التسجيل
استرجاع كلمة السر
من غير زعل
آخر تعليق
الفرق بين الزوجة الفلسطينية والسورية إذا وقع زوجها عن الدرج : السورية : ولي على آمتي، سلامتك حبيبي إن شاء الله ، أنا ولا أنتا ابن عمي ( ميتة خوف عليه( الفلسطينية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث ( إذا الزوج بدو يسافر : السورية : انتبه لنفسك ابن عمي، جهزتلك الشنطه، كتّر خيرك على الأغراض اللى اشتريتها، بيكفوا سنه الله ولايحرمنا من دخلتك علينا، أولي على آمتي، تروح وترجع بألف سلامه الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك وتحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد ) إذا الزوج تأخر بره في شغل أو مع صديق : السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر علي كثير مره تانيه عشان بشتائلك أنا ( يؤبرني دلع الشام ( الفلسطينية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق ) إذا طلبت شى منه : السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي . الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال ) إذا جابلها هدية : السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري الفلسطينية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله) اذا بدك شي منها : السورية : من عيوني ابن عمى تؤبرني بتؤمر أمر ابن عمى ولووو غالى والطلب رخيص، شو بعبد سماك انا دخيلو أنا شو بحبووو على راسي حبيب ألبي الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضيه، وللا أقلك اطلع من الدار حل عنى روح شوفلك شغله سويها، فقعت مرارتي من شغل البيت اففففف اففففف . لو طلبت منها فنجان قهوة : السورية : من عيوني ابن عمى، أحلا فنجان بن من دياتي يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس ) الفلسطينية : بدك قهوة ؟ هي أخوانك مرميين في الحوش روح اشرب معهم، وللا أقلك روح عند أمك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة ) اذا حكالها (بدك شي؟) وهو طالع : السورية :- تسلملى حبيب ألبي ابن عمى، مابدي غير سلامتك مكفينى من كل شي مو ناقصنى شي تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك أعملك شي لمن ترجع؟ ( بتكون غبي لو طلعت وتركتها ) الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ أن شاء لله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وأنت جاي . الذوق والتنويع فى الاكل : السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى إنها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وما عملته ؟ صحتين على ألبك ابن عمي . الفلسطينية : لو عندها كل أنواع الخضار، والثلاجة مليانة أغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا إذا كنت محظوظ و ما حكيتلك فش بندوره و خيار روح اشتري، أو خلص الغاز في نص الطبخة، روح جيب غاز إذا بدك توكل . طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره . وأهم أشي: بس تخلّص أكل ودّيني عند أهلي، طلعت روحي طول اليوم في المطبخ ( يعني عاملة الغنايم ما شالله ) ... خليها تروح يمكن تنفتح نفسك وتأكل زي الخلق ..... مع الأعتذار لكل النساء الفلسطينيات لأنى وحده منهم بس بحب النكد على خفيف هههههه |
اقرأ ايضا |
 أضف تعليق |
|
|
|
|
 التعليقات6 تعليق | |
 صاحبة_السمو |
(1) 2009/05/17 12:35 م
|
 بهواك |
(2) 2009/05/17 2:18 م
|
 عنودي |
(3) 2009/05/18 2:57 م
|
 الغازي |
(4) 2009/05/18 7:41 م
|
 mosaali |
(5) 2009/05/21 11:08 ص
|
 IMPREZA |
(6) 2009/06/15 7:49 م
|
 عودة الى الموضوع | |