاحظاتك

اهلا بالخت هروط انتي من اساسات الموقع واشكرك للدخول والاهتمام

طبعا بكل سرور اجاوبك

الاصل ان تقولي ليس هناك وجود للحياة من غير حواء والحياه علمتني ذالك

وبالنسبة لعضوات الموقع الاناث يعتبرن الجزء الجمالي والاساس حياة الموقع يعني ملطف جو فراوله للموقع هههههه وهذا رايي

بالمناسبة جوابي مختصر ولكن خير الكلام ما قل ودل

والله يا ماتركس جوابك المختصر كسر قيود المعرفة لاعرف معنى الصداقة عندك

و غير هيك يعني ما يطلع النا نصير من المشاهير مين احسن منا الاردنيين

حنا هل الطولات و الكرم و الجود

مشكور كثيير

بس الموضوع عجبني كثير و بدي ارد اسالك كمان سؤال

حابة اعرف مواصفات الحياة المثالية عندك؟

والله يا نور خجلتيني بس مجبرا اخاك لا بطل والله احنا ما بنكون غير بالناس الطيبة

واحنا اهل الطولات والكرم والجود فعلا المهم سؤالك يعنيي انتي مصتقصديتني ليش يا ربي ما في غير انا على الموقع حرام عليكو ..... امزح

الحياة المثالية عندي زي اي شخص يحب انها تكون اولا تكون مستقل وامير نفسك بيتك وسيارتك ووظيفتك وتكون صاحب ظمير مرتاح وقنوع ولكن بالنسبة للكماليات والتفاصيل كثيرة وحبيت احكي بنهاية الحياة المثالية لا تكتمل الا بوجود من تحب ركزي على من تحب ما الفائدة ان تكون وحيدة او ان تكون مع من لا تحبه

الكلام كثير واخاف تملو مني

الله يسامحك يا ماتركس مو مستقصدك بس الموضوع غريب نوعااا ما عشان هيك الكل لازم يستغل الفرصة و ينخلك تنخيل

هههههههههههههههههه و نسألك جميع الاسئلة طيب شو هسا جاي ببالي اسأل



مين بتحب نبلش فيه اسئلة بعدك انته يعني رح نحلله من كثر الاسئلة اقترح يا ماتركس؟



اشكرك؟

بدي اسأل سؤال بس يا ريت تجاوب بصراحه



شو أكثر أشي حبيتو وكرهتو بنفس الوقت ؟؟؟



شو موقفك من العرب الي قاعدي يقلدو الغرب في كل أشي ممكن ترد علي و بصراحه وبكل شفافيه ؟؟؟؟





شو بعنيلك العالم بسبه الك ؟؟؟







كيف طريقتك في أسعاد الناس ؟؟؟

فال الله تعالى ((( أن لكيدهن عظيم)))

شو رائيك في الكلمتين الي تحكي الف كلمه عن المراه ؟؟؟





و كمان هل تحطمت عندما شاهدة صديق مقرب الك يرحل عنك او يسافر أو يتركك مشان سبب تافه؟؟؟؟؟ مشان الله ترد هاض السوؤال مهم بنسبه الي





و اعذرني لأني جديد على المنتدى لو ما حكالي أخوي وحبيبي ((عمر القبيلات)) كن ما لقيتني موجود في هاض المنتدى

حاب اسئلك سوال واحد يوم تحمل مسدس طخ الرجل ولا الي بحده

مرحبا maAaAatrex كيفك؟ انا قرأت التعليقات وبصراحة عجبتني شخصيتك كثير

وبحب احكيلك المعاناة الي انت جربتها لما توفى المرحوم اخوك الله يرحمو انا حسيتها لأنو ابني توفى وعمرو 17 سنة الله يرحمهم يارب ويجعل مثواهم الجنة بس شو بدنا نحكي هاي حال الدنيا.............

بدي اسألك شو هي مواصفات فتاة احلامك؟

وبحب احكيلك الله يوفقك بحياتك................

ماتريكس اللهم لا حسد كلامك جواهر وشخصيتك رائعة و كلامك موزون